InfoHub Logo

Úı tapsyrmalar, sózderdi jattaý jáne uzaq sabaqtar siz úshin qıynǵa soqsa, ýaıymdamańyz - shet tilderdi úırenýdiń kóptegen kóńildi ári qyzyqty joldary bar. Nazarlaryńyzǵa oqý barysyn qyzyqty ótkizýge bolatyn 14 resýrsty usynamyz. Oıyndar, aýdıojazbalar, krosvordtar, qyzyqty toptamalar – óz qalaýyńyz boıynsha tańdańyz.

BBC Learning English

Brıtandyq aǵylshyndy oqyp úırenýge arnalǵan saıt. Oqý baǵyttary óte kóp, mátin jáne sózdikti vıdeolar, transkrıpty aýdıojazbalar. Sózderdiń aıtylýyna jeke bólim arnalǵan. Ártúrli taqyryptardy qamtıtyn 6 mınýttyq qysqa beıne rolıkti - 6 Minute English kýrsy bar.  Ár rolıktiń astynda mátindik nusqasy da kórsetilgen.

 

Livemocha

Shet tilderdi jaqsy kóretinderge arnalǵan áleýmettik jeli. Bilimińizdi shyńdaýǵa kómektesetin seriktesti taýyp, ony nemese basqa paıdalanýshylarǵa qazaq tilin úıretseńiz bolady.  Qarapaıym habarlamalardan bólek naqty ýaqytta  shet eldiktermen tildesýge bolatyn chat, sonymen qatar 27 tilde daıyn sabaqtar men jattyǵýlar bar.

 

Busuu

Busuu-da aǵylshyn tilinde sóıleıtin suhbattasty tapsańyz bolǵany (aǵylshyn tilinen bólek basqa 11 til úırenýge bolady). Sonymen qosa saıtta sózderdi eske saqtaýǵa jáne aıtylýdy úırenýge arnalǵan sabaqtar kóp. Sizdiń oryndaǵan tapsyrmalaryńyzdy aǵylshyn tilin ıelengen adamdar tekseredi.

 

LinguaLeo

Úlkendermen qosa balalarǵa da qyzyqty bolatyn resýrs. LinguaLeo qoldanýshylary beıne,aýdıo jáne mátindik materıaldar jınaqtaryna, ınteraktıvti taqyryptyq kýrstarǵa, ár sóz dybystalatyn jeke sózdikke, daıyndyq jınaqtaryna (tyńdalym, krosvord, sózderdi aýdarý), damý jýrnalyna (tildi úırengendegi naqty jáne múmkin bolatyn damý kórsetilgen) qatynap kire alady.

 

Duolingo

Bul saıt balalarǵa da unaýy múmkin. Kóptegen jazbasha sabaqtar men dıktanttar usynylǵan. Sózdik bóliminde jattalǵan sózderdi mashyqtaýǵa bolady. Bir kýrs ishinde 2000-ǵa jýyq sóz úırene alasyz. Sabaqtardy úırenýlerine qaraı paıdalanýshylar veb-saıttar men basqa da qujattardy aýdarýǵa kómektesedi. Saıttan bólek  iOS pen Android úshin baǵdarlama da bar.

 

ESLPod

Ártúrli taqyryptarǵa arnalǵan podkasttar. Ómirdiń barlyq taqyryptaryn qamtyǵan ázildi aǵylshyn tili. Úıretý ádisiniń nátıjesinde leksıka ońaı úırenilip jattalady.

 

English-polyglot

Saıtta teledıdar arqyly kórsetilgen Dmıtrıı Petrovtyń «Polıglot» baǵdarlamasynyń barlyq sabaqtary jınalǵan. Avtor aǵylshyn tilin 16 saǵat ishinde oqyp úırenýdi usynady. Árıne tildi tolyq úırene almassyń, biraq jıi paıdalanatyn sózder men gramatıka erejelerin jaqsy meńgerip alýǵa bolady.

 

Twominute English

Vıdeo kórýdi unatatyndarǵa arnalǵan resýrs. Beıneler eki mınýttyq emes, 4-5 mınýttyq. Beınelerdi telefonǵa júktep, jumysqa barar jolda kórseńiz bolady. Óte yńǵaıly ári tıimdi.

 

Learn English British Council

Oqýǵa qajet bolǵan materıaldardy taba alasyz: vıdeojazbalar, oıyndar. Sonymen qosa, eń mańyzdysy IELTS emtıhanyna daıyndalýǵa qajetti úlken bólimge kirý múmkindigin alasyz.

 

Lang-8

Teksertý úshin kez-kelgen materıaldy jarıalasańyz bolady, mysaly: shyǵarma, blog úshin jazba nemese úı jumysy. Onyń bárin aǵylshyn tilinde sóıleıtin saıtta tirkelgen adam tekseredi.

 

Engvid

Aǵylshyn tiliniń vıdeo sabaqtary. Paıdalanýshynyń deńgeıine baılanysty (bastaýysh, ozyq t.s.s.) sabaqtar deńgeılerge jáne taqyryptarǵa bólingen: mysaly, emtıhanǵa daıyndalý úshin nemese gramatıkany túsindiretin sabaqtardy kórseńiz bolady.

 

Exam English

IELTS, TOEFL, TOEIC  emtıhandaryna daıyndalý qajet bolǵandar úshin taptyrmas saıt. Testen ótý arqyly  qazirgi ýaqyttaǵy aǵylshyn tilindegi deńgeıińizdi bilseńiz bolady.

 

Loyalbooks

Loyalbooks-ta siz aǵylshyn tilinde 7 myńǵa jýyq tegin aýdıokitaptar taba alasyz. Unaǵan kitapty júktep alyńyzda jumysqa nemese úıge barar jolda tyńdańyz.

 

Learn American English Online

Amerıkalyq aǵylshyn tilin úırenýge arnalǵan tamasha resýrs. Kúrdeliligine baılanysty saıttaǵy sabaqtar 7 deńgeıge bólingen. Ár sabaq birneshe materıaldy qamtıdy: gramatıkalyq erejeler, aýdıojazbalar, tester.

---