Toqaev Armenıa Ulttyq jınalysynyń tóraǵasyn qabyldady
Memleket basshysy Qasym-Jomart Toqaev Armenıa Ulttyq jınalysynyń tóraǵasy Alen Sımonándy qabyldady. Prezıdent mártebeli meımanǵa iltıpat bildire otyryp, onyń sapasy ekijaqty yntymaqtastyqty tereńdetýge baǵyttalǵan mańyzdy qadam ekenin atap ótti. Toqaev zań shyǵarýshy organdar arasyndaǵy yqpaldastyqty keńeıtý – elder arasyndaǵy baılanysty odan ári nyǵaıtýdyń kepili ekenin aıtty.
Qasym-Jomart Toqaev Armenıany Qazaqstannyń Ońtústik Kavkazdaǵy senimdi seriktesi retinde atap, ekijaqty qarym-qatynastyń turaqty saıası dıalog, saýda-ekonomıkalyq jáne mádenı-gýmanıtarlyq baılanystar negizinde damyp kele jatqanyn jetkizdi.
Óz kezeginde Alen Sımonán Qazaqstanǵa kórsetken qonaqjaılyq úshin alǵys bildirip, parlamentaralyq baılanystardy nyǵaıtýdyń mańyzdylyǵyn atap ótti. Ol Armenıanyń Qazaqstanmen ekonomıkalyq qarym-qatynasty jandandyrýǵa múddeli ekenin jáne saýda-sattyqty arttyrý úshin naqty sharalar qolǵa alynatynyn málimdedi.
Kezdesý barysynda armán tarapy Qazaqstannyń Armenıa men Ázerbaıjan arasyndaǵy beıbit bastamalaryna rızashylyǵyn bildirdi. Qos tarap ta qazaq-armán qarym-qatynasyn jan-jaqty damytýǵa beıildi ekenin naqtylady.
You Might Also Like
-
Qazaqstan ǵylymy men ádebıettaný salasyna ólsheýsiz úles qosqan kórnekti ǵalym, ádebıettanýshy, fólklortanýshy, Ulttyq Ǵylym akademıasynyń akademıgi, fılologıa ǵylymdarynyń doktory, Memlekettik syıly...
-
Ekinshi dúnıejúzilik soǵys jyldarynda er azamattarmen qatar qan maıdanǵa attanǵan qazaq qyzdarynyń erligi el esinde. Ásirese, tank júrgizip, jaýmen shaıqasqan tórt batyr arý — Jamal Baıtasova, Jamıla...
