InfoHub Logo

Taqyryby: Ustazym – ulaǵatym, úlgi-ónegem !

1-júrgizýshi: Armysyzdar, ardaqty ustazdar! Barshamyzdyń saýatymyzdy ashyp, bilim nárimen sýsyndatyp, ómirge qanat qaqtyrǵan Ulaǵatty ustazdar.
Merekelerińiz qutty bolsyn!

2- júrgizýshi:
Sálem berdik ustazdar barshańyzǵa,
Sizdermen tola bersin ortamyzda.
Búgingi el basqarǵan azamattar,
Bilim alǵan sizderdiń arqańyzda.

1-júrgizýshi
Búgingi kún qushaqtaryń gúlge tolsyn,
Denderińniń saýlyǵy myqty bolsyn.
Bilimmenen sýarǵan shákirtterin,
Tól merekeń ustazdar qutty bolsyn!

2- júrgizýshi:
Ustazdarym bıik tulǵa baısaldy,
Qushaq jaıyp óz merekeń qarsy aldy.
Qýanyshty jarqyn tilek bildirip
Quttyqtaımyz, ustazdarym barshańdy.

1-júrgizýshi:
Ál-Farabı: «Ustaz.... jaratylysynan ózine aıtylǵannyń bárin jete túsingen, kórgen, estigen jáne ańǵarǵan nárselerdiń bárin jadynda jaqsy saqtaıtyn jaqyndaryna da, jat adamdaryna da ádil, jurttyń bárine jaqsylyq pen izgilik kórsetip, qorqynysh pen jasqaný degendi bilmeıtin batyl, er júrek bolýy kerek» degen. Baıqaısyzdar ma bul sózden biz Qalıa Úkimashqyzynyń beınesin kóremiz.

2-júrgizýshi:
Qalıa apaı – mektepte orny bólek,
Súıedi shákirtterińiz sizdi erek.
Tamyry tereńge tartqan nárli aǵashtaı,
Ár qashan aman bolyp júrsin der ek.

1-júrgizýshi:
Tarqalmasyn qyzyqtyń shaǵy qyzǵan,
Jana bersin baq art yp baǵyńyzdan.
Qurmetpenen usyndyq sizge sózdi
Aqtarylyp kórińiz aǵyńyzdan!, deı kele sózdi mektebimizdiń basshysy Dáýletova Qalıa Úkimashqyzyna beriledi
Án. Aldajarova Gúlzadanyń oryndaýyndaǵy «Ustazym» ánin qabyl alyńyzdar.

2- júrgizýshi:
Sizbenen biz bar álemdi qıalmenen sharlaımyz
Muz bop qatyp, janartaý bop sabaqtarda qaınaımyz.
Siz kirgende dáý kartany qolǵa alyp esikten,
Geografıa, saıahatqa shyǵamyz dep jaınaımyz.

1-júrgizýshi:
Ár adamǵa qurmetpenen qaraǵan,
Óz boıynan mol izgilik taraǵan.
Talap penen tártipti tek tý etip
Osy ómirge muǵalim bop jaralǵan.
Mektep –ınternatymyzdyń oqý isi meńgerýshisi Qonysbaev Bıǵazy aǵaı men tárbıe isiniń meńgerýshisi Ábdijapparova Gúlshat apaıǵa sóz kezegi beriledi.
Án: Smaǵulova Raısa «Áke – ana».

2- júrgizýshi:
Nesibeli apaı úıretedi bar bilgenin óziniń,
Shyn júrekten tilek tilep bárimiz,
Quttyqtaımyz ustazdardyń kúnimen.

1-júrgizýshi:
Kúnim degen kúlimdegen
Qamqor bolǵan ustazym
Jany jaısań, jaıdary jan,
Uǵyndyrǵan sóz sazyn.
Umytpaımyz, ardaqtaımyz,
Ulbolsyn apaı sizdi biz.

2-júrgizýshi:
Kóńilińiz bolsyn aq qardaı,
Jarqyldap kózdi tartqandaı.
El jurtyń seni ardaqtap,
Júre bersin, Jannat apaı.

1-júrgizýshi:
Ǵylym ıesi – ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salyp mal baǵyp, terin tókken sharýa da, kókti sharlaǵan ǵaryshker de – bári-bári ustazdan tálim alǵan. Ulaǵatty ustazdar, búkil adam balasy sizderge bas ıedi.

2-júrgizýshi:
Aıta bersek ustazǵa til jetpegen.
Kimge ustaz bilim nárin tókpegen?!
Aıtyńdarshy, adam bar ma Ómirde,
Ustazdarǵa qaryzdar bop ótpegen?
Ustazdar, ulaǵatty zıalylar,
Senderde ǵalymdardyń qıaly bar.
Aǵaıyn, toılaryńa tartý etem,
Shákirtterdiń sálemin qabyl alyńyzdar!

Án: «Qutty bolsyn tól meıram»

1-júrgizýshi:
Ustaz – áke shákirtterine alalamaı qamqorlyq jasaıdy. Ustaz – ana, ol shákirtin týǵan anasyndaı baýrap, ómir órnekterin, turmys tirshilik mehnattaryn, qıyndyqtary men qyzyqtaryn sezindirip, baýlýdan jalyqpaıdy. Ustaz – joldas. Ol árqashan da shákirtterimen birge kópshilikpen aralasyp júredi, qatar qurbysyndaı qatarlas ómir súredi. Ustaz – dos, ol shákirtine tek jaqsylyq oılap, qıyndyqta qymsynbaı kómek kórsetedi, janyn sala jaqsylyq jasaıdy.

2-júrgizýshi
Áni sizge qalyqtaı,
Qıalmenen sharyqtaı
Quttyqtaımyz biz sizdi
Ustazymyz Dabyl aǵaı.

1-júrgizýshi:
Ataq-dańqy ańyz bolǵan talaıǵa,
Aǵalarǵa baǵa berý ońaı ma?!
Baýlyǵan temirdeıin tártipke,
Myń rahmet Qudaıbergen aǵaıǵa

2-júrgizýshi.
Dene shynyqtyrý sabaǵynyń sýsyndatyp bilimin
Sebepshisiń solmaı ósip – jaınaýyna denemniń.
Sen arqyly bildim ómir ońy menen solyn men.
Sen arqyly qadirin de bildim atqan kúnimniń
Ustazymyz Quraqbaı aǵaıdyń jáne de ustaz – ákelerimizdiń qurmetine án Qarlyǵash pen Nazerkeniń oryndaýynda «Áke» ánin qabyl alyńyzdar.

1-júrgizýshi:
Ul-qyzyn mápelep aıalaǵan,
Dosynan qol kómegin aıamaǵan.
Búginde ortamyzda Roza apaı,
Mektep úshin eńbegin aıamaǵan.

2-júrgizýshi:
Bilim, óner, bárine bar talaby,
Árqashanda ashyq-jarqyn qabaǵy.
Baıan apaıdyń árbir bergen sabaǵy
Máńgi, máńgi, máńgi esimde qalady.

1-júrgizýshi:
Pernegúl apaı nuryn shashqan zeıindiniń,
Nurly shash sáýlesindeı zeıindiniń,
Daryttyń adamdyqty shákirtińe
Damyttyń daryn otyn beıimdiniń

2-júrgizýshi:
Júregi nur, ómiri gúl ustazdyń
Sondyqtan da ustazyma uqsadym.
Aq kóńil de qarapaıym qashanda qurmetteımiz ózińizdi Altynaı apaı ustazym
Án. Qasymhanov Nurlyhan: «Gúldáýren» áni

1-júrgizýshi: Ana árbir adamnyń jaryq dúnıedegi eń jarqyn janashyry, qadirlisi, qamqorshysy, aq sútin emizip aıalaǵan, janyn da aıamaǵan ardaqtysy bolsa, al ustaz bizdiń ekinshi anamyz dep aıtsaq artyq aıtpaǵanymyz dep sanaımyz. Mektebimizdegi shákirtterge ana ornyna ana bolyp, oqýshylardyń qýanyshyna qosa qýanyp júrgen tárbıeshilerdiń eńbegi zor.

2-júrgizýshi:
Ustaz degen – jaryq kúni ǵalamnyń,
Ustaz degen – anasy ol adamnyń.
Búkil álem moıyndaıdy eńbegin,
Sen de odan adam bolyp jaraldyń
Tárbıeshi apaılarymyzǵa arnaý:

1-júrgizýshi:
Lıman apaı kóp oılaýmen bala qamyn
Nurlanyp atar ispen árbir tańy.
Ǵalamdy jadyratqan kún sekildi,
Balany aıalaǵan alaqany.

2-júrgizýshi:
Keleshektiń kezinde,
Kesip aıtar ózińe
Ónege mol ózinde
Ósıet kóp sózinde
Bar shákirttiń anasyndaı
Baǵda apaı osyndaı.

1-júrgizýshi:
Shákirtterin baptaǵan
Tárbıeshim Kúmis apaı dep maqtanam
Tárbıe bergen bizderge
Kóp-kóp rahmet sizge de.

2-júrgizýshi:
Gúlsim apaı! Ulyq tulǵa ór eken.
Tası tússin berekeń
Kelgen osy aıtýly
Qutty bolsyn merekeń!

1-júrgizýshi:
Baǵdash apaı óziń barda qam jemedim,
Tárbıe berdiń úırettiń, jetelediń.
Sharshaýdy eshqashan bilmep ediń
Ol bizdiń tárbıeshi apaı degen edim.

Án: «Anashym»

2-júrgizýshi:
Aqyl-keńes kóp qoı onda uqqanǵa,
Ardyń týyn asqaq ustap shyqty alǵa.
Shetel tilin oqýǵa bizdi úıretken,
Myń rahmet Almajandaı apaıǵa.

1-júrgizýshi:
Jas urpaqqa jalyndy
Sóz marjanyn darytqan.
Til arqyly tabysqan
Orys tilin meńgergen
Úıretýdi jón kórgen
Kósegesin kógertip,
Ǵajaıyp bir óń bergen?

2-júrgizýshi:
Qazaq tilim, óz tilim, ana tilim,
Muhtar, Abaı sóılegen dana tilim.
Taza sóıle, tereń uq, kóp-kóp izden,
Joǵary usta máńgilik tildiń pirin, dep qazaq tili, orys tili, aǵylshyn pánderiniń muǵalimderiniń qurmetine

Bı»Qarajorǵa

1-júrgizýshi:
Ustaz! Ustazdyq uly nárse. Ustazdyq etý ózińniń ýaqytyńdy aıamaý, ózgeniń baqytyn aıalaý. Jaryq dúnıede budan asqan qıyn, budan asqan qıamet-qaıym qyzmet joq. Patshalyq qurý ustazdyq etýden on ese jeńil. Ustazdyq mindetti patsha da, baı da, batyr da atqara almaıdy.
2-júrgizýshi:
Ustazdyq ustazdan basqa eshkimniń qolynan kelmeıdi.
Ustazym ekinshi anam aıalaǵan,
Bizderden bar bilimin aıamaǵan.
Oqysyn, bilim alyp úırensin dep,
Tańerteń kúnde qushaq jaıady aldan.- deı kele tárbıeshilerimizdi tól merekelerimen quttyqtaımyz.
Án:

2-júrgizýshi:
Alǵashqy meniń ustazym
Kúlimdegen, kúnim degen.
Qamqor bolǵan ustazym.

1-júrgizýshi:
Men alǵash mektep esigin ashqanymda,
Kúnim bolyp kórindiń aspanymda.
Bilim bolyp egildiń jas janyma,
Gúliń bolyp tógildiń asqaryma.
Biz degende umytyp bala qamyn,
Qas qaǵymǵa qasyńnan tastadyń ba?

Bastaýysh synyp muǵalimderiniń qurmetine bı: «Bıpyl»

2-júrgizýshi:
Bizder áli ótelmegen paryzbyz,
Sary dalada saırap jatqan san izbiz.
Attary da atalmaǵan ustazdar,
Aldaryńda máńgilikke qaryzbyz

1-júrgizýshi:
Uly ómirge jetelep,
Ashqan bilim esigin
Qurmetteıik mápelep
Ustazdardyń esimin.
2-júrgizýshi:
Keleshekke altyn baq,
Qosar taýdaı úlesin.
Jasaı bersin jarqyldap,
Ustaz atty uly esim.
Án:

1-júrgizýshi:
Ustazyńdy túsingen sen tereńnen
Bar álemge eńbegimen elengen.
Seniń baǵyń órge qaraı órlese,
Ol da birge qýanyshqa kenelgen.

2-júrgizýshi:
Ustaz sózin aıtyp júrdik án qylyp,
Odan basqa júrgen kim bar jandy uǵyp.
Ustaz degen – ulylardyń ulysy,
Qasıetine bas ıeıik máńgilik!
- dep keshimizdi qorytyndylaý maqsatynda sóz kezegin mektebimizdiń basshysy Dáýletova Qalıa apaıǵa beriledi.

Aıaýly ustazdar! Merekelerińiz qutty bolsyn. Jańa oqý jyly Sizderdiń otbasylaryńyzǵa Yrys, Dáýlet, Baqyt ákelsin! Kóńilderińiz kóktemdeı bolsyn, ómirlerińiz qýanyshqa tola bersin. Keshimizdi tamashalaǵandaryńyzǵa kóp-kóp rahmet!