InfoHub Logo

2017 jyldyń 21 qarashasynda qalalyq bilim bóliminiń «№ 4 S.Seıfýllın atyndaǵy orta mektebi» komýnaldyq - memlekettik mekemesinde 8 synyp oqýshylary arasynda «Úsh tilde bilim berýdiń bolashaǵy jarqyn» atty ıntellektýaldy taqyryptyq kesh ótkizildi. Sharanyń maqsaty oqýshylardyń shyǵarmashylyq qabiletterin damytý, aǵylshyn tilin oqýǵa degen qyzyǵýshylyǵyn qalyptastyrý boldy. İs-shara barysynda  8 «A» synyp oqýshylary Abdıkalık Dinıslam, Abdıkalık Nurmuhamed, Tólepbergen Eldos úshtildiliktiń mańyzdylyǵy jaıynda qazaq, orys jáne aǵylshyn tilderinde óleń oqydy.  Kesh 5 kezeńnen turatyn  ıntellektýaldy baıqaýǵa  jalǵasyp, qatysýshylar úsh topta bilim synasty. Kórermen ustazdardan ádil-qazy uıymdastyrylyp, toptardyń upaılary esepteldi. Úsh tildi keń qamtyǵan suraq-jaýaptar, oıyndar oqýshylardyń oı-órisin ashyp, bilimderin keńeıtti. Kesh  barysynda oqýshylar alǵan bilimderin ortaǵa salyp, tildik bilim deńgeıleri joǵary deńgeıde ekenin baıqatty. Elimizdegi úsh tildi saıasattyń máni men mańyzyn, sonymen qatar kemshiligi men keri áserleri jaıly pikirtalas órbitip, qyzý tartysty kesh ótkizdi. 8 «V» synyp oqýshysy Aıtýǵanova Anel «La Is La Bonita» ánin oryndady.  Aǵylshyn tili birlestigi muǵalimi Shahatova Mánshúk  «Úsh tilde bilim berýdiń bolashaǵy jarqyn» taqyrybynda  oqýshylarǵa  prezentasıa jasady. Bolashaǵymyz jarqyn, keleshegimiz kemel bolsyn degen pozıtıvti sarynda taqyryptyq kesh «My Bonnie» ánimen óz jumysyn aıaqtady. Til týraly qyzyqty aqparattarmen ásem bezendirilgen sharadan kórermender de kóterińki kóńil-kúımen tarqasty.

Qyzylorda qalasy,
№4 S.Seıfýllın atyndaǵy mektep
Aǵylshyn tili páni muǵalimi
Rahmanbergenova Anar

---