Aqtóbede 11-synyp oqýshysyn 15 jasóspirim jabylyp soqqyǵa jyǵyp, pyshaqtaǵan
Oqıǵa bıylǵy naýryz aıynda tirkelgenimen, onyń egjeı-tegjeıi endi ǵana belgili bola bastady. 17 jastaǵy Dıas esimdi oqýshyny tanysy aldap, bir top jigittiń «áńgimesine» ertip barǵan. Sol jerde jasóspirimdi kemi 15 adam kútip alyp, jabyla uryp-soǵyp, aıaǵyna pyshaq suqqan. Bul jantúrshigerlik sát dúkenniń beınebaqylaý kamerasyna jazylyp qalǵan.
Jasóspirimniń ata-anasy bul oqıǵaǵa baılanysty tereń alańdaýshylyq bildirýde. Balasynyń jaǵdaıy aýyr: birneshe kúrdeli otadan ótken, qazir úı jaǵdaıynda emdelip jatyr. Ózdiginen qozǵala almaıdy. Ata-anasynyń aıtýynsha, qylmysqa qatysy bar 15 balanyń tek tórteýi ǵana ustalǵan, qalǵany bostandyqta júr.
Polısıa bul faktini rastady, qazirgi tańda qylmystyq is boıynsha tergeý amaldary jalǵasyp jatyr. Alaıda qoǵam bul oqıǵaǵa beıjaı qaramaı, kinálilerdiń túgeldeı jaýapqa tartylýyn talap etýde.
You Might Also Like
-
Taıaý Shyǵystaǵy jaǵdaı taǵy da ýshyǵa tústi. Túrkıa áskeri Sırıa aýmaǵyna kirip jatyr degen aqparat tarap jatqanda, Izraıl áýe kúshteri Homs provınsıasyndaǵy T-4 áskerı áýe bazasyna soqqy jasady.
-
Qazaqstanda 2025 jyldyń 8 sáýirinen bastap moped júrgizýge qoıylatyn talaptar zań júzinde qatańdatyldy. Memleket basshysy Qasym-Jomart Toqaev qol qoıǵan jańa ózgerister kúshine enip, moped minýshiler ...
