InfoHub Logo

Ertede ıt, mysyq jáne tyshqan úsheýi dos bolypty. Sonda da ıt pen mysyq tyshqandy onsha jaqtyrmaıdy eken. Tyshqan kúni-túni tynbaıtyn eńbekqor bolypty. Al ıt pen mysyq tapqanyn jep, jumsaq shóp pen jyly jerde jatyp alady. Bir kúni ıt qasyndaǵy mysyqqa:

— Osy tyshqannyń jumysy taýsylmaıdy, tipti. Kúıbeńdeıdi de júredi, – dep, qynjylady. Sonda mysyq:

— Ózimiz sholjıyp jatyp bireýdi kúndeımiz. Osynymyz durys pa? – dep, ıtke jónin aıtady.

It uıalyp qalady da ózi de sharýa istemek bolady. Sodan bylaı qaraı tyshqanǵa kómektesip júredi.

— Sen de qol ushyńdy ber, – deıdi endi ıt mysyqqa. Oǵan mysyq kónbeıdi.

— Ózderiń-aq isteı salyńdar!..

It pen tyshqan oǵan:

— Jalqaýlyqty qoı, birge jumys iste, – deıdi.

— Áı, men senderdiń jumystaryńdy kúndep jatqan joqpyn ǵoı. Nege tıisesińder, – dep, mysyq ashýlanady. It pen tyshqan úndemeı júre beredi. Mysyqqa tamaq qaldyrmaı, ózderi jeıdi. Ash mysyq endi ıt pen tyshqannyń tapqanyn urlaı bastaıdy. Muny kórip qoıǵan tyshqan mysyqtyń urlyǵyn ıtke aıtady. It ońdyrmaı talaıdy.

Sodan beri ıt pen mysyq ósh eken. Birin-biri kórse talap tastaýǵa daıyn turady. Al tyshqanǵa yza bolǵan mysyq ony ustap alyp jeı salady eken.

---