InfoHub Logo

بۇل ايگىلى ءفيلمدى كورگەنىڭىزگە كوپ بولدى ما؟ كورگەن بولساڭىز، تاعى ءبىر قايتالاپ كورىڭىز دەيدى كاسىپكەر پول حەننام. ميلليونەر قالپىنان بانكروتقا ۇشىراعان كەزدە ونىڭ اياقتان قايتا تۇرىپ، ءومىر قۇندىلىقتارىنا جاڭا كوزقاراسپەن قاراۋىنا ءدال وسى «سۋىر كۇنى» كومەكتەسكەن ەكەن.  

^{پول حەننام ايەلى لوررەينمەن بىرگە.}

48 جاسىندا پول حەننامعا جۇمىس ىستەۋدىڭ كەرەگى دە بولمادى. بريتان كاسىپكەرى ۋاقىتىنىڭ كوبىن ءوزىنىڭ سانتا-فەدەگى جايلى جەكە جايىنداعى تەننيس كورتىندا نەمەسە تىنىق مۇحيتىنىڭ سەرفينگ جاعالاۋىنداعى ەنسينيتاس قالاسىندا ۇلكەن ۇيىندە وتكىزەتىن. ءبىراق ەڭبەكقور حەننام قول قۋسىرىپ قاراپ وتىرعاندى ۇناتپايتىن. بيلىك پەن بايلىق ونىڭ ءومىرىنىڭ ءمانى بولاتىن.

ونىڭ ۇلىبريتانياداعى كەڭەس بەرۋ بيزنەسىنىڭ جىلدىق اينالىمى 29 ميلليون فۋنت بولاتىن. 2006-جىلى حەننام بۇدان دا ۇلكەن پايداعا كەنەلمەك بولىپ، وتباسىمەن بىرگە اقش-قا كوشىپ كەلدى. وسى ۋاقىتقا دەيىن ول ەكولوگياعا قاتىستى ەكى ستاراپتىڭ تىزگىنىن ۇستاپ جۇرگەن ەدى.

2008-جىلعى داعدارىس حەننامدى دا اينالىپ وتپەدى. ونىڭ اكتيۆتەرىنىڭ قۇنى  40%-عا تومەندەپ كەتتى. سالىمشىلار ونىڭ جوباسىنا قىزىعۋشىلىق تانىتا قويمادى. جىلدار بويى كوڭىل اۋدارماعان وتباسىنىڭ دا ويرانى شىقتى.

2009-جىلى حەننام بانكروتقا ۇشىراپ، كۇيزەلىس ۇستىندە ءجۇردى. ەسكى جارانىڭ ورنىن ەمدەۋ ءۇشىن ول بريتانياعا قايتا ورالدى. بۇلاي جۇرە بەرۋگە بولمايتىن ەدى.

«مەن ءومىرىمنىڭ ءوز دارەجەمە، ىقپالىما لايىق بولعانىن قالاپ ەدىم. ءبىراق بۇل ماعان باقىت اكەلمەدى،  – دەيدى حەننام. – بىرنارسەنى وزگەرتۋىم كەرەك بولدى.»

ەگەر ومىرىڭىزگە وزگەرىس كەلمەسە، وندا ءوزىڭىز وزگەرە الاسىز. بۇل ءسىزدى باقىتتى ومىرگە قايتىپ اكەلەدى.

سەگىز جىل وتكەننەن كەيىن ول بۇرىنعىدان دا باقىتتى، سالاۋاتتى ءومىر سالتىن ۇستانعان باقۋاتتى ادامعا اينالدى.

ونىڭ ءقازىر جاڭا كاسىبى بار – «ەموسيالىق ينتەللەكت» ترەنينگى. باتىس سۋسسەكستە ەسكى قويمادان جاسالعان ۇياداي جايلى ۇيىندە تۇرىپ جاتىر. ەكىنشى ايەلى لوررەيندى «جاقىن تۋىسىم» دەپ اتايدى.

وسىنداي وزگەرىستىڭ سەبەبى نە بولدى ەكەن؟

پول ءۇشىن بەتبۇرىس كەزەڭى جالعىز قالعان سەنبىنىڭ ءبىر كەشىندە امەريكانىڭ «سۋىر كۇنى» دەگەن كلاسسيكالىق كومەدياسىن كورگەن كەزدەن باستالدى. ارينە، ول بۇل ءفيلمدى بۇرىن دا، 1993-جىلى العاش شىققان كەزىن-اق كورگەن بولاتىن. ءتىپتى، كينوتەاتردا قالاي كۇلگەنى دە ەسىندە. ءبىراق، ومىرىنە ۇلكەن وزگەرىس ەنگەن كەزدە ول بۇل ءفيلمنىڭ تەرەڭ ماعىناسىن ءتۇسىندى.  «بۇل ءفيلمنىڭ كينەماتوگرافياداعى ەڭ جارقىن رۋحاني تاجىريبەنىڭ ءبىرى بولىپ ەسەپتەلۋى بەكەر ەمەس، – دەپ تۇسىندىرەدى حەننام. – مەن مۇنى جەكە وزگەرىستىڭ، ءومىردىڭ ءمانى ءۇشىن كۇرەسۋ ءادىسىنىڭ جانە ءوزىڭدى العا سۇيرەۋدىڭ ۇلگىسى رەتىندە قابىلدادىم».

^{«سۋىر كۇنى» باس كەيىپكەرى ءۇشىن ۇنەمى ءبىر كۇن – 2-اقپان - قايتا-قايتا قايتالانا بەرەدى.}

«سۋىر كۇنىن» كورمەگەندەر ءۇشىن – بۇل فيل كوننورس (ونى بيلل ميۋررەي وينايدى) ەسىمدى مازاسىز، ارسىز سينوپتيك، شاعىن ارنانىڭ قىزمەتكەرى تۋرالى وقيعا. ول كىشكەنتاي قالاشىققا كەلىپ، جىل سايىن اۋا-رايىن «بولجايتىن» سۋىرلار تۋرالى سيۋجەت ءتۇسىرۋى كەرەك بولاتىن. ءبىراق، نەگە ەكەنى بەلگىسىز فيل ءۇشىن ۇنەمى ءبىر كۇن – 2-اقپان - قايتا-قايتا قايتالانا بەرەدى. اقىرى ول جاعداي وزگەرمەسە، دەمەك ءوزى وزگەرۋ كەرەك ەكەنىن تۇسىنەدى. ال ونىڭ سوڭى ۇلكەن ساتتىلىكپەن اياقتالادى.

حەننەم ءوزىن تۋرا فيل كوننورس سياقتى ماعىناسىز ءومىردىڭ قاقپانىندا جۇرگەنىن سەزىنگەنىن مويىندايدى. جانە ءدال سول سياقتى ءومىر بويى باسشىلىققا الىپ كەلگەن، ادامدى قۇردىمعا كەتىرەتىن جاتتاندى ادەتتەردەن ارىلادى.

ونىڭ « «سۋىر كۇننىڭ» دانالىعى» كىتابىندا پايداكۇنەم كاسىپكەردەن الەممەن جانە وزىمەن ۇيلەسىم تاپقان ادامعا قالاي اينالعانى تۋرالى جازىلعان. ەگەر ءبىز كۇن سايىن از-ازداپ جاقسى جاققا وزگەرىپ وتىرساق، وندا ءوز ويىمىزدى، ادەتتەرىمىزدى جانە قارىم-قاتىناسىمىزدى جاقسارتا الامىز. «ماعان بۇرىنعى ءومىرىم كەرەمەت كورىنەتىن، – دەيدى حەننام. – ءبىراق جان دۇنيەم بوس بولاتىن، ءوزىمدى قۇمنان جاسالعانداي سەزىنەتىنمىن. مەن تەك بوس قيالمەن ءومىر ءسۇردىم. كەيىن ول قۇمدى تولقىن شايىپ كەتتى.»

بۇل ءادىس كۇندەلىكتى ومىردەن الىستاپ كەتپەستەن، ءوزىڭدى-وزىڭ تانۋعا؛ اينالاداعى شىندىقتى بەلسەندىرەك تانۋعا ۇقساس نارسە. حەننام ءۇشىن مەديتاسيا جاساپ، ءوز ورتاسىنداعى وقيعالاردان جىراقتاپ قالۋ قيىن بولدى. ول اينالسىندا بولىپ جاتقان وقيعالاردى دۇرىس ءتۇسىنىپ، جامان ادەتتەردەن ارىلۋعا تىرىستى. 

مەن ءوزىمدى قاقپاندا قالعانداي سەزىندىم. بۇدان شىعار جالعىز جول – ءۇيىمدى اۋىستىرىپ، جاڭا كاسىپ باستاۋ كەرەك دەپ ويلادىم. ءبىراق مەن تەك بۇرىنعى قيىندىقتارىمدى جاڭا سەنرييگە اۋىستىرعان ەكەنمىن.  

زەرتتەۋلەرگە سۇيەنسەك، 90% وي مەن 40% ارەكەت كۇندەلىكتى قايتالانىپ وتىرادى ەكەن. بۇل ويسىز ادەتتەردىڭ سالدارى. ءبىز ولاردان مۇلدەم ارىلا المايمىز. ءبىراق، جاڭا، نەعۇرلىم ءتيىمدى كۇندەلىكتى ادەتتەردى قالىپتاستىرا الامىز.

ومىرگە دەگەن نارازىلىعىن حەننام ءوز بالالىعىنان كورەدى. ول سۋررەيادا وسكەن. وكتەم اكە مەن مازاسىز اناسىنىڭ جالعىز ۇلدارى بولىپ، ولاردىڭ كوڭىلدەرىنەن شىعۋعا تىرىستى. رەدينگ ۋنيۆەرسيتەتىندەگى تاريح جانە حالىقارالىق ساياسات ءبولىمىن اياقتاعان سوڭ، كومپيۋتەرلىك سەرپىلىسپەن اقشا تاپپاق بولىپ وكسفوردتاعى ماگيستراتۋرادان باس تارتتى. ءبىراق، ءبىلىم جولىنداعى مانسابىنان باس تارتقانىنا وكىنەدى. 2001-جىلى تابىستى كاسىپكەر رەتىندە ول وكسفوردتا كاسىپكەرلىك قىزمەت نەگىزدەرى بويىنشا ساباق بەرە باستادى.

ءبىراق، وعان ءبارىبىر بىرنارسە جەتپەي تۇرعانداي بولدى. سول ءۇشىن ول كاليفورنياعا كوشىپ باردى. حەننامنىڭ وتباسى 11-رەت مەكەن اۋىستىرعان ەدى. «مەن ءوزىمدى قاقپاندا قالعانداي سەزىندىم. بۇدان شىعار جالعىز جول – ءۇيىمدى اۋىستىرىپ، جاڭا كاسىپ باستاۋ كەرەك دەپ ويلادىم. ءبىراق مەن تەك بۇرىنعى قيىندىقتارىمدى جاڭا سەنرييگە اۋىستىرعان ەكەنمىن.»  

حەننام وتكەن ومىرىنە كوز سالا بەرمەي، بولاشاعىن كوبىرەك ويلاي باستاعان ساتتەن باستاپ ءومىر قىزىققا تولى بولىپ كورىنە باستادى. 56 جاسىندا ول كۇن سايىن جاقسى ادەتتەردى قايتالاپ وتىردى. مىسالى، اينالاداعى جاندارعا نازار اۋدارۋعا تىرىسادى، تاڭعى كوفەنىڭ ءدامىن سەزىنۋ ءۇشىن ادەمى اۋەنگە قۇلاق تۇرەدى.

«كاليفورنياعا كوشىپ كەلگەندە انگليانىڭ قولايسىز اۋا-رايىنان قاشقانداي بولىپ ەدىم. ءبىراق ءقازىر جاڭبىر استىندا سەرۋەندەۋدىڭ دە ءوز كەرەمەتى بار ەكەنىن ءتۇسىندىم،  – دەيدى حەننام.  – مەن ءتىپتى ىدىس جۋعىش ماشينانىڭ قاقپاعىن اشقان كەزدەگى بۋدىڭ بەتىمدى شارپىعانىنا ءلاززات الامىن.»

ول كۇنىنە ەكى رەت ءۇيىنىڭ جانىنداعى اۋىلعا بارىپ، سەرۋەندەپ كەلەدى. جۇرەتىن جول وزگەرمەيدى، ءبىراق دىبىستار مەن سۇلۋ تابيعات اركۇنى ءارتۇرلى. «بۇل مەنىڭ بىرنەشە ءىستى بىرمەزەتتە ىستەپ تاستاۋعا دەگەن قۇلشىنىسىمدى باسادى، الاساپىران ويىمدى تىنىشتاندىرادى».

حەننەم ءالى دە ىنتالى، ونىڭ كاسىپكە دەگەن قۇشتارلىعى باسىلعان ەمەس. ءقازىر ول وليمپيادا سپروتشىلارىمەن بىرگە تۇلعالىق وسۋگە ارنالعان سمارتفونعا لايىق قوسىمشىلار جاساۋ ۇستىندە. ءبىراق ونىڭ قاعيداسى وزگەردى: «مەن تەك ءوز باسىڭنىڭ پايداسىن ويلاۋ تىعىرىققا تىرەيتىنىن ءتۇسىندىم.»

سىرتتا سۇيەكتەن وتەتىن سۋىق بولا ما، مەيلى، ءبىز سىرتقى جاعدايعا قاراماستان كۇنىمىزدى ءوزىمىز-اق كەرەمەت ەتە الامىز.

ول ءۇشىن ەڭ باستىسى – وتباسى. ول دەمەنسيامەن اۋىراتىن 92-جاسار قارت اناسى مەن بالالارىنىڭ باقىتىن ءبىرىنشى ورىنعا قويادى. ونىڭ بەس بالاسى بار، ەكەۋى تۋعان بالالارى بولسا، ۇشەۋىن اسىراپ العان. ەڭ كىشىسى سوفيا 15 جاستا. حەننەم ولاردى بارىنشا ەركىن ۇستاۋعا تىرىسادى. جانە مۇنداي قادامنىڭ جاقسى جاعىنا كوزى جەتكىزىپ تە ءجۇر.  

جانە جاقسى وتاعاسىنا اينالدى. ەگەر ءبىرىنشى ايەلىمەن قارىم-قاتىناسىن تۇزەۋ ءۇشىن ەشنارسە ىستەمەسە، لوررەينمەن اشىق، ادال قارىم-قاتىناس جاسايدى. مۇنداي نەكە بەرىك بولادى. ويتكەنى ارالارىندا ماحاببات تا، ءوزارا قولداۋ دا كوپ دەپ ەسەپتەيدى حەننام. ال سۋىر كۇنى حەننامنىڭ تۋىستارى مەن دوستارى كەشكى اسقا جينالىپ، سۇيىكتى فيلمدەرىن تاعى دا تاماشالايدى. «بۇل وقيعا بىزگە ومىردەن ءبارىن قالاي الۋ كەرەگىن كورسەتەدى،  – دەپ جازادى ول ءوز كىتابىندا. – سىرتتا سۇيەكتەن وتەتىن سۋىق بولا ما، مەيلى، ءبىز سىرتقى جاعدايعا قاراماستان كۇنىمىزدى ءوزىمىز-اق كەرەمەت ەتە الامىز».

ءسىز دە «سۋىر كۇنىندە» بوگەلىپ قالدىڭىز با؟ وندا وزگەرىس جاسايتىن ۋاقىتتىڭ كەلگەنىن بىلدىرەتىن التى بەلگى:

1. ءسىز ءوزىڭىزدى قاقپاندا قالعانداي سەزىنەسىز، ويتكەنى ءومىر توقتاپ قالدى، العا جىلجيتىن ءتۇرى جوق.

2. ۇنەمى دەجاۆيۋ جاعدايىندا جۇرگەندەيسىز.

3. وتكەنىڭىزدى ويلاساڭىز، تەك كوڭىلسىز جاعدايلار ەسكە تۇسەدى.

4. اۆتوپيلوتتا جۇرگەندەي سەزىنەسىز.

5. ءومىردىڭ ءمانى جوق سياقتى. ءبىراق ونى وزگەرتۋگە دارمەنسىزسىز.

6. مازاسىز، كوڭىلسىز كۇيگە ءتۇستىڭىز. ءومىر ءوتىپ جاتىر، ال ءسىز بار قىزىقتان قۇر قالعانداي سەزىنەسىز. ءبىراق، قولعا العان جاڭا باستامانىڭ ءبارى كوڭىل-كۇيىڭىزدى ودان ءارى ءتۇسىرىپ جىبەرەدى.

دەرەككوز: Telegraph.

---