InfoHub Logo

Taqyryby: Uqypty bala – ádepti bala
Qundylyq: durys áreket
Sabaqtyń maqsaty: oqýshylardyń ishki jan dúnıesinde jalqaýlyqty qadaǵalaı bilý, uqyptylyq, tazalyq, shydamdylyq qundylyq retinde mánin ashý.
Mindetteri:
a) Bilimdilik: oqýshylarǵa jalqaýlyqty qadaǵalaı bilý, tilalǵysh bolý týraly túsinik berý;
b) Damytýshylyq: oqýshylar boıynda ustazdardy syılaý, uqypty bolý qasıetin damytý;
v) Tárbıelik: oqýshylardy densaýlyqty saqtaı otyryp, tazalyqqa tárbıeleý

Sabaq barysy:
1. Uıymdastyrý kezeńi. Tynyshtyq sáti. Nurǵa bólený.
Yńǵaılanyp otyryńyzdar, denelerińizdi
túzý ustańyzdar. Aıaq qolyńyzdy aıqastyrmańyzdar. Qoldaryńyzdy tizeńizge nemese ústelge qoıýǵa bolady. Kózderińizdi jumyp, elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn jáne taza Ásemgúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp júregińizdiń kózin ashty. Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, ıgi ister isteıdi jáne barshaǵa kómektesedi. Endi, nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy. Odan ári nur sizdiń aýzyńyzǵa tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap,
bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi sáýleli oı keledi. Nur birte - birte kúsheıe bastaıdy, sizdiń
deneńizden tarap, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa
tolsyn. Osy nur búkil álemge: barlyq adamdarǵa, jan - janýarlarǵa,
ósimdikterge, barlyq tiri janǵa taralsyn... Ǵalamnyń barlyq túkpir - túkpirine
nur baǵyttańyz. Oısha aıtyńyz: «Men nurlymyn... Nur meniń ishimde... Men Nurmyn...». Osyndaı Nur, Mahabbat jáne Tynyshtyq kúıinde otyra turyńyz... Endi
Nurdy júregińizge ornalastyryńyz. Nurǵa toly búkil álem sizdiń júregińizde. Ony
Osyndaı ásem qalypta saqtańyz. Jaımen kózdi ashýǵa bolady.

2. Úı tapsyrmasyn tekserý: E. Ótetileýov «Uqyptylyq» áńgimesin oqyp kelý
1. Asylannyń uqyptylyǵyn neden baıqaýǵa bolady?
2. Jomart nelikten qoryqqa barmaı qaldy?
3. «Uqyptynyń ýaqyty mol» degendi qalaı túsinesizder?
4. Sender óz ýaqyttaryńdy qalaı paıdalanasyńdar?

3. Dáıeksóz.
Uqyptynyń ýaqyty mol
M. Álimbaev
1. Dáıeksózdiń maǵynasyn qalaı túsinesińder?
2. Uqypty bolý barlyqtaryńnyń qoldarynan keledi me?
3. Uqypty oqýshy qandaı qasıetterge ıe?
4. Óz isińe qalaı uqypty bolýǵa bolady?
5. Jumys kestesin qurýǵa, aldyn ala josparlaýǵa bolady ma?

4. Áńgimelesý, suhbat. «Muǵalim syıy»
Bir aptada
M. Jamanbalınov
Bir aptanyń kúnderi ótti
Dúısenbide gúlder ektim
Seısenbide jýa terdim
Sársenbide sý ákeldim
Beısenbide baqsha baptap,
Juma kúni taqpaq jattap,
Senbide men kıno bardym,
Jeksenbide bir demaldym.

1. Bir aptada budan da kóp sharýa bitirýge bolady ma?
2. Aptanyń kúnderine keste qurǵan durys pa?
3. Talaptan da aqyl men óner úıren degendi qalaı túsinesizder?
4. Eńbekqorlyq pen jalqaýlyqtyń qandaı aıyrmashylyǵy bar?

5. Shyǵarmashylyq is - áreket, toptyq
jumys
Oqýshylardy sýretter arqyly 3topqa bólý.
1 - topqa: «Men uqypty balamyn» taqyrybynda sýret salý, sýret jaıly áńgimelep berý
2 - topqa: Ózderiń ádeptilik erejesin qurastyryńdar
3 - topqa: «Uqypty qyz» ertegisin aıaqtaý

6. Toppen án aıtý

Sózi: S. Moldasanuly
Áni: F. Luqpanova
«Bala tilegi»
Bal - balalyq, baldyrǵan shaq san arman,
Barlyq bala armandaýǵa jaralǵan.
Kel, dostarym, ándetińder, bıleńder,
Gúldensin dep atameken qara orman.

Bolashaqtyń ıesimiz bárimiz,
Týǵan jerdiń túrlendirer nárimiz.
Altyn besik - ulan baıtaq elimde,
Jarqyn bolsyn shyrqap aıtar ánimiz.

Qalyqtaǵan kógershini kóginde,
Muńaımasyn eshbir bala elimde.
Ata bergen batamenen kórkeısin,
Uly Otanym, tilegim sol meniń de.
7. Keri baılanys
Sabaqtan alǵan áserlerińizdi bólisińizder. Stıkerlerge óz pikirlerin bildirý.

OQO, Kentaý qalasy,
B. Momyshuly atyndaǵy №12 jalpy orta mektebi
ózin - ózi taný pániniń magıstr - oqytýshysy
Ýstemırova Batıa Bektemirqyzy

Tolyq nusqasyn júkteý