InfoHub Logo

Tárbıe mektebi – otbasy
Maqsaty: Bala tárbıesindegi ata - ananyń alatyn ornynyń erekshe ekendigin túsindirý. Januıadaǵy ata - ana jáne bala arasyndaǵy qarym - qatynasty nyǵaıtý. Ata - anaǵa degen bala mahabbatyn oıatý. Mektep, ustaz, ata - ana birligin nyǵaıtý. Otbasy músheleri arasyndaǵy baýyrmaldyq. Qaıyrymdylyq, dostyq qarym - qatynasty qalyptastyrý, úlkendi syılaýǵa, sypaıy, iltıpatty bolýǵa tárbıeleý.
Kórnekiligi: qanatty sózder «Ata kórgen - oq jonar, ana kórgen - ton pisher», «Ata – báıterek, bala - japyraǵy», kartochkalar.
Túri: pikir talas.

Barysy:
İ. Uıymdastyrý.
Sálemdesý. Oqýshylardy 4 topqa ornalastyrý.
Búgin biz «Tárbıe mektebi – otbasy» taqyrybyndaǵy tárbıe saǵatynda bala tárbıesi, onyń jan - jaqty damýy baǵytynda óz oıymyzdy ortaǵa salmaqpyz. Otbasy – adam balasynyń túp qazyǵy, altyn uıasy. Adam balasy shyr etip dúnıege kelgennen bastap, sol ortanyń ystyq sýyǵyna beıimdelip, yqpalyna kónip, osynda er jetedi. Áke shańyraq ıesi. Otbasy músheleriniń jaýapkershiligi tolyǵymen er - azamatqa júkteledi. Áıel – otbasynyń uıtqysy. Balany ósip tárbıeleý - ata - ana mindeti. Bala ákeden aqyl, anadan meıirim alady. Tártipti de tárbıeli urpaq tárbıeleý – otbasy men mektepten alǵan úlgi - ónege jıyntyǵynyń jemisi. Búgingi sabaq saıys túrinde ótedi.

İ bólim: Tanystyrý.
«Altyn uıa» toby, «Berekeli otbasy» toby, «Merekeli otbasy» toby, «Baqytty otbasy» toby.
- Aldymen toptyń atyn tanystyryp maǵlumat beredi.

İİ bólim. «Bilimdige dúnıe jaryq» dep atalady. Munda toptyń shapshandylyǵyn, biliktiligin ańǵaramyz. Endeshe vıktorınalyq suraqtar beriledi.
İ top
1. Baldan tátti ne? ( bala)
2. Qara shańyraq ıesi kim? (kenje ul)
3. Ákeden balańa beriletin zat ( mura)
4. Úıdegi altyn adam kim? (ana)
İİ top
1. Bes dushpandy atańdar? (ósek, ótirik, maqtanshaq, erinshek beker mal shashpaq)
2. «Ul atadan kórmeıinshe sapar shekpes» kimniń naqyl sózi ( Qorqyt ata)
3. Jasóspirim bala neshe jastan bastap qylmystyq jaýapkershilikke tartylady?(14 jas)
4. Tárbıe men bilimniń ordasy (mektep)
İİİ top
1. 18jasqa tolmaǵan adam (bala)
2. «Ózin - ózi taný» baǵdarlamasynyń avtory kim? (S. Nazarbaeva)
3. Eki adamnyń bir - birine degen adaldyǵy (dostyq)
4. Bes asyldy atańyz (talap, eńbek, tereń oı, qanaǵat, raqym)
İV top
1. Úsh arsyzdy ata? (uıqy, tamaq, kúlki)
2. Memlekettik rámizderdi ata (eltańba, tý, gımn)
3. 7 atany ata (ata, áke, bala, nemere, shóbere, shópshek, nemene)

Kelesi İİI bólim «Bolashaǵymyz bilimdi jastardyń qolynda» sýret salý baıqaýy.
4 top sýretterin qorǵaıdy.
Kelesi İV bólim «Tyǵyryqtan shyǵý» dep atalady. Munda jaǵdaıattyq saýaldar beriledi. Óz pikirlerińizdi bildiresizder.
1. Seniń ózińniń jaqyn adal dosyń bar, biraq onymen dos bolýǵa ata - anań qarsy. Sen ne isteısiń?
2. Kóktem mezgili. Joldasyń sabaq oqýyn azaıtyp, sabaqtan tys nárselerge kóp kóńil bóletindikten sabaq úlgerimi tómendep ketti. Sen ne isteısiń?
3. Seniń sabaq úlgerimiń ortasha. Synyptastaryń seni bilimiń boıynsha baǵalap, adamgershilik qasıetterińdi kóre bilmeıdi. Sen ne isteısiń?
4. Pán muǵalimderi seniń jaýapkershiligińdi baǵalap erteńge bir jumys tapsyrdy. Belgili sebeptermen sen ol jumysty oryndap bola almadyń, ne isteısiń?

Kelesi bólimimiz V bólim «Til óneri» maqal máteldiń jalǵasyn tabý. Iaǵnı munda qaı top birinshi qol kóteredi, sol top jaýap beredi.
1. atanyń balasy bolma,............................. (halyqtyń balasy bol)
2. Uıada ne kórseń,....................................(ushqanda sony ilersiń)
3. Balaly úı bazar,..................................(balasyz úı qý mazar)
4. ata kórgen oq jonar,..........................(ana kórgen ton pisher)
5. Ananyń súti – bal,................................(balanyń tili – bal)
6. Týǵan úıdiń tútini jyly,..............................(týǵan ananyń kútimi jyly)
7. Anańa aýyr sóz aıtpa,...............................(artyńa aýyr júk artpa)
8............. – ananyń baýyr eti, kóz nury. (bala)
9. Áke – asqar taý,.............................(ana - shalqar kól)
10. «Jeti atasyn bilmegen:................(jetesiz»),

Qorytyndylaý:
Jeńimpaz topty jarıalaý
▪ Áziliń jarassa, atańmen oına.
▪ Atańa ne qylsań,
Aldyńa sol keler.
▪ Atadan jaqsy ul týsa,
Esiktegi basyn tórge súırer.
▪ Atadan jaman ul týsa,
Tórdegi basyn jerge súırer.
▪ Atadan jaqsy ul týsa,
Eliniń qamyn jeıdi.
Atadan jaman ul týsa,
Eliniń malyn jeıdi.
▪ Ákeń ólse ólsin,
Ákeńdi kórgen ólmesin.
▪ Balaly úıdiń urlyǵy jatpas.
▪ Qarǵa balasyn appaǵym deıdi,
Kirpi balasyn jumsaǵym deıdi.
▪ Jalǵyz balasy bardyń
Shyǵar - shyqpas jany bar.
Eki balasy bardyń,
Ókpe, baýyr, jaly bar.
Úsh balasy bardyń,
Buqarada puly bar
Tárbıe mektebi – otbasy júkteý