Tektiden tekti týar
Abaıuly Turaǵul aqynnyń súıgen jary Áıgerimnen týǵan, 1875 jyly Abaıdyń otyz jasynda dúnıege kelgen balasy. Jasynda aýyl moldasynan oqyp, musylmansha, oryssha saýatyn ashqan. Abaı úıinde ótken keleli keshter men áńgime keńesine qatysyp, jasynan rýhanı qazynasy qunarly bolýynyń ústine keıinnen ózdiginen izdenip oryssha, arabsha oqyp bilimin jetildirgen.
Abaı qaıtys bolǵan soń ákesi týraly alǵash ret estelik jazyp qaldyrǵan Turaǵul edi. Ol M.Áýezovke «Ákem týraly» degen kólemdi estelik jazyp bergen. Ol estelikterdiń qysqasha nusqasy 1933, 1939-1940 jyldary Abaı shyǵarmalary jınaǵynda, baspasóz betterinde jarıalanǵan. Bul esteliktiń keı tustaryn M.Áýezov «Abaı joly» epopeıasyn jazǵanda myqtap paıdalanǵan.
Ol Á.Bókeıhan, M.Dulatuly, J.Aımaýytov syndy Alash qaıratkerlerimen tyǵyz qarym-qatynasta bolǵan. 1909 jyly nemere aǵasy Kákitaımen birge Peterbýrgte Abaıdyń shyǵarmalar jınaǵyn kitap etip shyǵardy.
1928 jyly Shymkentke jer aýdarylǵan Turaǵul birneshe jyl aýyr azap kórip, 1934 jyly dúnıeden ótti.
You Might Also Like
-
31 mamyr — saıası qýǵyn-súrgin jáne asharshylyq qurbandaryn eske alý kúni. Bul qaýly 1997 jyly qabyldanǵan.
-
Adamdardyń arasynda kómekke eń muqtaj bolǵandar — týyla salyp jalǵyz jáne muqtaj bolyp qalǵan jetim balalar. Olarǵa qamqor bolý, qajettilikterin oryndaý, musylmandardyń negizgi mindetteriniń ...
