InfoHub Logo

Rýy — masqar Halba deıtin adam aldymen Isataı, Mahambet kóterilisshileri jaǵynda bolady. Sońynan hanǵa satylyp, Mahambetti óltirýshilerdiń biri bolypty.

Isataı Mahambettiń jan serigi berish rýynan. Úbi batyr, qasynda ysyq rýynan Orazymbet deıtin joldasy bar, Jaıyq ózeniniń sol jaǵynda jaılaýda otyrǵan tana rýynan Shymyr degen ıshannyń úıine túsip otyrady. Shaı ishilip, qoı soıylyp jatady. Sol kezde ıshannyń qoıshy balasy jylap keledi:

— Jańa bir qoıymdy eki atty kisi ıtarshyp alyp ketti, — deıdi. Sonda ıshan:

— Ah! Keshe osy mańda Halba júr dep edi, sol bolmaǵaı, — depti.

Sol-aq eken, úbi asyn qaıyryp:

— Buıyrsa qaıtyp kelip jermiz, asty pisire berińder! — dep tura atqa qonypty. Orazymbet birge ketipti.

Qoıdyń etin pisirip otyrǵan Halba jaqyndaǵanda, Úbini tanyp qalyp qasha jónelgen. Astynda toqpaq jaldy tory aty bar Úbi de ile qýady. Kóp uzamaı-aq qutyla almaıtynyn bilgen Halba bir aýylǵa qashypty. Aýylǵa kelip attan túse qalǵanda, Úbi de attan túsip, naızalap óltiripti.

Sońynan Orazymbet aıtypty:

«Halbany shalqasynan túsirip, naq júrektiń tusynan shanshypty. Júrekten atyp shyqqan qannan qos alaqanyn toltyryp alyp eki-úsh ret urttap jutyp jiberedi. Ony kórip turǵan men qusyp jibere jazdap qaldym. Qaıta kelip Shymyr ıshannyń úıinen toıa et jeıdi. Meniń júregim áli aınyp, etten shaq aýyz tıdim», — depti.

Bul Isataı, Mahambet kóterilisinen keıin Halba halyqtan qashyp, Úbi han, gýbernatordan qashyp júrgen kezi eken.

Oqýǵa keńes beremiz:

Jalbyr batyr (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---