InfoHub Logo

Jarshysyndaı aq shaǵala, appaq peıilimniń tilegi, úmit oty - qasıetti Ramazan aıyn saryla kútip júrgenime, mine, birshama aıdyn júzi bolyp qalypty. Ramazan aıy, sen meniń tún jamylǵan tonaýshyma aınaldyn. Iá, tonaýshym. Sebebi túnniń jarymynda seni oılap, armandap "Qıal" atty úlken saparǵa jol tartamyn. Ony nege armandaıdy, dersizder. Men úshin oraza - baqyt, qýanysh, mereke. Árbir jyl saıyn Ramazan aıy esik qaqqanda, eń baqytty adamǵa aınalamyn. Jalyn keýdem ot bolady. Jaýqazyn jyrlarym júrek túkpirinde qulpyrady. Allaǵa sansyz shúkirshilik! Osy jylǵy orazany  - aman-esen, otbasymmen, tórt kózimiz túgel  kórý buıyryp otyr. Jaratqan Allanyń raqymy sheksiz ǵoı shirkin!

Ramazan - jaqsylyqtyń, pák kóńildiń, syrly da nurly júrekterdiń, adaldyqtyń nysany ispettes. Ramazan - ibilis ataýlysynyń baılanatyn, adamgershilikten janǵa medet taba alatyn aı.

Bahara súresiniń 183-187aıattarynda bylaı delingen: "Aralarynda kimde-kim Ramazan aıyna aman-esen jetse aýyz bekitsin. Al kim naýqas bolyp ne saparda júrip jatsa oraza ustamasa, (qaza bolǵan kúnderin) basqa ýaqytta ustasyn. Shynynda, Alla senderge jeńildik qalaıdy,aýyrtpalyqtar artqysy kelmeıdi. Orazany tolyqtaǵandaryńdy, ustaı almaǵan kúnderdiń qazasyn ótegenderińdi jáne senderdi týra jolǵa salǵany úshin Allany ulyqtaýlaryńdy qalaıdy. Shúkirshilik etensińder! " Rasymen, maqtaý-malaqtaýdyń barlyǵy da tek Rabbyǵa tán. Osy bir múmkindikten qaı-qaısymyz bolsa da qur alaqan qalmaıyq.

Ókinishke oraı, qazirgi kóptegen aǵa-ápkelerimiz orazany ózderinshe "dıeta" ıaǵnı "salmaq tastaý, aryqtaý" dep biledi. Bul qazirgi qoǵamnyń sanasynyń ýlanǵany,nadandyǵy. "Bir bádáýı kelip: - Ýa, Rasýlýlla! Alla Taǵala maǵan oraza retinde neni paryz etti,aıtyp ber! - degende, ol: Ramazan aıynda oraza ustaýdy..." - dep jaýap beripti. Allanyń aldyndaǵy paryzymyzdy In shaa Alla úlken yjdaqattylyqpen, adal nıetpen, násip etse tolyǵymen ótep shyǵýlaryńyzǵa shyn júrekten tilektespin musylman jurty. 

---