InfoHub Logo

Prezıdent Qasym-Jomart Toqaev elimizdegi alǵashqy atom elektr stansıasyna ataý tańdaý boıynsha baıqaý jarıalaýdy usyndy.
– Bul – elimizdegi tuńǵysh stansa. Sondyqtan onyń ataýyn halyqpen birge anyqtaý mańyzdy. Úzdik usynys ıeleri tarıhta qalady, – dedi ol.

Energetıka mınıstrliginiń dereginshe, Qazaqstanda ekinshi jáne úshinshi AES-ti qytaılyq CNNC kompanıasy salýy múmkin. Sarapshylardyń paıymynsha, bul nysandardyń qurylysy Reseıdiń "Rosatom" jobasyna qaraǵanda arzanǵa túsýi yqtımal.

Mınıstr Sátqalıevtiń aıtýynsha, "Rosatom" stansıasyn júzege asyrýǵa shamamen 14-15 mlrd dollar jumsalady. Al qytaılyq nusqa arzanyraq bolýy múmkin, bul búdjetke de, tarıfterge de áser etedi.

Memleket basshysy baıqaýǵa barlyq qazaqstandyqtardy qatysýǵa shaqyrdy. Baıqaý jeńimpazynyń usynysy el tarıhyndaǵy alǵashqy atom elektr stansıasynyń resmı ataýy bolyp bekitiledi.