InfoHub Logo

Talapkerler úshin jaqsy bilim ordasyn tańdaý - mańyzdy ári jaýapkershiligi mol qadamdardyń biri. Óıtkeni, stýdenttiń qazir oqyp jatqan joǵarǵy oqý ornynyń reıtıńisi, bilim berý sapasy onyńbolashaqta qandaı maman ıesi bolyp shyǵaryna tikeleı baılanysty.  Alǵan bilimiń sapaly bolyp, stýdenttik ómiriń tıimdi ótip, tórt jyl ýaqytyńdy zaıa ketirmes úshin áý basta durys ýnıversıtet qarastyrǵan jón.

Bolashaqty qamda.  Qazirgi kezde JOO-nysátti támamdap, dıplomyn qolyna alsa da, jumys taba almaı júrgen adamdar kóp. Demek, ol ýnıversıtette óz túlekterin jumyspen qamtamasyz etý baǵdarlamasy joq.  Sondyqtan, JOO-nyńbitirýshilerdi mamandyǵy boıynsha jumysqa ornalastyrý, óndiristik tárbıe, kásibı baǵdar berý múmkindiginiń bar, joqtyǵyn aldyn-ala bilip alý kerek.  Barynsha jumys berýshiler tarapynan ýnıversıtet  suranysqa ıe bolǵany abzal.  

Bilim alýshylarǵa qandaı jaǵdaı jasalǵan? Ýnıversıtet aıasyndaǵy ártúrli uıymdar men úıirmeler stýdentterdiń oqýdan bos ýaqytynyń áldeqaıda qyzyq, paıdaly ótýine múmkindik beredi. Bolashaq ýnıversıtetińniń qoǵamdyq ómirine atsalysyp, belsendiler qatarynan bolǵyń kelse, shyǵarmashylyq uıymdar, sporttyq klýbtardyń bolýy úlken artyqshylyq.  Jalpy, stýdentterdiń ýnıversıtet qabyrǵasyndaǵy kóńil-kúıi oqý ornynyń ishki atmosferasyna baılanysty.  Sonymen qatar, JOO-nyń jataqhanasynyń men áskerı kafedrasynyń bolýyna da kóńil aýdar. Sebebi, Qazaqstannyń kóp ýnıversıtteteri bul jaǵdaılardy qarastyrmaǵan.

Oqytýshylar deńgeıi. JOO-nyń oqytýshylar quramynda ǵylym kandıdattary men profesorlar neǵurlym kóp bolsa, soǵurlym bilikti maman bolyp shyǵýǵa múmkindik artady. Bundaı ustazdan tálim alǵan stýdent keleshekte eńbekqor, básekege qabiletti maman atanary sózsiz.  Muǵalimder stýdentterge tek qana teorıalyq bilim emes, óz tájirbıelerimen bólisip, praktıkaǵa kóbirek nazar aýdaǵany jón. Kez-kelgen oqý ornynyń oqytýshylar qaýymymen ýnıversıtettiń resmı saıtynda tanysýǵa bolady.  

Keıde oqyp jatqan fakúltetińdi, mamandyǵyńdy qansha unatyp tursań da, ýnıversıtet tıesili bilim bermese, qyzyǵýshylyǵyńdy joǵaltyp alý da qıyn emes. Sol sebepti, ýnıversıtet tańdaýda oılanyp, ártúrli adamdarmen aqyldasa kele, ózindik analıtıka jasap , durys tańdaý jasaı bil. Ýnıversıtteterdiń áleýmettik jelilerine jazylyp, túlekterimen sóılesip, ashyq esikter kúnine baryp, barynsha zertteý jasa. Sáttilik, jas túlek 2022!

Arýjan Baqbergen. Almaty qalasy, HATÝ-dyń 1 kýrs stýdenti

---