Túrkıa jasóspirimderdiń áleýmettik jelini paıdalanýyna shekteý engizdi
Áleýmettik jelige kirý erejesi qatańdatyldy
Túrkıa 2025 jyldan bastap 16 jasqa tolmaǵan jasóspirimderdiń áleýmettik jelini paıdalanýy úshin ata-analarynyń nemese qamqorshylarynyń jazbasha kelisimin talap etetin jańa erejeni engizdi. Bul sheshim balalardyń psıhıkalyq densaýlyǵyn qorǵaý, kıberbýllıng pen zıandy kontenttiń áserinen saqtandyrý maqsatynda qabyldandy.
Balalardy qorǵaý jáne tárbıeleýge basymdyq
Túrkıanyń Kólik jáne ınfraqurylym mınıstri Abdýlkadır Ýraloglý málimdegendeı, jańa ereje jastardyń sanaly damýyna yqpal etedi.
"16 jasqa deıingi balalarymyz bilim men damýǵa kóbirek kóńil bólýi tıis. Bul jas sanatyna shekteý qoıý arqyly olardy qaýipsiz ortada tárbıeleýdi kózdeımiz," – dedi mınıstr.
Álemdik tájirıbege súıengen sheshim
Jańa talaptar psıhologıa salasyndaǵy sarapshylardyń usynystary men basqa elderdiń tájirıbesine negizdelgen. Kóptegen elderde áleýmettik jelige kirý jasy 13 pen 16 jas aralyǵynda shekteledi. Túrkıa osy baǵyttaǵy sharalardy kúsheıtip, jas paıdalanýshylardy qorǵaý mehanızmderin engizýdi qolǵa aldy.
Áleýmettik platformalarǵa qoıylǵan talaptar
Jańa zańǵa sáıkes, áleýmettik medıa platformalaryna jasty tekserý jáne ata-ananyń kelisimin rastaý úshin arnaıy tehnologıalar engizý mindetteledi. Eger kompanıalar bul talaptardy buzsa, aıyppul salynady.
PS
Túrkıa úkimetiniń bul bastamasy gadjetterge táýeldilikti azaıtyp, jasóspirimderdi offlaın ómirge belsendi aralasýǵa yntalandyrýǵa baǵyttalǵan. Áleýmettik jelilerdiń yqpalyn shekteý arqyly, memleket balalardyń psıhıkalyq jáne fızıkalyq densaýlyǵyn jaqsartýdy kózdeıdi.
You Might Also Like
-
Prognoz pogody ot Kazgıdrometa na pátnısý, 13 sentábrá
-
Túrki halyqtarynyń ejelgi dáýirdegi mańyzdy mádenı muralarynyń biri – Kúltegin eskertkishi. Bul Orhon-Enıseı jazýyna jatatyn asa qundy jádiger. Túrki tarıhy osy VII-VIII ǵasyrlarda jazylǵan Orhon-Enıseı jazbalary arqyly bizge belgili boldy.
