InfoHub Logo

Belgili prodúser Gúlzıra Aıdarbekova kásipker ári bloger Sáýle Bazarhannyń ómirden ozǵanyna baılanysty tebirenisti jazba jarıalady. Ol marqumdy «týǵan sińlisi men qurbysy» dep atap, qaıǵysyn jasyra almady.

Bul týraly Infohub.kz aqparat agenttigi habarlaıdy.

Júrekke aýyr tıgen habar

Gúlzıra Aıdarbekovanyń aıtýynsha, sońǵy kúnderi ol Sáýlemen birge túsken sátterin jıi bólisip otyrǵan. Prodúser qýanyshty da, qaıǵyly sátterdi de jasyrmaı, jaqyndarymen birge ótkizgenin aıtty. Alaıda, bul jolǵy jazbasy onyń júregine qatty tıgenin jetkizdi.

«Eki tún boıy múldem uıyqtaı almadym. «Gúleke» dep yrjıyp kirip keletindeı, qońyraý shalatyndaı bolyp elestep turdy», – dep jazdy ol.

Shymkentke josparlanǵan demalys

Aıdarbekova marqummen birge Tashkentke konsertke baryp, odan ári birge demalýdy josparlaǵanyn aıtty. Kelisim boıynsha Shymkentke demalys uıymdastyryp, erterek ushyp ketken eken. Alaıda, ushaq qonǵannan keıin kóptegen qońyraý shalynǵanyn jáne sýyq habardy estigenin jetkizdi.

«Janym tynysh tappaı, qonaqtarymdy tastap, qaıta ushyp kettim. Eń bolmasa jer qoınyna Sáýleshimdi jerlemeı turyp, kózimmen kórgim keldi», – dep jazdy prodúser.

Janazaǵa qatysa almaǵanyna ókindi

Keshkisin marqumnyń baýyrlary men jaqyn qurbylary jınalyp, bári kóz jasyna erik bergen. Gúlzıra Aıdarbekovanyń Tashkentte konserti bolǵandyqtan, qaıta ushýǵa májbúr bolǵanyn aıtty. Ol Juldyz, Zańǵar men Indıraǵa janaza men quranǵa qatysýdy tapsyryp, ózi amalsyz ketkenin jetkizdi.

«Úıine bardym, kirdim kórdim, mop-momaqan bolyp uıyqtap jatyr, ózi de óte sabyrly edi. Keshki qonaq asyna baýyrlary, qurbylarym jınalyp kútip otyr eken, jylaý da jylaý bolyp túnde úıimizge taradyq. Búgin Tashkentte konsertimiz, Juldyz, Zańǵar, Indıraǵa sender janazasyna, quranǵa baryńdar, Sáýle týǵan sińlimdeı jaqyn ekenin bilesińder dep, ózim amalsyz qaıta ushyp kettim. Kelgenderdiń bári, erler de, áıelder de egilip jylap, tipten sóıleı almaı qımastyqtaryn bildirdi», – dedi Gúlzıra Aıdarbekova.