InfoHub Logo

Baıaǵyda eki jigit jolaýshylaı kele jatyp, bir baıdyń aýylyna taıaǵanda attarynan túsip, demalypty. Bireýi qatty qý bolsa kerek. Ol ishteı «baı men joldasymdy qosa bir aldasam» dep oılapty da, joldasyna:

— Biz búgin ana aýyldaǵy baıdyń úıine qonamyz, ol úıge barǵanda men basqa jerden kelgen bolaıyn da, sen maǵan ergen atqosshy bol. Baı úıiniń aldyna barǵanda meni attan súıep túsirip, esik ashyp úıge kirgiz. Odan keıin arqama qalyńdaý qylyp tósenish qoı, sonda aldymyzǵa mol tabaq tartylady. Tabaqtan keıin tegenemen tarynyń qaýyzyn ákeledi. Muny kóbinese baılardyń atqosshysy jeıdi. Sonda aldymen bir ýysyn alyp «biz de toıyp qaldyq qoı» de daǵy, aýzyńa salyp asaı sal, áıtpegende, olar saǵan tegenedegi qaýyz túgegenshe jegizedi, — dep aqyl úıretipti. Aıtqandaı-aq keshte bularǵa túre tabaq et tartylyp, artynan qoldyń maıyn súrtýge tarynyń qaýyzyn ákelipti. Baı bolǵan jigit dereý atqosshylyq istegen joldasyna:

— Anany tez alyp jiber, — dep ym qaǵypty.

— Biz de toıyp qaldyq qoı, — dep atqosshysy qaýyzdy asap jiberip, qaqalyp qalypty. Buǵan úıdegiler dý kúlipti.

— Átteń, seniń mysqylshylyǵyń-aı, — dep jigit qaqalǵan joldasyna qarapty. Sonda muny baıqap otyrǵan baı:

— Qonaqtar toımaı qalyp, qaýyz jegen eken, — dep qaıtadan qazan astyrypty. Sóıtip, qý jigit amalyn asyryp ketken eken.

---