InfoHub Logo

Ýkraına prezıdenti Vladımır Zelenskıı kezekti málimdemesinde soǵysty eshqandaı shartsyz toqtatýǵa úndedi. Onyń aıtýynsha, beıbitshilikke jetý úshin tek bir qadam ǵana jetkilikti – Reseıdiń atysty doǵaryp, adam óltirýdi toqtatýy.

Zelenskııdiń sózine sensek, AQSH usynǵan 11 naýryzdaǵy bastama – soǵysty tolyq toqtatý – eń oryndy ári júzege asa alatyn jospar. Ýkraına Pasqa kezinde ornaǵan qysqa tynyshtyqty alǵa tarta otyryp, atysty taǵy 30 kúnge uzartýdy, keıin tipti múldem doǵarýdy usynǵan.

Alaıda, bul usynystar ázirge jaýapsyz qalýda. Tek birjaqty bitimge shaqyrý beıbitshilik ornata ala ma?

Zelenskıı beıbit turǵyndarǵa qarsy shabýyldardy doǵarýǵa da shaqyrdy. Onyń aıtýynsha, beıbit halyqty qorǵaý – barlyǵymyzdyń ortaq paryzymyz. Biraq qazirgi áskerı ahýal mundaı gýmanısik ustanymmen sanasyp jatqan joq.

Prezıdent Ýkraına tarapynan dıalogqa kedergi joq ekenin taǵy da naqtylady. Qandaı kelissóz, qandaı alań bolsa da – Ýkraına oǵan daıyn. Biraq beıbit kelisim úshin ekinshi taraptyń da shynaıy nıeti kerek.

Zelenskııdiń úndeýi halyqaralyq qaýymdastyqqa jasalǵan kezekti shaqyrý. Biraq, saıası sahnada tek izgi nıetpen nátıje jasaý qıyn. Soǵys toqtaı ma, álde málimdemelerdiń artynda taǵy da dıplomatıalyq oıyndar jatyr ma – ony ýaqyt kórsetedi.