InfoHub Logo

Aqqoıly bı Toqsaba degen kisi jolaýshylap kele jatyp, bir aýyldyń syrtynda qozy baqqan jas balaǵa jolyǵyp:

         – Balam, bul qozy kimdiki? – depti.

         – Ata, qozy qoıdiki,– depti bala.

         – Ákeńniń aty joq pa edi? – depti Toqsaba.

         – Ákemniń qara, tory, qula aty da bar, – depti bala.

         – Shyraǵym, aýlyńnyń úlkeni kim? – depti Toqsaba taǵy.

         – Úlkeni túıe bolady, – depti bala.

         – Joq, balam, saqaldysyn aıtam? – dese:

         – Aýyldyń saqaldysy teke,– depti. Toqsaba sózden tosylyp, shaqshasyn alyp nasybaıyn atypty. Sonda bala:

         – Ata, shaqshańyz neniń múıizi? – dep surapty. Toqsaba:

         — Balam, bul bizdiń eldiń qoıanynyń múıizi, – depti.

         Bala: – «Eli azǵannyń jeri azǵan» degen osy-aý, bizdiń eldiń qoıanynyń múıizinen shańyraq ıedi, sizdiń eldiń qoıanynyń múıizinen shaqsha ǵana shyqqany ma? – depti.

         Toqsaba sózden tosylǵanyn bilip, júrip ketipti de eline kelgen soń «kez endi myna bala alyp qaldy», –depti.

         Aqqoıly eliniń eni kez eken, sony myna bala endi eldi bıleıdi degen sózi eken. Aıtqanyndaı erjetken soń Aqqoıly elin sol bala bılepti.

---