InfoHub Logo

Sabaqtyń taqyryby: Ýáde.
Sabaqtyń jalpy maqsaty. «Jaýapkershilik» uǵymynyń adamgershilik qundylyǵy retindegi mańyzdylyǵyn ashý.
Mindetteri:
- jaýapkershilik týraly túsinikterin keńeıtý;
- balalardyń jaýapkershiligin damytýǵa yqpal etý;
- óz sózine, isine jaýapkershilikke tárbıeleý.
Ádis - tásilder Suraq - jaýap, túsindirý.
Kórnekilikter «Jaýapkershilik» uǵymynyń adamgershilik qundylyǵy retindegi mańyzdylyǵyn ashý.
Mindetteri:
- jaýapkershilik týraly túsinikterin keńeıtý;
- balalardyń jaýapkershiligin damytýǵa yqpal etý;
- óz sózine, isine jaýapkershilikke tárbıeleý.
Synypta yntymaqtastyq atmosferasyn qalyptastyrý
Atqaramyz ár isti,
Jaqsyǵa biz laıyq
Jaýaptylyq sezinip,
Ýádede turaıyq!

Topqa bólý
Oqýshylardy kartochka men sýret salý arqyly topqa bólý.
Úı tapsyrmasyn suraý
Ótken sabaqqa baılanysty esseni tapsyrý.
Jańa materıalmen jumys. Muǵalimniń túsindirmesi: Áńgime «Ókinish» Atasynyń tapsyrmasyn oryndap tastamaqshy bolyp Qaıyrbek qoraǵa qaraı bettedi. Darbazanyń syrtynan bireýdiń ysqyrǵany estildi.
- Qaıyrbek, júr kettik. «Birlik» aýylynyń balalary kelipti. Osy joly olardy nólmen qatyrmasaq pa?
- Áttegen - aı - a!- dep Qaıyrbek basyn shaıqady. – Atam fermadaǵy bir tanysynan esektiń qamytyn alǵan eken. «Sony aparyp tastarsyń»? dep edi.
- Óı, bar bolǵany sol ma? Jaqyp kóńildene kúlip qoıdy.
- Keshke deıin áli talaı ýaqyt bar. Úlgeresiń... Kóp qıqańdy qoıyp, bizben júr. Olardan ótken jolǵy qarymtany qaıtarmasaq bolmaıdy. Kezdese ketse, mazaq qylady.
Qaıyrbek jelkesin qasyp sál turdy da:
- Meıli endeshe, - dep, balalarmen birge fýtbol oınaıtyn alańǵa tartty. Jolshybaı atasy kezdesti.
- Qaıyrbek shyraǵym, qamytty aparyp berdiń be?
Qaıyrbek ne derin bilmeı abdyrap:
- Iá, ata, aparyp tastadym, - dedi.
- Áp, bárekeldi. Órkeniń óssin, qaraǵym!- Atasy rıza keıippen Qaıyrbekke kózin syǵyraıta qarap, kúmis saqalyn ýystaı sıpap qoıdy.
Dáıeksóz
Muǵalim taqtaǵa «Ýáde berseń - orynda» dep jazyp qoıady jáne osy maqaldy búgingi sabaqtyń dáıeksózi retinde túsindiredi.
- Áńgimede aıtylǵandaı, adam ózine tapsyrylǵan isti jaýapkershilikpen oryndamasa, ózin ǵana emes, ózgeni de uıatqa qaldyrady eken.
- Sender «Ýáde berseń - orynda» degen maqaldy qalaı túsinesińder?
- Senderdiń ýáde berip, oryndaı almaı qalǵan kezderiń boldy ma? Bolsa esterińe túsirip aıtyp berińder.
Balalardyń jaýaptary tyńdalyp, ózderi qorytyndylaýǵa múmkindik beriledi:
- Bergen ýádeni ýaqytynda oryndaý úlken jaýapkershilikti bildiredi. Ata - babamyz balalarynyń jaýapkershilikti bolyp ósýin armandaǵan, sol úshin de «Ýádeni – berseń orynda» maqaly urpaqtan urpaqqa búgingi kúnge deıin jetip otyr.

Muǵalimi: Balǵabek Janar

Ýáde. júkteý