InfoHub Logo

Avstrıa bıligi tarıhynda tuńǵysh ret jynys grafasynda er nemese áıel ornyna «X» belgisi qoıylǵan pasport rásimdedi. Qujat Germanıada turatyn azamatqa berilgen.

2024 jyly Germanıada genderlik ózin-ózi anyqtaý zańy kúshine enip, azamattarǵa jynys baǵanynda divers («ózge» nemese nebınarly) dep kórsetýge múmkindik týdy. Sol jyly Eýroodaq soty bir elde tirkelgen genderlik mártebe ózgerisi odaqqa múshe basqa memleketterde de tanylýy tıis degen qaýly qabyldady.

Avstrıa zańynda nebınarlyq resmı bekitilmese de, bul ereje negizinde Venadaǵy mıgrasıalyq organ azamattyń ótinishin qanaǵattandyrdy. Buǵan deıin Avstrıa ótinishti keri qaıtarǵan, alaıda ótinish ıesi qujattaryn qaıta tapsyryp, erekshe jaǵdaıyn túsindirgen: shekaradan ótken saıyn onyń jynystyq mártebesi zań júzinde ózgerip otyrǵan.

Bul sheshim EO aýmaǵynda genderlik beıtarap qujattardy moıyndaý prosesiniń naqty qadamǵa aınalǵanyn kórsetedi.