InfoHub Logo

Bas aýrýy – adamǵa ártúrli dárejedegi aýyrsyný ákeletin jáne kóp qolaısyzdyq týdyratyn syrqat. Oǵan sebep kóp: psıhıkalyq jáne emosıalyq sharshaý, bas mıy tamyrlarynyń sklerozy, bas saqınasy, mıdyń organıkalyq aýrýlary (isik, ınsýlt jáne t.b.) jáne basqalar.

Bas aýyrǵanda aýyrsynýdy joıatyn dáriler ishý mindetti emes. Halyq eminiń bas aýyrǵanda kómektesetin kóptegen ádisteri bar, biraq aldymen dárigerge baryp, aýrý sebebin dál anyqtap alǵanyńyz durys. Dáriger ruqsat etken jaǵdaıda tómendegi keńesterdi paıdalanýyńyzǵa bolady.

Sharshaýdan týyndaǵan bas aýrýy kezinde jyly bulaý, melıssa nemese túımedaqtan daıyndalǵan shaı kómektesedi. Keı jaǵdaılarda valerıana ishý nemese teńiz tuzy, shópter qosylǵan bulaý jasaý paıdaly.

Jelke tusyna nemese jaýyryndar ortasyna, sondaı-aq baltyrdyń artqy jaǵyna úgitkishten ótkizilgen shomyr men jelkek basýǵa bolady. Úgitkishten jańa ótkizilgen jelkek shyrynyn samaıǵa jaǵady (1-2 mınýtqa) jáne bir tilim qara nandy azdaǵan jelkekpen jeıdi.

Keıde bas aýyrǵanda jáne uıqy qashqanda atbas burshaq qosyp qaınatylǵan sarymsaqqa ósimdik maıyn aralastyryp samaıǵa jaǵady. Buny uıyqtar aldynda jasaıdy.

Bulaýlar men bý býlaýlary. Bas aýyrǵanda qol men aıaqqa ystyq bulaý jasaıdy. Sondaı-aq býmen bulaý da jaqsy áser etedi. Qaınatylǵan sý men alma sirkesýynyń býyn 75-100 ret jutady. Nátıjesinde aýyrsyný joıylýǵa nemese azaıýǵa tıis.

Qaınatpalar, tundyrmalar

• Bir as qasyq shaıqýraıǵa bir quty ystyq sý quıady, 15 mınýt qaınatyp, súzip alady. Qutynyń tórtten bir bóligin kúnine úsh ret ishedi.

• Untaqtalǵan andyz tamyryna bir quty salqyn sý quıyp, 10 saǵat tundyrady, súzip alady. Astan jarty saǵat buryn kúnine tórt ret qutynyń tórtten bir bóligin ishedi.

• Kıikshóp pen shaıqýraıdy 2:1 mólsherde aralastyryp, onyń 20 gramyna 1 quty ystyq sý quıady, bir saǵat tundyryp, lımon qabyǵyn nemese darshyn qosady. Ystyq kúıinde astan jarty saǵat buryn jarty qutydan kúnine 2-3 ret ishedi.

• Bir gram darshynǵa 20 mıllılıtr ystyq sý quıady, biraq jańa qaınaǵan emes. Jarty saǵat tundyryp, ár saǵat saıyn eki jutymnan ishedi. Tundyrmany mańdaı men samaılarǵa basýǵa bolady.

• Jalbyz, sasyqshóp, myńjapyraqty teń mólsherde aralastyryp, onyń 10 gramyna sýyq sý quıyp, 10 mınýt qaınatqan soń bir saǵat tundyrady. Tamaqtan jarty saǵat buryn ystyq kúıinde jarty qutydan ishedi.

---