InfoHub Logo

«Táýelsizdik – qasıet tunǵan uly uǵym»
Tárbıe saǵaty
/Bastaýysh bilim berý bólimi 3 - 4 kýrstar/

Maqsaty:
1. Táýelsizdik týraly bolashaq mamandardyń bilimin tolyqtyrý;
2. Stýdentterdi jeke shyǵarmashylyq izdeniske úıretý;
3. Bolashaq mamandardy otansúıgishtik, patrıottyq rýhta tárbıeleý.
Barysy:
İ. Tarıh qoınaýynan syr sherteıik
/Beınebaıan arqyly tarıhqa sholý/ Batyr Nuraıym
İİ. Táýelsizdik - tuǵyrym
/Konserttik baǵdarlama/
Júrgizýshiler: Shalabaeva Mereı, Karımova Alfıa
Kórnekiligi: sharlar, matalar, shamdar, jalaýshalar, gúlder, slaıdtar, plakattar.
İ. Tarıh qoınaýynan syr sherteıik
1. 1 «Táýelsizdik» týraly óleńder
Oqıtyn: ------------------------------
1. 2 Avtor: Batyr Nuraıym
Jaǵasyna jaýynyń jetip qoly,
Tartyp alǵan táýelsiz kúshpen ótken.
Táýelsizdik elimniń erlik joly,
Olja emes salbyrap túsken kókten.

Qaıran, qazaq eli… Jas urpaqqa aıta almaǵan jetkize
almaǵan, jan dúnıeńdi dir etkizetin syrǵa, muńǵa toly tarıhı paraqtary qanshama áli. Oǵan kýá myna jatqan keń sary dala, zańǵar taýlar, ózen - kólder, qum - shólder, tarıhı eskertkishter: mazarlar, qıraǵan ejelgi qalalardyń orny. Ǵasyrlar boıy ata - babamyzdyń qany tamǵan topyraq ısi múńkip tur.
/Slaıdta: keń sary dala, zańǵar taýlar, ózen - kólder, qum - shólder, tarıhı eskertkishter: mazarlar, qıraǵan ejelgi qalalardyń orny kórsetiledi/

Tarıhqa bir sát sheginsek...
HÚ ǵasyrda qýatty qazaq handyǵyn qurdyq, alaıda táýelsiz qazaq memleketi beıbit ómir súre almady. Ulan baıtaq elimizge jan - jaqtan kóz tigip, oıran salýshylar kóbeıdi. Qannen qapersiz jatqan elimizge Jońǵar qalmaqtary tutqıyldan shabýyl jasap, qalyń jurtty qan jylatty. Dúrlikken el shubyra kóship «Aqtaban shubyryndy» boldy. Jurt Alqakólge aıaldap, qasıetti Qarataýdyń baýraıynda bas qosty.
/Slaıdta: qazaq handyǵy, «Aqtaban shubyryndy» beınekórinisi kórsetiledi/
Hormen: «Elim - aı»

HÚİİİ - HİH ǵasyrlarda halqymyz erkindik pen táýelsizdiginen aıryldy. Kómek kútken Reseıimiz qazaq halqyn azdyra bastady. Ulanǵaıyr dalamyz ımperıa menshigine aınaldy. Halqymyzdyń basynan qara tuman serpilmedi.

HH ǵasyrdyń 1916 jyly maýsym jarlyǵyna jigit bermeımiz dep qarsylyq kórsetkender oqqa ushty, qanshasy óz jerinde qyrǵyn kórdi.
/Slaıdta: sýretter/
1917 jyldan keıin de bostandyqqa qolymyz jetpedi. Óz jerimizde ózimiz qyrǵynǵa ushyrap, qýǵynǵa tústik. Myńdaǵan jandar ata - jurtyn tastap ketýge májbúr boldy.

1930 - 1933 jyldarda bolǵan adam aıtsa nanǵysyz asharshylyqta 9 mln halyqtyń 3 mln opat boldy. Taǵy ashtyq, taǵy jalańashtyq, taǵy ólim.
/Slaıdta: sýretter/
Zıaly qaýymdy qynadaı qyrǵan 1937 - 1938 jyldar aralyǵyndaǵy Stalın repressıaǵa ushyratyp, eldiń bolashaǵyn oılaǵan azamattardy halyq jaýy dep qyrdy.
/Slaıdta: sýretter/
1 stýdent: Maǵjan Jumabaev «Saǵyndym»
Oqıtyn: ---------------------------

1941 - 1945 jyldar aralyǵynda adamzat tarıhynda bolmaǵan alapat soǵysta qazaq ulandary erekshe erlik kórsetti.
/Slaıdta: sýretter/
1 stýdent: Syrbaı Maýlenov «Soǵys»
Oqıtyn: Bektileýova Nazerke

1986 jyly jeltoqsanda otty oqıǵa boldy. Eldiń egemendigin ańsaǵan jastar ulttyq namys qudiretin álemge pash etti.
Tún. Kádimgi mıllıondaǵan túnderdiń biri, biraq bul tún ózgeshe tún edi. Sebebi bul túnde qalanyń kez - kelgen tusynan ustalǵan jastardy uryp - soǵyp, ólimshi halge jetkizdi.
Osy jyldyń 16 jeltoqsanynda Qazaqstan Kompartıasy Ortalyq Komıtetiniń plenýmy boldy. Sol plenýmda Dinmuhamed Ahmetuly Qonaevtyń birinshi hatshy qyzmetinen bosatylyp, ornyna burynǵy Ýlánov oblystyq partıa komıtetiniń birinshi hatshysy bolǵan Genadıı Kolbın saılandy. Respýblıka jurtshylyǵy bul adammen múldem beıtanys bolatyn, bul syltaý ǵana, eli kıizdiń kóp jyldar boıy oı sanasyna qordalanyp jatyp shydam – sharqy taýsylyp baryp, burq etip shyqqan arman kórinisi edi. Óz eliniń táýelsizdigin talap etip sherýge shyqqan jastarǵa «Buzaqylar», «Uıatshyldar», «Nashaqorlar» degen kinálar taǵyldy. Alańǵa shyqqan jastardy qarýly kúshpen basyp – janshydy. Demonstrasıa aıaýsyz basyldy.

Atyraý oblysy, Jylyoı aýdany, Qulsary qalasy
Qulsary gýmanıtarlyq - tehnıkalyq kolejiniń
arnaýly pán muǵalimi Abılgazıeva Qaljan Jaqsyqyzy