InfoHub Logo

ǴYLYMI JUMYS
Taqyryby: Ulttyq oıyn arqyly qazaq tiline úıretý.

MAZMUNY
KİRİSPE
1. Ulttyq oıyn arqyly qazaq tiline úıretýdiń teorıalyq negizderi
1. 1. Qazaq tilin oqytýdaǵy oıynnyń róli
2. Qazaq tiline úıretýdiń ádistemelik negizderi
2. 1. Qazaq tilin úıretýde ulttyq oıyndardy aqparattyq tehnologıalar arqyly ońtaılandyrý erekshelikteri
2. 2. Qazaq tiline úıretýde ulttyq oıyndardy aqparattyq tehnologıalar arqyly ońtaılandyrý erekshelikteri.
QORYTYNDY

KİRİSPE
Qazaqstan óz táýelsizdigin jarıalaǵannan keıin qazaq tilin memlekettik til dep jarıalady. 1995 jylǵy 30 tamyzda respýblıkalyq referendýmda qabyldanǵan Qazaqstan Respýblıkasynyń Konstıtýsıasynyń 7 - babynda mynalar atap kórsetilgen: «Qazaqstan Respýblıkasyndaǵy memlekettik til - qazaq tili.». Konstıtýsıaǵa súıene otyryp, «Qazaqstan Respýblıkasyndaǵy Til týraly» zań qabyldandy. «Til týraly» zańǵa sáıkes 4 - bapta: «Qazaqstan Respýblıkasynyń memlekettik tili - qazaq tili. Memlekettik til - memlekettiń búkil aýmaǵynda qoǵamdyq qatynastardyń barlyq salasynda qoldanylatyn memlekettik basqarý, zań shyǵarý, sot isin júrgizý jáne is qaǵazdaryn júrgizý tili. Qazaqstan halqyn toptastyrýdyń asa mańyzdy faktory bolyp tabylatyn memlekettik tildi meńgerý - Qazaqstan Respýblıkasynyń árbir azamatynyń paryzy. Úkimet, ózge de memlekettik, jergilikti ókildi jáne atqarýshy organdar: Qazaqstan Respýblıkasynda memlekettik tildi barynsha damytýǵa, onyń halyqaralyq bedelin nyǵaıtýǵa; Qazaqstan Respýblıkasynyń barsha azamattarynyń memlekettik tildi erkin jáne tegin meńgerýine qajetti barlyq uıymdastyrýshylyq, materıaldyq - tehnıkalyq jaǵdaılardy jasaýǵa; qazaq dıasporasyna ana tilin saqtaýy jáne damytýy úshin kómek kórsetýge mindetti». [1]

Jalpy alǵanda qazaq tilin damytýǵa baılanysty kóptegen baǵdarlamalar qabyldanyp, iske asýda. Aıtalyq, qazaq tilin bilý deńgeıin baǵalaýdyń “Qaztest” júıesin engizý boıynsha naqty jumystar jalǵasyn tabýda. Sonyń ishinde “Azamattardyń qazaq tilin meńgerý deńgeıin Qaztest júıesi arqyly baǵalaý tehnologıasy” atty memlekettik standarttar bekitilip, osy standarttarǵa sáıkes keleshekte memlekettik qyzmetke keletin úmitkerlerden memlekettik tildi bilý qatań talap etiletin bolady. Búgingi tańda memlekettik tildiń qoldanys aıasyn keńeıtý maqsatynda birqatar zańnamalarǵa ózgerister men tolyqtyrýlar engizý jóninde tıisti jumys júrgizilip jatyr. Biraq ta, munyń bári áli de bolsa memlekettik tildiń mártebesin kóterýde jetkiliksiz. Memlekettik tildi damytýdyń ınovasıalyq - tehnologıalyq júıesin odan ári jetildire túsý kerek. Qazaq tilindegi túrli baǵdarlamalardy ornalastyrý, júıeleý, damytý isi jańa tehnologıalarǵa saı ǵylymı turǵyda saraptalýy úshin Áleýmettik - lıngvısıkalyq ǵylymı - zertteý ortalyǵy tynbastan eńbek etý kerek. Sonymen qatar, til mamandary til úıretýdiń túrli ádis tásilderin paıdalana otyryp, ózge ult ókilderine, bastaýysh synyp oqýshylaryna baılanysty tıimdi ári jeńil tásilder usynsa nur ústine nur bolar edi.