InfoHub Logo

Toqaev: Daǵdarys jaǵdaıda Ulttyq qor men altyn-valúta rezervi qoldanylady

Prezıdent Qasym-Jomart Toqaev Shymkent qalasynda jurtshylyqpen kezdesýde jahandyq ekonomıkalyq ahýalǵa beıimdelý jáne ulttyq ekonomıkany qorǵaý jaıly pikir bildirdi. Onyń aıtýynsha, Qazaqstan ekonomıkalyq daǵdarys tereńdegen jaǵdaıda Ulttyq qor men altyn-valúta rezerviniń múmkindikterine súıene alady.

«Úkimet kez kelgen jaǵdaıǵa aldyn ala daıyn bolyp, batyl ári tıimdi sheshim qabyldaı bilýi kerek. Búgingi tańda elimizdiń ekonomıkalyq ósimi kólik, qurylys, ónerkásip jáne saýda salalary arqyly qamtamasyz etilip otyr. Bul – úlken jetistik», – dedi Prezıdent.

Memleket basshysy ulttyq ekonomıkaǵa syn-qater tóngen sátte qorǵan bolar tetikterdiń bar ekenin aıtyp, kásipkerlerdiń belsendiligi men jaýapkershiligine de senim artty.