Túrik JOO-daǵy qazaqstandyq stýdentter EKSPO-2016 kórmesinde boldy
Túrkıalyq JOO-larda oqıtyn qazaqstandyq stýdentter «Hadjettepe» ýnıversıteti men Ankaranyń Taıaý Shyǵys tehnıkalyq ýnıversıtetinde ótken Halyqaralyq kórme kúnine qatysty, dep habarlady Túrkıadaǵy QR elshiligi.
Qazaqstandyq stýdentter Halyqaralyq kórme kúniniń qonaqtaryna ımıjdik materıaldar taratty, qazaqtyń ulttyq taǵamdarynyń dámin tatyrdy, sonymen qatar qazaqstandyq kompozıtorlardyń áýenderin oryndady.
Sondaı-aq, bul kúnderi Antalá qalasynda Ankara, Ystambul, Kastamonýdaǵy oqý oryndarynda bilim alatyn qazaqstandyq stýdentterdiń sezi ótti. Túrkıadaǵy QR Elshiliginiń qoldaýymen 120-dan astam qazaqstandyq stýdent EKSPO-2016 kórmesine tegin bardy.
Sıez aıaqtalǵan soń stýdentter Túrkıanyń ózge qalalarynda oqıtyn otandastarymen qarym-qatynasty úzbeý jolyndaǵy mundaı sharalardyń mańyzy zor ekenin atap ótti. Olar únemi osyndaı kezdesýlerdi ótkizip otyrý jóninde ýaǵdalasty.
You Might Also Like
-
SQO, Jambyl aýdany «Blagoveshenka №2 orta mektebi» KMM-siniń 6 "á" synyp oqýshysy: Semeı Moldır Jetekshisi: Isenova Moldır
-
MÁSHHÚR JÚSİP KÓPEEV SHEJİRESİ – QAZAQ TARIHYNYŃ QAINAR KÓZİ
