Tórt shyraq
Bir bólmede tórt shyraq janyp turdy jáne birte-birte erip, taýsyla bastady. Bólmeniń tynyshtyǵy sonshalyq, olardyń sybyr áńgimeleri estilip jatty.
Birinshisi aıtty:
«Men — Tynyshtyqpyn. Meni adamdar baǵalamaıdy, saqtamaıdy. Mende sónýden basqa jol qalǵan joq!» Bul shyraqtaǵy ot sónip qaldy...
Ekinshisi aıtty:
«Men — Senimmin. Biraq adamdar bir-birine senbeıdi. Kópshilikte senim ólgen. Mende de sónýden basqa jol qalǵan joq!» Osylaısha ekinshi shyraq ta sóndi...
Úshinshisi aıtty:
«Men — Mahabbatpyn. Meniń ary qaraı janýǵa kúshim jetpeıdi. Adamdar meni baǵalamaıdy jáne túsinbeıdi. Olar ózderi úshin janyn berýge daıyn jaqyn adamdaryn jek kóredi».Kóp kúttirmeı úshinshi shyraq ta sóndi...
Bólmege adam júgirip kirdi. Úsh sóngen shyraqty kórgen ol, qorqynyshtan:
— Sender ne istep jatsyńdar?! Sender janýlaryń kerek. Men túnekten qorqamyn! — dep aıǵaılady. Kózine jas alyp otyra ketti...
Osy sózderden tolqyp ketken tórtinshi shyraq bylaı dedi:
«Qoryqpa, jylama! Men janyp turǵanda, ol úsheýin áli kóp tutandyramyn. Men — Úmitpin!»
Shynynda da, eń sońǵy óletin — úmit...
You Might Also Like
-
Qaıbir jyly Nık degen ımıgrant jigittiń oqıǵasy jaıly oqydym. Ol kóptiń biri bop jan baǵý úshin Amerıkaǵa kelgen edi. Biraq ne aqshasy joq, ne aǵylshynsha bilmeıtin.
-
Islam dinin alǵash qabyldaǵan túrki tektes halyqtardyń biri bulǵarlar edi. Volga Bulǵarlary nemese bolgarlar dep tanylǵan taıpa jetinshi ǵasyrda Qarateńizdiń soltústiginen bastap batysqa qaraı ilgeri...
