InfoHub Logo

Jaralǵan jaqsy úmit pen murattardan,
Jansyzdar áldılegen shýaqty arman.
Jattalsyn esimderiń jan júrekte,
Adamnyń aıaýly áni sıaqtalǵan.

* * *

Ustazdar! Qandaı ǵajap halyqsyzdar!
Shákirtke shyńdaı bıik alypsyzdar.
Jan bitken janaryna nur syılaǵan
Kúndeı bop kúlimdegen jaryqsyzdar.

* * *

Ómirdiń uǵyp tereńin,
Órken jaıǵan qaýymym
Qabyl al júrek sálemin,
Qulaqta seniń ár úniń!

* * *

Saǵynysh sazy tolqytqan,
Arnamaq sózdiń máıegin.
Shákirtteriń oqytqan
Kelip tur joldap sálemin!

Qyr-syryn zerttep zamannyń,
Ulylyǵyn aıtyp babamnyń
Ónege, óris beretin
Barometri sensiń adamnyń.

* * *

Kem kórmeımin sizdi asyl anamnan,
Sizge uqsap qýdyq biz de san arman
Sizdeı adam dúnıede kóp bolsyn
Balalardyń baqyty úshin jaralǵan.

* * *

Meniń atym «Arsen»,
Ustazymnyń shákirti.
Ustazym maǵan aıtady,
Sen balasyń tártipti!

* * *

Eń aıaýly esim ǵoı «Ustaz» degen,
Bar tirshilik baqytty ustazbenen.
Ustazdy jetkizgenshe muratyna
Bilim izdep lapyldap jańa berem.

* * *

Ustazdyń ottaı ystyq alaqany,
Bolǵan soń oılaıtyny-bala qamy
Baladan ustazyma myń san alǵys
Óıtkeni ol ustazymnyń aq armany.

* * *

Nuryn tókken kók aspan kúmbezinen
Kúlimdeýiń uqsaıdy kún kózine.
Qolda bolsa ustazdarǵa syılar em,
Bar baılyǵyn álemniń bir sizderge.

* * *

Oqýshy alǵa umtylyp, sheginbeı men,
Sen uıaldyń kir bolsa meniń jeıdem.
Jaqsylyqqa bastaıtyn kúlimsirep,
Kóz aldyma qazir tur seniń beıneń

* * *

Alǵash ret oıatqansyń sanamdy,
Alǵash ret ustatqansyń qalamdy.
Sol úshinde máńgi syılap ótermin
Túsindirgen jaqsy menen jamandy.

* * *

Ustaz bizdi bilim berip ósirgen
Qatemizdi árqashanda keshirgen
«Ómir joly-qıyn jol» dep árdaıym
Tárbıelep, aqyldy ǵyp ósirgen.

* * *

Anamdaısyz, meniń asyl ustazym,
Ótti bizben kóktem, kúz, qys, jazyń
Jyldar boıy tárbıelep, aıalap,
Bolashaqqa baıtaq bir jol nusqadyń.

* * *

Ustaz bolý – júrektiń batyrlyǵy,
Ustaz bolý – sezimniń aqyndyǵy,
Ustaz bolý – minezdiń kún shýaǵy,
Azbaıtuǵyn adamnyń altyndyǵy

* * *

Muǵalimimiz aınaldy
Anamyzǵa ekinshi
Biz oqysaq sabaqty
Anamyzdaı qýanyp
Qoıady bes baǵasyn.

* * *

* * *

Qıynǵa tózýge
Úıretken qashanda,
Jamannan bezýge,
Jaqsylyq jasaýǵa.
Qamqory ul, qyzdyń –
Muǵalim – ol bizdiń.

* * *

Atam da syılaıtyn
Atamnyń tustasy,
Papam da syılaıtyn
Aýyldyń ustazy.

* * *

Maǵan bilim úıretken
Jańagúldeı apaıym
Tárbıe men aqyldy
Úıretkende apaıym

Jańagúldeı apaıdy
Qurmetteımiz bárimiz
Jańagúldeı apaıdy
Syılatuǵyn báriniz

Uztaz,ana boldy ol
Árqashan da bizderge
Bar balaǵa berdi ol
Qýanyshpen ónege.

* * *

* * *

Ǵulama, bilgish ǵalymnan
Oqýshy jas jalynnan,
Marhabatty oıshyldan,
Mal ósirgen qoıshydan,
Jazýshydan, aqynnan
Ǵaryshkerden – Batyrdan
Óneri asqan akterden,
Yrys qazǵan shahterden,
Myń buralǵan bıshiden,
Oı terbetken kúıshiden,
Oqyǵan jas-káriden
Oqýshynyń bárinen,
Ustazdarǵa myń sálem!

* * *

Bilimniń káýsar bulaǵyn,
Júresiń quıyp sanama
Biz úshin sensiń, muǵalim,
Ustaz da, ǵalym, dana da.

* * *

Zavodta bolsań, kúnbe-kún
kóriner edi tabysyń.
Dáriger bolsań, túrli emiń -
syrqaýly jannyń baǵy shyn.
Al seniń eńbek jemisiń
ózgeshe tipti basqadan:
ol - ózin arnap el úshin
osynaý júrgen jaqsy adam.
Jaqsy adam - eldiń tiregi,
baılyǵy týǵan halyqtyń,
shapaǵyn shashar únemi
kóginde turǵan jaryq kún.
San jastyń qamyn shertesiń,
taǵdyryn oılap tolǵanyp.
Ár úıdiń bir-bir erkesin
úırettiń óziń qolǵa alyp.
Ustazsyz janda sónbek kún,
shákirtsiz ómir - sýsyz jer.
Kórinbes ǵajap eńbektiń
beınetin keship júrsizder.
Júrekte turar jalqy úniń,
janymnan jalyn jiger kút.
Ustazym, seniń ár kúniń,
ár sátiń turǵan bir erlik!