Qara bir taýdyń jylǵasy,
Halqynyń baǵlan quljasy,
Súıindiktiń aǵasy,
Altynnan salǵan syrǵasy,
Alashtan dushpan sóz kelse,
Aldynda júrer jorǵasy.
Qara bir taýdyń ólkesi,
Aty Altaıdyń serkesi,
Jarlyǵy jalǵan bolmaǵan,
Han, qaranyń erkesi.
Bazarlap kelgen bez edi,
Jaqsydan qalǵan kóz edi,
Ebiniń qyzyl jelindeı,
Saýlap bir turǵan sóz edi.
Aıdyny taýdan zor edi,
Dáýleti kóldeı mol edi.
Ózim bir degen Alashqa,
Alasy bir joq tóre edi.
Aıǵyr bir qýǵan qulyndaı,
Adam aýlyn jaqtaǵan,
Ádildikke salǵanda,
Kápir, qazaq maqtaǵan.
Qurama jıyp, el qylyp,
Qosyn taza saqtaǵan.
Tili shaıpaý tentegi
Aqylymen toqtaǵan.
Kóldegi aqqý daýysty,
Aq suńqar qustaı dabysty,
Eregesken dushpanǵa
Aıdahardaı shalysty.
Qaıtpas qara bulttaı,
Qalshıǵanmen qarysty.
Eki de tizgin bir aıyl,
Bir ózim dep salysty.
Tolqyn topqa barǵanda,
Iyǵy asyp sóılegen.
Súıindiktiń balasyn,
Óz ulyndaı bılegen.
«Elim Altaı eken!» - dep,
Yrkyna zorlyq qylmaǵan.
Ertegi ótken Asandaı,
Eldiń qamyn oılaǵan.
Asylyq aıtyp Allaǵa,
Kúnáhar ǵasy, bolmaǵan.
Adaldyǵy ǵalymdaı,
Din sózine toımaǵan.
Aqyly jáne danyshpan,
Keýdesine syımaǵan.
Munaradan jol alǵan,
Buharadan qol alǵan,
Jalǵyz qyldan nil alǵan.
Arýaqty eldiń qosy edi,
Adal pirdiń dosy edi.
Nıaz alar murtynan,
Murt dep barar jurtynan,
Qojalar oqyr qurandy.
Qurannan basqa paıda joq,
Ajaldan aıla joq.
Sarǵaıǵanmen ólmek joq,
Ýaıymnan ónbek joq,
Ásire kylysh júzindeı,
Qalaıy sandyq ishindeı,
Altyn dildá alpys myń.
Qys qonysyn surasań,
Qoıan menen Jylandy,
Ózen aqqan boıynda
Meken kyldy Nurany.
Tirisinde kóp berdi:
«Zeket!» - dep taı men kunandy.
Jesir qatyn, jas bala,
Qaıyrymen jubandy.
Jaılaýǵa bettep kóshkende,
Sharshatyp jylqy aıdaǵan.
Taıy qysyr qalmaǵan,
Taılaǵy bota salmaǵan.
Segiz rýǵa mal berip,
Seksen qysyr baılaǵan.
Betegeli keń tarlaý,
Betkeıge bitken raıdaı.
«Dúnıeden Tátı ótti!» - dep,
«Altaıdan qaırat ketti!» - dep,
Qojalar syzǵan sıadaı
Dushpannyń kóńili tyndy ǵoı.
Barsań, sálem degeısiń,
Aqjoldyń uly Arǵynǵa,
Atpen jeli tarttyrdym
Kerege boıy shalǵynǵa.
Duǵaı sálem degeısiń.
Qoshqarbaı uly Qoramǵa,
«Qoram orta boldy!» - dep,
Qońsyny kúndep qazbasyn,
Bir Allaǵa jazbasyn!
İship,bir kıip, bulasyn.
Sum dúnıeniń óterin,
Ólshenýmenen oılasyp!
Myń-mıllıony ketse de,
Tóre aldyna barmasyn.
Jumaqtyń tóri - on taraý,
Oıpaı, kúle júrgeısiń.
Peıishtiń tóri- bes taraý,
Belgili bolyp júrgeısiń.
Allaǵa isiń aq bolsa,
Aq saraıǵa kirgeısiń!
Nurdyń qyzyn súıgeısiń,
Torqadan kóılek kıgeısiń!
Sharaba tuǵyr shárbatyn,
Sýsynyńa ishkeısiń!
Ia, Muhammed, qoldaǵaı,
Kóp uıat etken úmbetin!
Kóp tileýi kól bolǵaı,
Kópsingende dáýletin,
Aıan bolsyn áýretiń!
Parsha menen máýlimdi,
Boz, boıaqtaı jumsaǵan,
Jorǵa menen júırikti,
Taı, qunandaı jumsaǵan.
Kojalardyń aıtqany,
O dúnıeniń sózi edi,
Aq kireýke syımaǵan
Alyp bir týǵan jotaly,
Jarastyqty myrza edi !
Alladan buıryq kelgen soń,
Bul dúnıeni qıǵany!
Shańyraǵyn ıdirgen,
Shynar degen aǵashtan,
Mal baılyǵy bir asty
Bitken qazaq alashtan.
Betine jan kelmegen.
Maıqymenen talasqan,
Úsh Meıramnyń ulynda:
Qýandyq pen Súıindik,
Jan joq buǵan talasqan.
Ekse de elge, biter me
Myrzada mundaı jarasqan
Besinde mektep oqyǵan.
Altysynda aqyl toqyǵan,
Jetisine shyqqanda,
Jetpis birden sóz surap,
Qudyqtaı kózin shoqyǵan.
Segizine kelgende,
Súıindikke bas bolǵan,
Aqqan seńdeı tolqyǵan!
Toǵyzyna kelgende,
Týǵan aıdaı balqyǵan.
Endi on jasqa shyqqanda,
Dáýleti kóldeı shalqyǵan.
On birine shyqqanda,
Ardaǵy asty halqynan,
On ekige shyqqanda,
Qur qaıtpady narqynan.
Jıyrmadan ótken soń,
Endi otyzǵa jetken soń,
Salıqaly bı boldy,
Jesir menen jetimge,
Tigip bir qoıǵan úı boldy.
Jetim menen jesirdiń,
Bolyp ótti azyǵy.
Az ǵana aýyl Súıindik,
Az kún boldy qazyǵy.
Óz baýyrym dep jan tartpaı,
Til jazdyryp, dat aıtpaı,
Ádildikke salǵanda,
Esh bar ma edi jazyǵy?!
At basyna soqtyryp,
Aqy aıtpaǵan dýa ǵyp,
Aýzyna kúpir kóp túspeı,
Allasyn kútken muńaıyp!
Seksen úshke keltirmeı,
Ajal berdi Qudaıy.
Ótken iske salaýat,
Artynyń qaıyryn suraıyq!
Samarqanda saılatty,
Sary altynnan túımesin.
Haziret te soqtyrdy,
Aqyrette kúımesin.
Arýaq ata qalaýmen,
Arýaqty baba jebesin!
Jaýaptamań jar bolyp,
Inine shaıtan minbesin.
Ǵalam bilgen Tátıdi
Joqtaýsyz qaldy demesin!

---