InfoHub Logo

Qambaǵa bas suqsa-aq mysyq bas salyp, ajalǵa tap bola bergen soń, tyshqandar ońasha bir qýysqa jınalypty da keńes qurypty.

– Jaýyz mysyqtan qalaı qutylamyz? – depti, májilisti basqaryp otyrǵan tyshqan. Bári únsiz oılasyp, amal izdeı bastapty. Ári oılap, beri oılap, eshqandaı shara oılaryna túspepti.

Sóıtip dal bolyp otyrǵanda:

– Mysyqtyń moınyna qońyraý taǵyp qoıalyq, – depti bir tyshqan bilgishsinip. – Sonda onyń kele jatqany alystan estiledi. Biz dybysyn estı sala, tyǵylyp úlgeremiz.

Bul keńeske bir kári tyshqan mysqyldaı kúlip, bylaı depti:

– Jaraıdy, solaı-aq isteıik.

Dal bolǵan tyshqandar amal tabylǵanyna qýanyp:

– Solaı isteıik! – dep daýystap jiberipti. Bulardan kári tyshqan:

– Sonda mysyqtyń moınyna qaısyń baryp qońyraý taǵasyń? – dep surapty.

Tyshqandar ne aıtaryn bilmeı, úrpıisip qalypty.

Sóıtip, tyshqandar kúni búginge deıin mysyqtan qutylýdyń amalyn taba almaı keledi eken.

---