InfoHub Logo

Qarataý qalasy
«Úmit» mektep-ınternaty
8-synyp oqýshysy Bolatbek Arnur
Jetekshisi Karajıgıtova Oryn Berıkovna 1-sanatty tárbıeshi

 

 «Qazaqstan Respýblıkasy»! Netken keremet, kıeli uǵymdar! Bul uǵymdardan, Otanymyzdyń táýelsiz, erkin memleket ekenin birden ańǵarýǵa bolady. Búginde biz – qanatyn keńge jaıǵan egemendi elmiz. Kók týymyz jelbirep, sol jaǵymyzdaǵy maqtanysh sezimimen dúrsildep turǵan júrek ánuranymyzǵa áýen qosyp, ánuranymyz asqaqtaı shyrqalýda. 
Táýelsizdik týynyń jelbiregenine de, mine, 26 jyl tolady. Toǵyz joldyń torabyndaǵy alpaýyt elder qataryndaǵy alyp memleketimizdi álem jurtshylyǵy qurmetteıdi. Elbasymyz N. Á. Nazarbaev ta Qazaqstannyń 20 jylda bıik tuǵyrǵa kóterilýine eleýli úles qosty. Eren eńbegimen Qazaqstannyń ár azamatynyń júreginen oryn alǵan osyndaı kóshbasshymyzdyń bolǵanyna da maqtanamyn. Men táýelsiz eldiń patrıotymyn!
Bilektiń kúshimen, naızanyń ushymen, sońǵy demi qalǵansha týǵan jerimizdi qorǵap, bizge amanat etip qaldyrǵan uly dalanyń uly kemeńgerleriniń arqasynda baqytty ómir keshýdemiz.
Eshqandaı qıynshylyq kórmeı júrgenimde, ata - anamnyń júzderinen qýanysh pen shattyq izderin baıqaǵanda, kókiregimdi kerip «Táýelsiz eldiń patrıotymyn!»dep aıta bergim keledi. Elimizdiń beıbitshiliginiń, táýelsizdiginiń arqasynda kúlip - oınap, erkin bilim alyp jatqan erikti eldiń erkin ulanynyń birimin!
Elimniń erteńinen, bolashaǵynan júregim qoryqpaıdy, kerisinshe, qýanady, endeshe, keleshegim nurly bolmaq. Oǵan negiz – búgingi «arystandaı», «jolbarystaı», «qyrandaı» kúshti jas urpaqtyń, bizdiń búgingi ádemi áreketterimiz, utymdy umtylystarymyz. Men qazaq bolyp týylǵanyma, osyndaı baı, baıtaq ólkede ómir súrip jatqanyma baqyttymyn. Óıtkeni, men Táýelsizbin, táýelsiz eldiń patrıotymyn!

---