InfoHub Logo

Qyzylorda oblysy,
Qazaly aýdany, Áıteke bı kenti, S. Seıfýllın atyndaǵy
№165 mekteptiń tarıh pániniń muǵalimi
Jádıeva Lázzat Shyntasqyzy

Taqyryby: Ustazǵa taǵzym
Maqsaty: Ustaz eńbeginiń jemisi, bilim ómir shyraǵy ınemen qudyq qazar degen uǵymdardyń maǵynasyn oqýshylarǵa túsindirý «Ustaz uly tulǵa» ekendigin keń kólemde dáripteý jáne ustazdardy qurmetteýge, syılaý bilýge tárbıeleý
Kórnekiligi: Naqyl sózder, sharlar


1-júrgizýshi: Sálem berdik ustazdar barshańyzǵa,
Sizdermen tola bersin ortamyz da
Búgingi el basqarǵan azamattar
Bilim alǵan sizderdiń arqańyzda

2-júrgizýshi: Búgingi kún qushaqtaryń gúlge tolsyn
Deńderińniń saýlyǵy myqty bolsyn
Bilimimen sýarǵan shákirtterin,
Tól merekeń ustazdar qutty bolsyn.
1-júrgizýshi: Hosh keldińizder qurmetti ustazdar, Merekelerińiz qutty bolsyn!

2-júrgizýshi: Búgingi «Ustazǵa taǵzym» atty ustazdarmen kezdesý keshine jınalyp otyrmyz. Keshimizdi ashý úshin tárbıe isiniń meńgerýshisi S. Bálkenbaı aǵaıǵa sóz kezegin beremiz.
- Lebizińizge kóp-kóp rahmet!

1-júrgizýshi: «Ustaz ulaǵatty esim» Shákirtterin bilim nárimen sýsyndap, tálim-tárbıe berý, jaqsy qasıetterdi, boıyna darytyp, adamgershilik rýhta baǵdar berýde ustazdyń eńbegi zor. Somdyqtan da ol árdaıym qasıetti tulǵa retinde erekshelenedi.

2-júrgizýshi: Olaı bolsa qadirli ustazdar sizderdi Tól merekelerińizben quttyqtaımyz!
Denderińizge saýlyq, otbasylaryńyzǵa baqyt, mereılerińiz ústem bola bersin, deı otyryp,
ózderińizge arnalǵan jyr-shashýymyzdy qabyl alyńyzdar.
1- júrgizýshi: Án - jyrmen shashý shashaıyq,
Sizderdi ánge qosaıyq
Aq tilek surap barshadan,
Shymyldyǵyn sahnanyń ashaıyq
Hor: «Ustazym»

2- júrgizýshi: Endigi kezekte oqýshylarǵa bersek, shákirtterdiń ustazdarǵa degen jyly lebizderin tyńdalyq.
1-oqýshy: «USTAZ» Osy bir aýyz sózde qanshama jylylyq, meıirim tunyp tur. Osy dúnıedegi eń qadirli adamdardyń biri – ustazdar bolsa kerek.
«Ustazdyq etken jalyqpas,
Úıretýden balaǵa», - demekshi kásip qıyndyǵyna moıymaı, balalarǵa óz bilgenin aıamaı úıretken kóńilderine kirbiń túsirsek, keshire biletin, sezimtal da meıirimdi jandarǵa, bizder shákirtteri
qaryzdarmyz.
2- oqýshy: Halqymyzdyń kórnekti aǵartýshylardyń biri Y. Altynsarın atamyz «Maǵan jaqsy muǵalim qymbat, óıtkeni, muǵalim – mekteptiń júregi» degen eken.
Ónege tutar osy sózdi barlyq shákirtter jadynan shyǵarmaýy tıis. Adamzat ómir súrgeli beri ustazdyń qadir-qasıeti alasarǵan emes. Qaıta ǵylym ilgerilegen saıyn olardyń mártebesi bıikteı túsýde. Búgingi muǵalimderdiń muraty men jaýapkershiligi tipti bólek. Ǵarysh dáýiriniń balalaryn bilimmen sýsyndatyp, olardyń boılaryna izgilik nuryn sebý. Bul baǵytta orasan zor jumystar istep jatqan ustazdar qaýymy mektepteriniń maqtanyshtary bola bererine kámil senemiz.
3- oqýshy: Bilimniń shertip syrlaryn
Ǵylymnyń nebir qyrlaryn
Shákirtterim syrt qalmaı
Uqsa eken dep tynbaýyn.

4- oqýshy: Kózderiń toly meıirim,
Keń darıadaı peıiliń
Berilse deımin maǵan da
Parasat toly zeıiniń.

5- oqýshy: Kelgen bilim kúnimen
Qońyraýdyń únimen
Quttyqtaımyz, ustazdar
Jańa oqý jylymen.

6- oqýshy: Kelgen baqyt nurymen,
Balǵyn bóbek únimen
Quttyqtaımyz ustazdar
Jańa oqý jylymen.

7- oqýshy: Kelgen bıik týymen
Shuǵylaly shyńymen
Quttyqtaımyz ustazdar
Jańa oqý jylymen.
«Ustazym áni»

Mektep ómirinen kórinis
Ustazdarmen suhbat, pikirlesý
Qorytyndylaý