InfoHub Logo

Tehnologıa pánin ınovasıalyq ádis - tásildermen oqytý
Oqýshylardyń tehnologıa pánine degen tanymdyq qyzýshylyǵyn arttyrýdyń san - alýan tásilderi bar, muǵalimniń sabaq berý sheberligine baılanysty ol tásilder oqýshylardyń oqýlyqpen ony praktıkada ushtastyra otyryp, is - júzinde oryndap shyǵýmen birge oqýshynyń oı - órisin damytyp, bilimdi tereńirek meńgerýge járdemdesedi.

Sabaqtyń qyzyqty da tartymdy jáne tıimdi ótýi muǵalimniń bilim deńgeıine, sabaq berý sheberligine tikeleı táýeldi. Oqý úrdisinde ártúrli pedagogıkalyq tehnologıalardy qoldaný oqýshylardyń pánge degen qyzyǵýshylyǵyn arttyratyn ozyq oqytý ádisteriniń biri bolyp tabylady. Jańa tehnologıany paıdalana otyryp sabaq júrgizý bul muǵalimniń sheberligine, iskerligine baılanysty. Bolashaq urpaq úshin bilim berý men tárbıeleýdegi tıimdi izdenister jáne ár eldiń ozyq tájirıbelerin júzege asyryp, álemdik pedagogıkanyń ozyq úlgilerin jańashyldyqpen damytý ár ustazdyń mindeti.

Tehnologıa pánin oqytýda - eńbek etýdiń alǵysharttaryn úırený arqyly oqýshyny jeke tulǵa retinde tárbıeleý kózdeledi. Elbasy N. Nazarbaevtyń Qazaqstan halqyna joldaýynda «Negizgi maqsatymyz – Qazaqstannyń álemniń elý damyǵan elderiniń qataryna enýi» delingen. Sol sebepti, ár oqýshyǵa onyń qabiletterine sáıkes keletin bilim berý órisi qajet.
Adamǵa eń birinshi ómirlik qajettilik – eńbek etý. Eńbek tárbıesi – barlyq tárbıeniń qaınar kózi. Qol óner sheberligine meńgertý arqyly urpaqty adamgershilik rýhynda tárbıeleı alamyz. Óıtkeni oqýshy alǵan teorıalyq bilimin is júzinde qoldana otyryp, ony ómirmen, óziniń is - áreketimen baılanystyra bilgende ǵana ózine de paıdasyn tıgize alady. Tehnologıa sabaǵy arqyly oqýshyny iskerlikke, uqyptylyqqa, ádemilikti sezip, qabyldaýǵa úıretemiz.

Eńbek tárbıesi arqyly qol óner sheberligin meńgerý arqyly jas urpaqty adamgershilik rýhynda tárbıeleýdi basshylyqqa ala otyryp jumysty júrgizemiz. Oqýshylar ár túrli daıyn buıymdardy zertteı otyryp, baǵa berý men keleshek kásibı iske qajetti estetıkalyq, ulttyq, etnıkalyq baǵaly qasıetterdi óz boılaryna qalyptastyrady.
Inovasıa - ony jeke túsinip, oqý úrdisine engizý oqýshylardyń sapaly da sanaly bilim alýynyń birden - bir sharty. Inovasıalyq ádis - tásilderdi engizý jańa bilim berýdiń birden - bir sharty. Tehnologıa páni – syzý, beıneleý, matematıka, tarıh pánderimen tyǵyz baılanysty.

Tehnologıa sabaǵynda jobalaý ádisin qoldaný
Jobalaý ádisi - belgili bir problemany bólshektep óńdeý arqyly dıdaktıkalyq maqsatqa jetýdiń tásili. Jobalaý ádisi árdaıym oqýshylardyń óz betimen jumystanýyna baǵyttalǵan. Ony oqýshylar belgili bir ýaqyt aralyǵynda jeke, juppen, topta oryndaýy múmkin.
Jobanyń birneshe nusqasy bolýy múmkin. Mysaly, óte kúrdeli jobany oqýshynyń ózi oryndaýy shart emes. Sondyqtan jobanyń keıbir bóligi daıyn kúıde berilse, keıbir bóligin oqýshy muǵalimniń, ata - ananyń kómegimen oryndaı alady.
Jobanyń túrleri:
• Shyǵarmashylyq joba
• Aqparattyq joba
• Tájirıbeli baǵdarlanǵan joba
• Zertteý jobasy
Jobany oryndaý tártibi:
1. İzdený kezeńi
2. Jobanyń taqyrybyn tańdaý
3. Joba taqyryby týraly aqparat jınaý
4. Joba ıdeıasyn, taqyrybyn bekitý
Jobanyń negizgi bólikteri:
1. Berilgen buıym kimge arnalǵan
2. Arnalǵan buıymnyń qajettiligi
3. Buıymnyń maqsat, mindettiligi
4. Ekonomıkalyq esebi
5. Buıymdy baǵalaý jáne baıqaý
Jobalaý ádisiniń nátıjesi materıaldyq rásimdelgen bolýy tıis (vıdeofılm, álbom t. b.).
Jobalaý ádisiniń oqytý maqsattarynyń aýqymy oqýshylardyń tanymdyq, shyǵarmashylyq daǵdylaryn, óz bilimderin óz betterimen qurastyra bilý iskerligin damytý, syn turǵydan oılaýyn damytý. Oqýshylardyń qyzyǵýshylyǵyn yntalandyrý, alǵan bilimderin tájirıbe júzinde qoldana bilý ıkemdiligin, reflektorlyq oılaýdy damytý. Másele oıdyń maqsatyn belgileıdi, ol maqsat oılaýdyń úrdisin baqylaıdy.
Shyǵarmashylyq jobany rásimdeý:
1. Bastapqy bet
2. Maqsaty, mindeti, boljamy
3. Shyǵý tarıhy
4. Jalpy eskız
5. Nusqaý, karta
6. Qajetti qural - saımandar
7. Ekonomıkalyq esep
Barlyq pedagogıkalyq júıe quram bólikterinde ınovasıa úrdisi iske asý úshin tómendegideı jumystar istelýi shart:
 Muǵalim men oqýshy arasynda tulǵa aralyq qatynas bolý
 Syılastyq pen senim
 Oqýshylardy ashyq túrde pikir alysý mádenıetine baýlý
Oqýshylardyń qyzyǵýshylyǵyn arttyrý úshin sabaqtardy túrlendirip ótkizý qajet. Eń bastysy oqýshylardyń sabaq ústinde shet qalmaýy, berilgen tapsyrmamen aınalysyp otyrýyn qadaǵalaý.
Jańa tehnologıa júıesinde problemalyq jáne iskerlik oıyn arqyly oqytýdyń da mańyzy zor. Mundaı sabaqtar oqýshylardyń logıkalyq oılaý qabiletin damytady, pánge qyzyǵýshylyǵyn arttyrady, ómirde kezdesetin túrli qıyndyqtardy jeńýge tárbıeleıdi. İskerlik oıyn sabaqtary úsh kezeńnen turady:
1. Qajetti materıaldardy jınaý
2. Oıyn kezeńi
3. Qorytyndylaý
Modýldik oqytý tehnologıasy - balalarǵa jeńildik jasap, oqýshy men muǵalim qarym - qatynasyna teńdik jasap, oqýshylardy qatty qyspaı, erkin sóılep qyzyqtyrýshy kórnekilikpen baýlý.
Ár muǵalim jańa tehnologıalardy meńgerip, pán aralyq baılanystyrý, kiristirý sabaqtaryn keńinen qoldanýy qajet.

Qoldanylǵan ádebıetter:
«Mekteptegi Tehnologıa», «Sheberdiń qoly ortaq» Tájimuratov. D.
«Qazaqstan Respýblıkasynda bilim berýdi damytýdyń 2011 - 2020 jyldarǵa arnalǵan memlekettik baǵdarlamasy»
«Jobalaý ádisi - jobaly oqytý quraly» Baǵdaýlet. J., Pedagogıka máseleleri 2010j.