InfoHub Logo

SHQO, Borodýlıha aýdany,
"Korostelı OM" KMM bastaýysh synyp muǵalimi
Moldabekova G.S.

Dúnıetaný
Sabaqtyń taqyryby: Teńiz álemine saıahat
Sabaqtyń maqsaty:
1) Saıahattaý barysynda teńizde ómir súretin janýarlar týraly qysqasha maǵlumat alý;
2) Oqýshylardyń tanymdyq qyzyǵýshylyǵyn arttyrý;
3) Olardy tabıǵatty aıalaýǵa, qamqor bola bilýge tárbıeleý.
Sabaqtyń túri: saıahat sabaq
Sabaqtyń ádisi: kórnekilik, suraq – jaýap, vıktorına
Sabaqtyń kórnekiligi: teńiz janýarlarynyń sýretteri, oıyn elementteri, sózjumbaq, rebýs.

Sabaqtyń barysy
İ. Uıymdastyrý ádisi
- Mine, synyp typ - tynysh,
Estilmeıdi túk dybys.
Muny bizde qostaımyz,
Keshikkendi tospaımyz.
Dúnıetaný jaıynda,
Saıahatty bastaımyz!

İİ. Ótkendi eske túsirý.
- Ótkendi eske túsirý úshin sender qazir test tapsyrmasyn oryndaısyńdar. Test tapsyrmasy 2 nusqadan turady. Ár nusqada 10 suraq bolady.

1 - nusqa
1. Adamnyń denesine neler jatady?
a) bas, moıyn, keýde, qol jáne aıaq
á) mı, ókpe, moıyn, keýde
b) júrek, baýyr, búırek

2. Adam denesinde qansha súıek bar?
a) 200 - ge jýyq
á) 100 - ge jýyq
b) bolmaıdy múldem

3. As qorytý músheleri degenimiz ne?
a) aýyz qýysy, jutqynshaq, óńesh, qaryn, ishek jatady
á) muryn, keńirdek, keńirdekshe, ókpe
b) bas, moıyn, qulaq

4. Qulaq adamǵa....... qajet.
a) kitap oqýǵa
á) áńgime tyńdaýǵa
b) tepe - teńdik qalypty saqtaýǵa

5. Jaýyn - shashyn túrine neler jatady?
a) bult
á) burshaq
b) tuman

6. Sýdyń úsh túrli kúıi:
a) móldir, suıyq, tússiz
á) suıyq, qatty, gaz
b) erigish, qatty, jyly

7. Tyǵyz taý jynystary:
a) altyn, munaı
á) granıt, mármár, qumtas, tas kómir
b) topyraq

8. Sırek jáne quryp ketý qaýpi bar janýarlar:
a) til jónindegi zańǵa
á) oqýlyqta
b) qyzyl kitapqa engen

9. Balyqtar nemen tynystaıdy?
a) ókpesimen
á) jelbezegimen
b) qanatymen

10. Tusaýkeser degenimiz ne?
a) salt - dástúr
á) ertegi
b) oıyn

İİİ. Jańa sabaq
- Balalar, bizdiń sabaǵymyz búgin erekshe ótpek. Ony bilmes buryn, teńiz týraly ne biletinderińdi ortaǵa salyńdar. Teńizde qandaı janýarlar meken etedi? (kıt, akýla, delfın, teńiz juldyzy, segizaıaq, teńiz tasbaqasy, atbalyq, medýza t. b.)
- Osy teńiz turǵyndaryn jolymyzda keziktirýimiz múmkin. Olar bizge ártúrli tapsyrmalar beredi. Biz osy tapsyrmany durys oryndasaq, «Qazyna jasyrynǵan aralǵa» sál de bolsa jaqyndaı túsemiz.
- Endeshe, balalar, saıahatqa shyǵýǵa daıynbyz ba? Teńizge saıahatqa shyǵý úshin bizge ne kerek? (keme)
- Kemeniń qurylysyn eske túsireıik. (keme shtýrvaly, zákir, jelken)
- Jaqsy, balalar, al endeshe kememizge minip, saıahatqa attanaıyq.
1 - kezeń. Delfın tapsyrmasy.