InfoHub Logo

Búgin 16 naýryz 2022 jyly elde jyl basynda oryn alǵan qaıǵyly qańtar oqıǵasynan keıin Qazaqstan jurtshylyǵy asyǵa kútken jańasha reformalar kesheninen turatyn QR Prezıdenti Qasym-Jomart Toqaev óziniń Qazaqstan halqyna Joldaýyn arnady. Jańa Qazaqstandy qurýda Prezıdentimiz saıası júıeni jańǵyrtýǵa baǵyttalǵan on negizgi reformalar tizbegin usyndy. Jalpy atalǵan reformalardyń basym baǵyt-baǵdary negizinen Qazaqstannyń 30 jyldyq táýelsizdik tarıhynda avtorıtarlyq basqarý júıesine negizdelip jáne halyq sanasyna nyqtap ornyqqan «sýperprezıdenttik» basqarý formasyn ózgertý, órkenıetti elderde tájirıbede tabysty iske asyrylyp otyrǵan bıliktiń tarmaqtaryn kúsheıtý, jergilikti basqarý organdarynda bılik ókilettiligin arttyrý men olarǵa erkindik berý bolyp tabylady. Bir adamnyń qolyna shoǵyrlanǵan absolútti bıliktiń túbinde tyǵyryqqa tireletini belgili. Sebebi bılik júıesiniń basqa salalary erkin sheshim qabyldaýda batyly jetpeýi jáne óz erkimen naqty is-áreketterge bara almaýy damýdy kesheýildetetini anyq.

Bul ózgerister óz kezeginde jańa qazaqstandyq qoǵamnyń talabynan týyndaǵan qajettilikter bolyp tabylady. Sońǵy jyldary Qazaqstan turǵyndarynyń saıası belsendiliginiń artýy, azamattyq qoǵam ınstıtýttarynyń jandanýy elde demokratıalyq úrdisterdi shynaıy túrde iske asyrýdy qalaıdy. Joldaýda kóterilgen taǵy bir mańyzdy másele Prezıdent Q.K. Toqaev: «Biz memleket pen qoǵam arasyndaǵy ózara qurmet pen senimge negizdelgen jańa saıası mádenıetti qalyptastyramyz» – dep atap aıtty. Bul da óz kezeginde joǵaryda aıtylǵan azamattardyń boıyna jańa demokratıalyq qundylyqtar men baǵyt-baǵdarlardy barynsha sińirý men jańasha kózqarasty qalyptastyrý qajettiligin taǵy bir dáleldeı túsedi. Osy oraıda qazaqstandyq jastardyń jańasha saıası mádenıetin qalyptastyrý qoǵam aldyndaǵy basty mindet. Qoryta kele bıylǵy Joldaýdyń baǵyty Qazaqstannyń jańa dáýirge aıaq basýyn, demokratıalyq jáne modernızasıalyq damý jolyna túsýin kórsetedi.

Aıtymbetov Núrken Ysqaquly  

---