Qaıǵylandyń, zarlandyń,
İsińdi tastap, muńaıyp.
Oınamaısyń, oılaısyń,
Kúlkińe saldy kim aıyp?
Jalǵyz qalsań bir úıde,
Ózińdi óziń jylattyń,
Móldiregen kózińdi
Qaıǵyly jaspen shylattyń.
Kóp oıladyń tynshymaı,
Túnde de kirpik bir qaqpaı.
Talmaı kóziń jumbaısyń,
Aǵaryp sútteı tań atpaı.
Jańa pisken almadaı
Tolyp bir turǵan shaǵyńda,
Jastyq qyzyǵyn kórmesteı,
Hege syndy saǵyd da?
Qaıǵyǵa saldy kim seni
Tynyshtyq júzin kórmesteı?
Ómir boıy bitpesteı,
Zaryń máńgi sónbesteı.
Ernińdi qozǵap qaıǵymen,
Qaı jaýyzdy qarǵaısyń?
Seni búıtken beıbaqtyń
Sanadan júzi sarǵaısyn!

---