InfoHub Logo

Taqyryby: «Táýelsizdik – tiregimiz»
Maqsaty:
Elimizdiń ótkenine, búginine, erteńine kóz jiberip sholý jasaý. Óz elimizdiń tilin, tarıhyn, salt – dástúrin, ádebıetin qadir tutyp, qurmetteý. Qazaq elimizdi álemdik deńgeıge jetkizý – bizdiń qolymyzda ekenin aıtyp túsindirý.

Kórnekiligi: ınteraktıvti taqta
Barysy:
- Sálemetsizder me qurmetti qonaqtar, oqýshylar, ustazdar! Búgingi «Táýelsizdik – tiregimiz» tárbıe saǵatymyzǵa hosh kelipsizder!
Ánuranym
Jan uranym
Aıtar ánim
Sóıler sózi
Máńgi baqı shyrqalady
Respýblıka Ánurany
QR ánurany oryndalady.

Keń baıtaq, kóz jetpeıtin jerim meniń,
Taýly orman, jasyl jaılaý kólim meniń.
Búginde bar álemge dańqyń jetti
Táýelsiz Qazaqstan - elim meniń!

Egemendi erikti el ekenbiz,
Jyldan - jylǵa kirgendeı berekemiz.
Táýelsizdik tańy atqaly jıyrma eki jyl -
Halaıyq qutty bolsyn merekemiz!

Terbetip tursa boldy jer - besigim,
Dáýlettiń tileımin men kól - kósirin.
Kóz tımeı, kirbiń túspeı qabaǵyna
Jalǵyz - aq,
Qutty bolǵaı endi osy kún!
Uly darhan, Uly elim!
Búgin mine, azamattyǵymyzdyń aıbyny, azat kúnimniń aıdyny, erikti elimniń eńsesin kóterip, mereıin asqaqtatqan kıeli de qasıetti, qasterli de ulyq merekesi – Táýelsizdik kúni kelip jetti. Mereke qutty bolsyn!