InfoHub Logo

№103 jalpy orta mektebiniń

2 «a» synyp oqýshysy

Qosmahanov Nursultan

Synyp jetekshisi: Sıhova Jumakýl

 

Táýelsiz Qazaqstan

Tamyryn tereńge jaıǵan tarıhyma kóz jiberer bolsam, sanany talaı oı tuńǵyshyna batyryp,  kókeıge talaı suraqtyń keletini ras. Mysaly, Biz kimbiz? Jumyr jer betinde qashan paıda boldyq?  Qaı jerdi meken ettik? Tilimiz, mádenıetimizdiń deńgeıi qandaı?

Biz Ór Altaı men Atyraýdyń arasyn meken etken saqtan qalǵan sarqyty, ǵunnan qalǵan jurnaǵy, úısinniń júrip ótken izgimiz. Biz qazaqpyz!

On bes otaýdy biriktirgen qara shańyraǵymyz 1991jyly ydyrady. Shyǵystan altyn kýn nuryn tógip erkindiktiń samaly esti. Kóńil kók aspanyndaǵy qasiret bulty seıilip, ánshi bulbul shattyqtyń ánin shyrqady.

Jeltoqsan-birinshiden, oqıǵa emes. Oqıǵa degen sóz oıda-joqta bola salatyn dúnıe ǵoı. Al men eshqashan jeltoqsandy oıda-joqta buzaqylardyń ba, ne azyn-aýlaq ultshyldardyń bir oqıǵasy dep aıta almaımyn. Ol ishtegi qannyń 62 tamyryna syımaı, shyn máninde bir eldik rýhtyń tasyǵan úlken bir ǵajap sezimi dep uǵamyn. Sondyqtan jeltoqsan-kóterilis. Erkindikti ańsaǵan, bir azat sananyń kóterilisi dep uǵamyn.

Táýelsizdikti de biz keremet baǵalap jatqan joqpyz.mereke sıaqty ótkizemiz. Joq bul kúnder búkil oı-sanany tetibirentetin, silkinetin, shyn máninde kez kelgen qazaq, ǵana emes, qazaqtan jaǵdaıy áldeqaıda artyq ózge ulttarǵa uqtyratyn, shyn máninde baıqaýdyń túr-túrin ótkizý qajet. Anaý qolyna endi qalam alyp,qaǵazǵa úńile bastaǵan balalarǵa Táýelsizdik týraly shyǵarma jazǵyzýdan synyp-synybymen, býyn-býynymen baıqaýlar júrgizý kerek.

El ıesi, jer ıesi qazaqtyń rýhy basqalarǵa úlgi bolý tıis. Olardyń ómiri, olardyń kóńili, olardyń qyzmeti basqa ulttarǵa úlgi bolýy tıis. Biz bas ult bolýǵa tıispiz. Jeltoqsandyqtardyń óz basshysyn ańsaǵandaǵy armany osy edi. Biz jeltoqsandyqtar armanynyń aldynda qaryzdarmyz.

O, ómirge jańa sábı keldi. Ol endi táýelsiz eldiń urpaǵy. Ólgenimiz tirilip, óshkenimiz janǵanda, osy dúnıe esigin ashqan kúnásiz pende. Tal besikten jer besikke deıin óz qalaýynsha tirshilik etedi. Osy sábıdiń kúni erteńgi taǵdyry úshin bozdaqtarym jalyn qıǵan. Asqaq armanǵa qol sozyp búgingi beıbit ýaqytty kóre almaı ketken asyldar qanshama Aǵy men qarasy, jaqsy men jamany, jasyǵy men jasampazy egiz uǵym bolǵan jańa ǵasyrda sap alatyndaı baǵa jetpes baılyǵymyz ult qundylyǵyn berik saqtaýymyz kerek.

 

Táýelsizdigimizge myń táýbe deýdi umytpaıyq,aǵaıyn!

---