InfoHub Logo

Qazaq tili. 3 synyp. Sabaqtyń taqyryby: Zat esimdi qaıtalaımyz
Sabaqtyń maqsaty: Bilimdilik: zat esim týraly túsinigin bekitý; sóılem ishinen zat esimdi taba bilý; zat esimniń jekeshe jáne kópshe túri, jalpy jáne jalqy esim týraly alǵan bilimin pysyqtaý.
Damytýshylyq: alǵan bilimin qoldana otyryp oıyn arttyratyn tapsyrmalardy oryndaý sheberligin damytý.
Tárbıelik: Saýatty jazýǵa, uıymshyl bolýǵa baýlý.
Sabaqtyń ádisi: «Oı qozǵaý», «Venn dıagramsy», «Toptastyrý», «Erkin jazý» strategıalary.
Sabaqtyń barysy: Qyzyǵýshylyqty oıatý
«Oı qozǵaý» strategıasy. Oqýshylar tez arada zat esimge qatysty ne biletinderin tizip jazady. Aldymen ár oqýshy jeke - jeke jazady, sodan keıin ádettegideı topta, sosyn synyp bolyp oryndap, bir - biriniń jazǵandaryn tolyqtyrady.
Mysaly:
1. Zattyń aty.
2. Kim? Ne? Kimder? Neler?
3. Jekeshe, kópshe túri.
4. Jalpy esim, jalqy esim.
5. Ártúrli maǵynasy bolady.
6. Qosymsha jalǵanady.
7. Zattyq maǵynaly sózder jıi qoldanylady, t. s. s.
Maǵynany taný kezeńi
Taqtaǵa birneshesh zat esim jazylady:
Jańbyr, shegirtke, shybyn, saýynshy, daýys, naǵashy, nemere, tasqyn, satýshy, dırektor, qońyz, ápke, júrgizýshi, sińli, boran, ara, esepshi, naızaǵaı, aǵa.
1 - top. Tabıǵat qubylystary ataýlaryn terip jaz.
2 - top. Mamandyq ataýlaryn jazady.
3 - top. Jándik ataýlaryn jazady.
4 - top. Týystyq ataýlaryn jazady.
Oqýlyqtaǵy taqyryptyń basynda berilgen sóılemderdi aýyzsha tolyqtyrady. Muǵalim jetekshi suraqtar qoıý arqyly suraqqa tolyq jaýap berýlerin qadaǵalaıdy.
1 - jattyǵý suraq qoıa otyryp, zat esimderdi tabýǵa daǵdylanýdy kózdeıdi. 2 - jattyǵýdaǵy jalqy esim, jalpy esim; zat esimniń jekeshe, kópshe túrlerine baılanysty tapsyrmalardy oryndaǵannan keıin, Venn dıagramsy arqyly salystyrady. Balalar óz múmkindikterinshe bilgenderin toltyrady. Sońynan birin - biri tolyqtyryp, ortaq keste jasaıdy.
1. Zat atýlary
2. Týystyq ataýlary
3. Jándik attary
4. Qustardyń attary
5. Sóılem ishinde kishi árippen jazylady

1. Zat esim
2. Zattyń atyn bildiredi
3. Sóz
4. Kim? Ne? Kimder? Neler

1. Jer sýattary
2. Kisi attary
3. Taý attary
4. Ózen, kól attary
5. Qala attary
6. Úı janýarlarynyń attary
7. Bas árippen jazady

3 - jattyǵý barysynda oqýshylar sózderge jurnaqtar jalǵaý arqyly týyndy zat esim jasap úırenedi. 4 - jattyǵýdy oryndaý arqyly týyndy zat esimder týraly alǵan bilimin pysyqtaıdy. 5 - jattyǵý boıynsha berilgen sózderden adam esimderin qurap, olardyń zat esim ekenin anyqtaıdy.
Oı tolǵanys
«Zattyń atyn bildiretin sózder qalaı paıda bolady dep oılaısyń?» degen suraqqa óz oılaryn jazady («Erkin jazý» strategıasy).