InfoHub Logo

Jastarǵa sapaly bilim berip qana qoımaı sony men qatar tárbıede bere bilý qajet. Qazaqstannyń bolashaǵy jastarda. Jastardyń bolashaǵy, oqýda qandaı jetistikke jetetini, ómirde qanshalyqty tabysty, isker bolatyny tikeleı tálimgerge baılanysty. Prezıdentimiz N. Á. Nazarbaev bilim mekemelerine aıryqsha kóńil bólip olardyń materıaldyq - tehnıkalyq bazasyn zamanaýı qondyrǵylarmen jabdyqtaý arqyly bilim salasyn damytýǵa barlyq jaǵdaı jasap otyr. Onyń barlyǵy bilim salasyn arttyrýǵa, kásibı sheberlikti nyǵaıtýǵa, muǵalimderdiń mártebesin joǵarlatýǵa yqpal etedi. Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salyp, mal baǵyp terin tókken sharýa da, kókti sharlaǵan ǵaryshker de bári – bári ustazdan bilim úırenip, tálim alǵan. Jastardy mádenıetti, adamgershiligi mol, úlkendi syılaı biletin, eńbekqor, ata - saltyn, ana - tilin qasterleıtin, bilim bergen ustazdaryn ár qashanda qurmetteýge tárbıeleý.

Taqyryp: ''Ustazy jaqsynyń ustamy jaqsy''
Ashyq tárbıe saǵatynyń kórnekiligi: '' Ustaz degen – uly esim'' atty gazet, maqal – mátelder, naqyl sózder t. b.
Ashyq tárbıe saǵatynyń barysy:
Quttyqtaý sóz: top basshysyna beriledi
Qurmetti ustazdar!
Sizderdi búgingi muǵalimder kúni merekelerińizben quttyqtaı otyryp, ustaz degen ulaǵatty qyzmetterińizge shyǵarmashylyq tabystar tileımiz.
Januıalaryńyzdy baqytqa bólep, shákirtterińizdi bilimniń bıik shyńdaryna jeteleı berińizder!

Ustaz degen – uly esim,
Uqsasam dep júresiń.
Balalaryń ustazsyz,
Dana bolmas bilesiń.

Eńbegi onyń baıqalmas,
Alǵysyńdy aıt alǵash.
Kúlimdegen ustazsyz,
Bilim gúli jaıqalmas.

Bilim bergen ustazyń,
Bilseń káýsar bulaǵyń.
Ustazdarmen ómirde,
Óshpes máńgi shyraǵyń.

Bilim qýǵan el eken,
Elmen birge berekeń.
Qutty bolsyn, ustazdar,
Qýanyshty merekeń.

1 - Júrgizýshi:
Sapaly bilim berý - básekege qabiletti qoǵam ornatý negizi - dep Elbasymyz N. Á. Nazarbaev atamyz aıtqandaı. Bilim joly qıyn da qasterli jol. Bolashaq jastardy oqytý, tárbıe berý, qazirgi ómir aǵysyna beıimdeý - ustaz aldynda turǵan eń basty jaýapty mindeti.
Ustaz mindeti - jas urpaqqa sapaly bilim berý, ǵylymǵa baýlý, sanaly tárbıe berý. Shákirttiń jaqsy bolýy - ustazdyń aıtqan sózinde ǵana emes, kórsetken úlgisinde. Menińshe ustaz, ustaz bolyp tanylýy úshin oǵan eń aldymen, úlken bilim men bilik, uıymdastyrýshylyq qabilet qajet.
Uly jazýshy Ǵ. Músirepov “jazýshy jazýyn qoıǵan kúni - ólgeni”,- degen eken. Sol sekildi muǵalim oqýyn, iskerlik qabiletin toqtatqan kúni mektep tabaldyryǵyn attamaǵan durys.

2 - Júrgizýshi:
'' Ustazy jaqsynyń ustamy jaqsy'' - deıdi halyq danalyǵy. Jaqsy ustazdyń balanyń baqyty úshin, eldiń erteńi úshin atqarǵan eńbeginiń mańyzyn sózben aıtyp jetkizý qıyn. Jaqsy ustaz sózimen de, kózimen de qanshama shákirtterdiń kóńiline nur quıyp, olardy bilimniń bıikterine jeteleıdi. Osyndaı ulaǵatty ǵalym ustazdarymyzdy búgingi merekelerińizben qutyqtaı otyryp, án - shashýymyzdy sizderge arnaımyz.

Án ''Ustazym''

1 - Júrgizýshi:
Jas urpaqtyń bolashaǵy ustazdardyń qolynda
Dúnıege shyr etip kelgen árbir jan mynaý jaryq dúnıeni, tamasha tirshilikti syılaǵan Anaǵa máńgilik qaryzdar. Al osynaý ómirde kókiregi oıaý, kózi qaraqty azamat bolyp shyqqany úshin árbir adam Ustazǵa ómir boıy boryshtar dep oılaımyn.
Ana adamǵa ómir súrý baqytyn syılasa, Ustaz bizdiń boıymyzǵa ǵylym nuryn darytyp, kóńil qoınaýyńda buǵyp jatqan qabilet qasıetterimizdiń qaınar kózin ashady. Demek, ómirge urpaq ákelgen analardy qalaı ardaqtasaq, sol urpaqty tárbıelep júrgen ustazdardy da solaı qurmetteýge tıispiz.

Kúı '' Balbyraýyn'' oryndalady.

2 - Júrgizýshi:
Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıhan da, mal baǵyp terin tókken shopan da kók kúmbezinen ári ótken ǵaryshker de, bári – bári ustazdan bilim, tálim alǵan, sondyqtan, ulaǵatty ustazdar, sizderge búkil adam balasy qurmetpen bas ıedi.
Ustaz sózi - kún nuryna para - par,
Shákirt onyń ár sózinen nár alar, İzgilik pen meıirimge toly ol, Shýaq bolyp júrekterge taralar.

Bı ”Qýanysh bıi” oryndalady.

1 - Júrgizýshi:
Adam ómirindegi eń qymbat jannyń biri Ustaz! Osy bir sózdiń ózinde kóp maǵyna jatyr. Ómirdegi qoǵam qaıratkerleri, nebir danyshpan adamdar bári - bári bir adamǵa qaryzdar. Ol - ustaz. Ustazsyz ómirdiń naqty tutqasyn ustaý múmkin emes. Jan dúnıeńdi túsinetin, qıyndyq kezinde súrindirmeı qutqaratyn ustaz ekeni anyq, óıtkeni ol dıqan sıaqty. Adamnyń janyna aqyl, bilim dánin seýip, aıalap, kóńilin de tabady. “ Ustaz”degen ardaqty, kıeli, úlken qurmetpen aıtylatyn sóz, ol ár adamnyń jastaıynan saýatyn ashatyn, ónege úıretip, tárbıe beretin “Bilim”atty kemege otyrǵyzyp, bolashaqqa jol kórsetetin, anańdaı álpeshtep, mańdaıyńnan sıpaıtyn adam.
Adamdy tárbıelep, ony azamat atandyrýdyń ózi bir úlken kúsh emes pe?
Sondyqtan da ustazdardyń eńbegi - uly eńbek.

Uly Abaıdyń “ Aqyryn júrip anyq bas,
Eńbegiń ketpes dalaǵa
Ustazdyq etken jalyqpas
Úıretýden balaǵa ” dep aıtýynda tereń mán maǵyna jatyr. Shynynda da, ustaz eńbegi - uly da ulaǵatty eńbek emes pe?

Án ''Qarlyǵash'' oryndalady.

2 - Júrgizýshi:

“Adamnyń adamshylyǵy jaqsy ustazdan bolady ” dep aıtqan danyshpan Abaı atamyz.
Ustaz degen qasıetti adam bar.
Bile bilseń, seniń eki anań bar,
Biri - seniń týǵan anań bolsa eger,
Ekinshi anań - ustaz degen danań bar.

Týǵan anań bolmas, oınamas eń, kúlmes eń,
Jaryq dúnıe nur sáýlesin kórmes eń,
Ustaz ana bolmasa sen ómirdiń,
Máni menen maǵynasyn bilmes eń.

1 - Júrgizýshi:
Ustaz – bolashaqtyń anasy
Ustaz ana - aqyl - bilim anasy.
Júzindegi pák meırimdi kórgende,
Ár shákirttiń oıanady sanasy

Qutty bolsyn, ustazdarym, merekeń
Artsyn seniń abyroıyń, berekeń,
Osy kúni uly toıdy toılaıyq,
Qýanyshty, uzaq bolsyn merekeń.

2 - Júrgizýshi:
“Ustazdan shákirt ozar”degen halyqta dana sóz bar

Shákirtterge arnaý!

Qyzyqpa mol dáýletke kóńil bólme,
Ómir - asý, jantalas, umtyl, órle.
Shyńyna shyq talaptyń serpip qanat,
Bilimsiz sáýle qushpas eshbir pende!

Sendersińder, jerge ıe, elge qorǵan,
Halqyń úshin baryn ber, kelse qoldan.
Shar bolattaı qaıralyp shyńdala tús,
Eseıgende ketpesin ishte arman!

Hor “Meniń Qazaqstanym”

Ashyq tárbıe saǵatynyń qorytyndysy: Hımıa kafedrasynyń aǵa tálimgeri stýdentterge alǵashqy stýdenttik kúnderimen quttyqtaı otyryp ótkizilgen ashyq tárbıe saǵatyna óte joǵary baǵa berdi. Bolashaqta ózderiniń de jaqsy ustaz bolatyndyqtaryna senim artty.