InfoHub Logo

Sabaqtyń taqyryby: WordPad mátindik redaktoryna kirispe
Sabaqtyń maqsaty:

 Bilimdilik: Oqýshylardy WordPad mátindik redaktorymen tanystyrý.WordPad mátindik redaktorynyń terezesi týraly túsinik berý, mátinmen jumysqa daǵdylandyrý, qujattardy qurýǵa, ashýǵa, saqtaýǵa úıretý.
 Damytýshylyq: oqýshylardyń oılaý qabiletin, logıkalyq - abstraksıasyn damytý.
 Tárbıelik: oqýshylardy tárbıelikke, uqyptylyqqa, tıanaqtylyqqa úıretý.
Sabaqtyń túri: Ashyq sabaq.
Sabaqta qoldanylatyn kórneki quraldar:
 Interaktıvti taqta,WordPad redaktory, kartochkalar.

Sabaqtyń barysy: 1. Uıymdastyrylýy. Oqýshylarmen amandasý, túgendeý, sabaqqa daıyndyqtaryn tekserý, jańa sabaqtyń taqyryby men maqsatyn tanystyrý.
2.Úıge berilgen tapsyrmany tekserý. Suraq-jaýap arqyly
3. Jańa sabaqty túsindirý.

Mátindik prosesor - bul tek qana mátindi engizý men túzetý ǵana emes, sonymen qatar ony pishimdeý quraldary bar baǵdarlamalar klasy. Sonymen qatar pishimdeý qaǵaz ben ekranǵa shyǵarýdy basqaratyn kórinbeıtin kodtardy engizý jolymen iske asady. WordPad mátindi pishimdeýdiń mınımaldy múmkinshiligi bar qarapaıym mátindik prosesor bolyp tabylady. Jaı qujattardy daıyndaý úshin jáne mátindik faıldardy bir pishinnen basqa pishinge ózgertý úshin paıdalanylady.

WordPad mátindik redaktory.
Qazirgi kezde derbes kompúterlerdi qujattar men mátinder daıyndaýda keńinen paıdalanylady. Kompúterler tek baspa mashınasynyń qyzmetin atqaryp qana qoımaı, qujattardy daıyndaý prosesinde kóptegen qosymsha múmkindikter beredi.

Birinshiden, kompúterdegi mátindi túzetýge, mátin úzindilerin qosýǵa, mátin arasyna jańa joldar qosýǵa, ár túrli qujattardy bir - birine qosýǵa, mátinniń shekaralaryn tegisteýge. Joldardy ekrannyń ortasyna keltirýge, qujatty saqtap, baspaǵa qansha dana bolsa da shyǵarýǵa bolady.
Ekinshiden, ár túrli qaripterdi, ár tilderdiń alfavıtterin, sondaı-aq grafıkalyq sımvoldardy paıdalanýǵa bolady.

Úshinshiden, mátin arasyna kestelerdi, sýretterdi, grafıkterdi kiristirýge, sonymen qatar mátinniń ózin túrli pishinde (qısyq boıynda ornalastyrýǵa, «kólemdi» pishin berýge, kóleńkeleýge jáne t.b.) ornalastyrýǵa bolady.

Tórtinshiden, qaǵazǵa jazylǵan mátinderdi, qujattardy (hat, kitap mátinin t.b.) skaner arqyly ótkizip, taný baǵdarlamasynyń kómegimen mátindik pishimge keltirýge bolady.
Besinshiden, standartty qujattardy shyǵarǵanda daıyn úlgilerdi paıdalanýǵa bolady.

WordPad mátindik redaktorymen jumys isteý.
WordPad mátindik redaktory qarapaıym mátindik qujattardy jasaýǵa múmkindik beredi. WordPad qujattarynda mátin men abzasty pishimdeýge, shekaralardy jyljytýǵa, sheginis ornatýǵa, ár túrli qarip qoldanýǵa, sonymen qatar grafıkalyq keskinderdi, dybys úzindileri men beıneklıpterdi qoıýǵa bolady.

WordPad baǵdarlamasyn iske qosý.
WordPad mátindik redaktoryn iske qosý úshin, kelesi áreketterdi oryndaımyz: Pýsk - Programmy - Standartnye - WordPad . Redaktor iske qosylǵannnan keıin ekranǵa WordPad mátindik redaktorynyń terezesi shyǵady. Tereze kelesi elementterden turady: taqyryp joly, menú joly, qural- saımandar taqtasy, pishimdeý taqtasy, syzǵysh jáne terezeniń jumys aımaǵy.
Terezeniń kóp bóligin jumys aımaǵy alady, oǵan mátin engiziledi.
Terezeniń taqyryp jolynda qujat aty jáne WordPad baǵdarlamasynyń aty kórinedi.
Qural-saımandar taqtasynda jıi paıdalanylatyn komandalardy shaqyrý batyrmalary bar. Árbir batyrmanyń, mindetin bilý úshin maýstyń nusqaǵyshyn sol batyrmanyń ústine ornalastyryńdar, az ýaqyttan soń ishine batyrmanyń qysqasha aty jazylǵan kishkene tórtburysh shyǵady. Batyrmanyń aty onyń oryndaıtyn qyzmetin kórsetedi.


WordPad-ta qujat qurý.
WordPad-ta qujat qurý úshin , tómendegi negizgi satylardy oryndaý kerek:
1. Qarip jáne ony ólshemin tańdaý.
2. Mátindi engizý jáne redaksıalaý.
3. Mátindi pishimdeý.
4. qujatty saqtaý jáne ashý.
5. baspaǵa shyǵarý.
Osy satylardy qarastyraıyq:
1. Qarip jáne onyń ólshemin tańdaý.

esepter taqtasyndaǵy pernetaqta ındıkatory arqyly qajetti tildi tańdaı alamyz.
Qarip túrlerin qural - saımandar taqtasyndaǵy Qarip batyrmasyn shertý arqyly, al ólshemin Qarip ólshemi batyrmasy arqyly ózgerte alamyz. Qaripti, Ólshemdi, Álpetti qatar ózgertý úshin Format-SHrıft (Format-Qarip) komandasyn oryndaımyz.

2.Mátindi engizý men redaksıalaý. Mátindi engizgende joldar avtomatty túrde tómen jyljytylyp otyrady. Mátindi terý kezindegi keıbir pernelerdiń qyzmeti:
Enter- jańa jolǵa kóshý
Shift-bas áripterdi terý.
CapsLock - bas áripter rejımine aýysý
Backspace - meńzerdiń sol jaǵyndaǵy sımvoldardy óshirý
Delete - meńzerdiń oń jaǵyndaǵy sımvoldardy óshirý.
3.Mátindi pishimdeý. Mátinniń álpetin ózgertý jáne mátindi betterdiń shetteri boıynsha tegisteý áreketterin oryndaý mátindi pishimdeý dep atalady.

Mátinniń álpeti: J- jartylaı qalyń, K- kýrsıv, CH- asty syzylǵan. Kádimgi pishimdeý qural-saımandar taqtasyndaǵy J,K,Ch batyrmalaryn shertý arqyly jyldam oryndalady.
Mátindi tegisteý úshin Pishimdeý qural - saımandar taqtasyndaǵy sol jaq sheti, oń jaq sheti, ortasy boıynsha tegisteý batyrmalary qoldanylady. Bul áreketti Format-Abzas komandasy arqyly da oryndaýǵa bolady.

1. Qujatty saqtaý jáne ashý. WordPad mátindik redaktorynda qujatty saqtaý úshin: Faıl- Cohranıt kak komandasyn oryndaımyz. Osy redaktorda saqtalǵan faıldyń keńeıtilýi avtomatty túrde *.doc bolady.
Saqtalǵan qujatty ashý úshin: Faıl –Otkryt komandasyn oryndaımyz.
Jańa qujatty qurý úshin: Faıl- Sozdat komandasyn oryndaımyz.
2. Qujattardy basý: qujatty qurýdyń sońǵy satysy – ony baspaǵa berý. Qujatty baspaǵa berý áreketteri:
1) Faıl- Predvarıtelnyı prosmotr (aldyn-ala qarap shyǵý);
2) Faıl – Pechat.

Tapsyrmalar:

1-tapsyrma: WordPad mátindik redaktoryn iske qosý tizbegin kórset.
2- tapsyrma: WordPad mátindik redaktory.arnalǵan.
3- tapsyrma: WordPad mátindik redaktorynyń múmkindikteri qandaı?
4 - tapsyrma: Informatıkalyq dıktant.
Sabaqty bekitý suraqtary:
- WordPad mátindik redaktorynyń atqaratyn qyzmeti qandaı?
- WordPad mátindik redaktoryn qalaı iske qosamyz?
- WordPad mátindik redaktorynyń terezesiniń bólikterin atańdar.
- WordPad mátindik redaktorynda qujat qurý satylaryn atańdar.
- Mátinniń qarpin, ólshemin, álpetin qalaı ózgertemiz?
- Mátindi tegisteýdiń qandaı túrleri bar, olar qalaı oryndalady?

Baǵalaý: Oqýshylardyń bilimin baǵalaý.
Qorytyndylaý: Suraqtarǵa bergen jaýaptaryn tolyqtyra otyryp, sabaqty qorytyndylaý.
Úıge tapsyrma: WordPad mátindik redaktorymen jumys
Jumys dápterindegi tapsyrmalardy oryndaý.