InfoHub Logo

«Ulttyq» ataýy teńizdeı tereń maǵynany qamtyǵan qudiretti sóz. Eldiń ulttyq bolmysynan, tynys-tirshiligi men kózqarasynan, salt-dástúrinen habar berip turǵandaı. Aıaqqa tusaý salmaǵan, bodandyq quryǵynda qalmaǵan elde ǵana «ulttyq» sóziniń roli oınap, qasıeti asqaqtaıdy. Qazaq eliniń ulttyq deıtindeı ózine tán dúnıesi, óz qoǵamy bar. Sol birlestikten ulttyq arnany da kezdestiremiz.

Elimizdiń tumary, Memlekettik tilde habar taratýshy «Qazaqstan» Ulttyq telearnasy - «Qazaqstan Respýblıkalyq  teleradıokorporasıasy» AQ quramyna kiredi. Toqsanynshy jyldar belinde óz qyzmetin Almaty stýdıasynda bastaǵan bul arnanyń qazirgi tańda isi eleýli, orny aıryqsha. On tórt aımaqtyq fılıaly bar «Qazaqstan» arnasy tek óz shekaramyzda qalmaı kórshiles Qytaı, Reseı, Ózbekstan, Qyrǵyzstan, Mońǵolıa elderin de halqymyzdyń ulttyq qundylyqtarymen habardar etedi.

Ulttyq arna efırinde ártúrli jastaǵy kórermenderge arnalǵan jańalyqtar men erekshe tok-shoý janrlary, oıyn-saýyq jáne tanymdyq baǵdarlamalar, qoǵamdyq-saıası, ekonomıkalyq habarlar, sondaı-aq, memlekettik tildi damytýǵa negizdelgen jobalar kezdesedi. Meniń bul arnadan tilge tıek etip sózge qosqym kelgeni arnanyń reıtıńin joǵarylatyp,   halyqtyń kózaıymyna aınalǵan  «Aıtýǵa ońaı» baǵdarlamasy. Halyqpen keri baılanys quryp, qýanyshyna birge qýanyp, qaıǵysyn teń bóle bilgen, reıtıńtiń quly bolmaı shyn muqtaj jandarǵa kómek bergen aıtýly joba kógildir ekrannan ketse de halyq janynda máńgi qaldy. Meniń oıymsha, ulttyq telearnadaǵy ult kelbetin kórsetip, syrty altynnyń ishi mys bolatynyn, sony túzegende, ult irgesi bekimekke qareket qylǵanda ǵana  alpaýyt tutas ult bolyp, ulttyǵymyzdy álemge  tanytatymyzdyń birden bir dáleli bolǵan baǵdarlama osy boldy. Men baǵdarlama arqyly «QAZAQSTAN» arnasynyń halyqtyq arna ekenin sezindim. Árıne, ulttyq arnadan ult kelbetiniń kórinýine osy baǵdarlamanyń júrgizýshisi bolǵan Beısen Quranbektiń eńbegi aýyz toltyra aıtarlyqtaı. Ulttyq arnada áleýmettik baǵdarlama «Jan jylýy», qoǵamdyq-saıası baǵdarlama «Ashyq alań», stýdıalyq baǵdarlama «Parasat maıdany», aqparattyq- saraptamalyq  «Jýrnalısik zertteý» baǵdarlamalary da Ertóstigim bir tóbe degendeı orny bólek ultqa qyzmet etkender.

Aıtpasa sózdiń atasy óler, Qazaqstandaǵy kóptegen arna sapaǵa emes sanǵa boı aldyrǵan. Kezinde «Qareket» syndy baǵdarlamalar halyqtyq sózdi sóıleýshi edi, qazir aqıqattyq astaryn aıtam degender aıtylmaýy tıis otbasynyń arttaryn aıtqan, iriden bezip maıdalanǵan baǵdarlamalar. «İrigen aýyzdan shirigen sóz shyǵady» degendeı efır, sahna mádenıetin saqtamaı jaman sózdermen boıap, kóptiń kózinshe tóbeles ashatyndardyń arqasynda reıtıń kóterilip jatqanymen urpaqtyń sanasy ýlanyp tómendep jatyr. Osyndaı baǵdarlamalardy kóretin halyq sany artqanymen urpaq úırenerlikteı qazaqy qundylyq quryp jatyr. Sondyqtan ulttyq arnanyń baǵytyn, ultqa berer dúnıesin ózim  qup kóremin. Aldaǵy ýaqytta zamandy adam ózgertti dep, ózgeriske bet buryp, ult kelbetin kólegeılemese eken deımin. Mendegi ún, azǵantaı tilek osy.

---