InfoHub Logo

Taqyryby: « Ulttyq mýzykalyq aspap»
Maqsaty: Balalardy ulttyq aspaptarmen tanystyrý.
Ulttyq aspaptardy bir birinen ajyrata bilýge úıretý.
Ádis – tásilderi: tanystyrý, suraq - jaýap, qımyl jattyǵýy, bı qımyldary, aspaptardy tanystyrý, tyńdaý.
Sabaqtyń kórnekiligi: aspaptar: dombyra, qobyz, sybyzǵy. Ulttyq aspaptar
búktemesi. Interaktıvti taqta

Sabaqtyń barysy:
Uıymdastyrý.
Balalar zalǵa marsh áýenmen kiredi.
Jetekshi:
- Sálemetsiz be balalar? ( do – re – mı – fa – sol – sol - sol)
Balalar:
- Sálemetsiz be! (sol – fa – mı – re – do)
Mýzyka jetekshisi: (qolyna bilezik taǵyp)
Oń qolymda bilezik
Sol qolymda bilezik,
Sándi kóılek kıelik
Bárimiz birge bıleıik.
(Qımyldaryn mánerli yrǵaǵyna saı oryndaýǵa nazar aýdarý)

- Eki qoldy alǵa sozyp, qoldy ishke qaraı buraý, tizeni búgip turý;
- Eki qoldy joǵary kóterip, qol býyndaryn ishke qaraı buraý, tizeni búgip turý;
- Qoldy eki jaqqa sozyp, qol býyndaryn burap, bir orynda aınalý;
Balalar baıaý mýzykamen oryndaryna otyrady.
Jumbaq jasyrý
Uzyn moıyn eki shek,
Qatar – qatar tepki
Basyp qalsań bir birlep
Kúı shyǵady kúmbirlep.
- Balalar, Bul jumbaq qandaı mýzykalyq aspap týraly? (Dombyra)
- Biz dombyradan basqa da aspaptardy bilemiz ǵoı? (ıá)
Ulttyq aspaptar týraly jalpy túsinik berý.

Dombyra – qazaqtyń ulttyq aspaby. Qos ishekti shertip oınaıtyn mýzykalyq aspap. Bul aspapty halyq arasynan shyqqan nebir sheberler erekshe ásemdep, sheshen sóıleýge tyrysqan.

Qobyz – Ysqyspen oınalatyn, qos ishekti eski mýzykalyq aspap. Halyq arasyndaǵy ańyzdarǵa qaraǵanda, bul qobyzdyń paıda bolýy segizinshi ǵasyrda ómir súrgen, kúı atasy Qorqyttyń esimimen tyǵyz baılanysty.

Jetigen – jeti ishekti shertip oınaıtyn mýzykalyq kóne aspaptardyń biri. Buraýy joq. Sondyqtan ony, qulaq kúıi jeti asyqty ilgerili – kıindi ornalastyrý arqyly keltiredi. Shanaǵy tutas aǵashtan oıylyp jasalady.

Sybyzǵy – úrlep oınaıtyn eski mýzykalyq aspap. Barmaq basatyn úsh tetigi bar. Sybyzǵy aspabynyń úni samal jeldeı maıda, úni jumsaq, erekshe áserli. Sybyzǵy negizinen aǵashtan jáne qýraıdan jasalady.

Jetekshi:
- Kompozıtor N. Tilendıevtiń «Ata tolǵaýy»kúıin úntaspa arqyly tyńdatý.

Jetekshi:
- Kúıdi tyńdaı otyryp, qandaı tanys aspaptardyń únin estidińder?(dombyra, qobyz, sybyzǵy t. b) Mýzykalyq dıdaktıkalyq oıyn
«Aspapty taný»
Oıyn erejesi: Úntaspa arqyly aspaptar úni beriledi (balalar qımylmen kórsetedi)
Dombyra – Dombyra aspabynda qalaı oınaıdy? (Shertip) Endeshe shertpeli aspap
Qobyz – Qobyzdy qalaı oınaıdy? (Ysyp) Endeshe yspaly aspap
Jetigen – Jetigen aspabynda qalaı oınaıdy? (Shertip) Jetigen shertpeli aspap
Sybyzǵy – Sybyzǵy aspabynda qalaı oınaıdy? (Úrlep) Úrmeli aspap

Sergitý sáti
«Áýenin tap»
Sharty: Mýzyka jetekshisi úntaspa arqyly ártúrli áýenderden úzindi oınatady.
Balalar, sol áýenderdiń qandaı án ekenin esterine túsirip, ánniń atyn ataıdy. Oıyn
«Aspaptardy ajyrat»
Oıynnyń sharty: Taqtaǵa ulttyq aspaptardyń sýretterimen qatar ár túrli sýretter ilinedi. Balalar sol sýretterdiń ishindegi ulttyq aspaptardan basqa sýretterdi alyp tastaýlary kerek.

Qorytyndy.
Balalardy sheńberge turǵyzý.
- Taqtada qandaı sýretter qaldy? Dombyra, sybyzǵy, qobyz t. b
- Mine, biz olardy bir sózben neler dep aıtamyz? aspaptar
- Biz ulttyq aspaptardyń túrlerimen tanystyq.
- Senderge sabaq unady ma?
- Jaraıdy, endeshe jaqsy kóńil - kúı men sabaǵymyzdy aıaqtaımyz. Saý bolyńyzdar
(Marsh ekenimen zaldy aınalyp shyǵý)