Temirtaýda qarıaǵa qatygezdik kórsetken buzaqylar ustaldy
Temirtaýda kámeletke tolmaǵan birneshe jasóspirim qarıanyń úıine basa-kóktep kirip, ony soqqyǵa jyqqan. Oqıǵaǵa qatysty polısıa qylmystyq is qozǵady.
Jergilikti turǵyndardyń aıtýynsha, jasóspirimder ózderin elektrıkpiz dep tanystyryp, qarıanyń esigin ashqyzǵan. Úıge kirgennen keıin olar jalǵyz turatyn qarıany aıaýsyz uryp-soǵyp, bul sátti beınejazbaǵa túsirgen. Jelide taraǵan vıdeoda qarıany otyrǵan jerinde jáne jerde jatqanda birneshe ret teýip, aýyr jaraqat salǵany kórinedi. Soqqy saldarynan onyń beti men murny qanǵa boıalǵan.
Qaraǵandy oblystyq polısıa departamentiniń málimetinshe, oqıǵaǵa qatysy bar barlyq kúdiktiler ustalyp, olardyń zańdy ókilderimen birge polısıa bólimine jetkizilgen. 2025 jylǵy 29 naýryzda bul fakti boıynsha qylmystyq is qozǵaldy. Qazirgi ýaqytta tergeý amaldary júrgizilip jatyr.
Quqyq qorǵaý organdary kináliler zań aldynda tolyq jaýap beretinine sendirip otyr.
You Might Also Like
-
Ystambulda besinshi kúnge jalǵasyp jatqan narazylyq sherýleri tolastar emes. Kerisinshe, jaǵdaı ýshyǵyp barady. Túrkıanyń quqyq qorǵaý organdary sherýshilermen birge jýrnalıserdi de ustaýǵa kiristi.
-
Ulybrıtanıanyń Victoria Oil & Gas kompanıasy Qazaqstanǵa qarsy halyqaralyq arbıtrajǵa júgindi. Kompanıa 2008 jyly Kemerkol munaı ken ornyndaǵy jer qoınaýyn paıdalaný quqyǵynan aıyrylǵanyn zańsyz d...
