InfoHub Logo

Men qazaqpyn, bıikpin, baıtaq elmin,

Qaıta týdym, ómirge qaıta keldim.

Men myń tirildim máńgi ólmeske,

Aıte bergim keledi , aıta bergim ! – dep Juban Moldaǵalıev aqynymyz jyrlaǵanyndaı bıyl táýelsizdik alǵanymyzǵa 24 jyl tolyp otyr. Burynǵy Qazaqstandy, qazirgi jańarǵan Qazaqstanmen salystyrýǵa kelmeıdi desek qatelespeımiz. Osy kúndi barsha qazaqstandyqtar toılaıdy. Biraq osy táýelsizdik qazaqtarǵa ońaı kelgen joq. Qazaq bul dúnıede ne kórmedi?

Tarıh betteriniń paraqtaryn aqtarsaq, sonaý «Aqtaban shubyryndydy, Alqakól sulama» zamanynan bastap, qoısha qyrylǵan  «repressıa   » jyldaryna deıingi aralyqta halqymyzdyń osynaý keń dalada ómir súrýi qaýipi turdy.

Taǵy da bir qıyn kezeńi jońǵar shapqynshylyǵynyń da qyrǵyny qazaqtarǵa ońaı bolmaǵany belgili. Qansha azapqa tússe de, qýǵyn – súrginge ushyrsa da, qazaqtyń úsh júzi qaıta birigip jońǵarlarǵa soqqyny aıamaı bere otyryp jeńdi. Odan qanshama jyldar  patshalyq Reseıdiń otarlaýynda boldyq. Eń aqyry keshegi dúrkirep ótken 1986 jylǵy jeltoqsan oqıǵasy bizge óz táýelsizdigimizdi alyp berdi. Jeltoqsan dese  - sol oqıǵaǵa qatysqan ultymyzdyń ulmen qyzdary kóz aldyma keledi. Óıtkeni  qanshama jalyndap turǵan jastarymyz óz ómirlerin táýelsizdik úshin qıa bildi. Solardyń arasynan Qaırat, Sábıra, Lázzat esimdi aǵa-ápkelerimizdiń esimderin aıtpaı ketýge bolmaıdy. Bul bizdiń biletinderimiz ǵana. Al aty atalmaı ketken aǵa-ápkelerimizdiń sany qanshama desek te bolady.

Táýelsizdik alǵannan keıin N.Á.Nazarbaev tuńǵysh elbasy boldy. Qazaq halqy elbasynyń bastaýymen biraz belesterdi artqa tastap qıyndyqty jeńe bildi. Osylaısha Qazaqstannyń aty álemge tanyldy. Qazir biz elbasymyzdyń durys ustanǵan saıasatynyń astynda kóp ulttarmen tatý-tátti ómir súrip kelemiz. Elimizde jumyssyzdyq azaıyp, zeınetaqy da ýaqtyly beriletin boldy. «Bolashaq» baǵdarlamasymen jastarymyz joǵarǵy oqý oryndaryna túsip shetelde bilim alyp jatyr. Densaýlyq saqtaý men bilim salalaryna da oń ózgerister enip halqymyz kún ótken saıyn qarqyndy damý ústinde .Biz bolashaqtyń ıesi bolatyn jastar, elbasymyz  N.Á.Nazarbaevtyń bastaǵan baǵytyn qoldaı otyryp áli de alǵa basamyz degen senimdemin. Endeshe mereke qarsańynda barsha qazaqstandyqtardy merekemen quttyqtaımyn. Elimiz árqashan aman bolsyn. Al táýelsizdigimizdiń kók týy aspanymyzda jelbireı bersin! - demekpin.

OQO. Túlkibas aýdany, Eńbek aýyly

Jamalbek Madına  5-synyp oqýshysy

jetekshisi   Á.A.Seıdalıeva

 

---