Zelenskıı pýtınniń pasqaǵa baılanysty bitim usynysyna jaýap berdi
Ýkraına prezıdenti Vladımır Zelenskıı Reseı prezıdenti Vladımır Pýtınniń Pasqa qurmetine urysty ýaqytsha toqtatý usynysyna jaýap berdi.
– Eger Reseı shyn máninde urysty tolyq toqtatatyn bolsa, biz de oq atpaımyz. Reseı ne istese, biz aına-qatesiz solaı jaýap qaıtaramyz. Toqtasa toqtaımyz, atyssa atysamyz, – dedi Zelenskıı.
Onyń aıtýynsha, buǵan deıin AQSH urysty 30 kúnge toqtatýdy usynǵanda, Ýkraına birden kelisim bergen. Alaıda Reseı bul usynysty 39 kún boıy elemeı kelgen.
– Endi kelip 30 saǵattyq bitim usynyp otyr. Kóremiz, eger shynymen Reseı 30 saǵat oq atpasa, ony Pasqadan keıin de jalǵastyrýǵa bolady dep oılaımyn. 30 saǵattyq bitim – maqalanyń jaqsy taqyryby bolady. Al 30 kúndik bitim – beıbitshilikke baspaldaq bola alady, – dedi Zelenskıı.
You Might Also Like
-
AQSH pen Qytaı arasyndaǵy saýda shıelenisi jańa beleske kóterildi. Aq úıdiń baspasóz hatshysy Kerolaın Lıvıtttiń málimdeýinshe, prezıdent Donald Tramp Qytaıǵa salynǵan baj salyǵyn 104%-ǵa kóterý týral...
-
Ózin-ózi qol jumsaý — qazirgi qoǵamdaǵy eń aýyr jáne kúrdeli psıhologıalyq máseleniń biri.
