3،5 مىڭعا جۋىق تالاپكەر گرانت يەگەرلەرى اتاندى
3،5 مىڭعا جۋىق تالاپكەر قازاقستاندىق جوعارى وقۋ ورىندارىندا وقۋ ءۇشىن ارنالعان گرانتتاردىڭ يەگەرى اتاندى.
مەملەكەتتىك ءبىلىم گرانتتارى وسى جىلدىڭ جازىندا كونكۋرسقا قاتىسقان تالاپكەرلەر اراسىندا بولىنگەن.
وقۋعا تۇسكەندەر «پەداگوگيكالىق عىلىمدار»، «اقپاراتتىق-كوممۋنيكاسيالىق تەحنولوگيالار»، «ينجەنەرلىك، وڭدەۋ جانە قۇرىلىس س الالارى»، «اۋىل شارۋاشىلىعى جانە بيورەسۋرستار» باعىتتارى بويىنشا ءبىلىم الاتىن بولادى.
«رانجيرلەۋ جازعى ۇبت-دا جيناعان بالدارعا سايكەس جۇرگىزىلدى، ياعني گرانتتار ۇبت سەرتيفيكاتتارىنىڭ ناتيجەلەرى بويىنشا كونكۋرستىق نەگىزدە بەرىلدى. پروسەدۋرا تولىعىمەن اۆتوماتتاندىرىلعانىن اتاپ وتكەن ءجون. ەندى ەكىنشى سەمەستردەن باستاپ گرانت يەگەرلەرى جوعارى وقۋ ورىندارىندا تەگىن وقي الادى. بۇل رەتتە ولارعا ەشقانداي قۇجاتتاردى تاپسىرۋدىڭ قاجەتى جوق، ويتكەنى ولار بارلىق قاجەتتى قۇجاتتاردى جازدا تاپسىرعان»، – دەپ اتاپ ءوتتى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.
گرانت يەگەرلەرى گرانت تۋرالى كۋالىكتى ۇلتتىق تەستىلەۋ ورتالىعىنىڭ سايتىنان جسن جانە اكت ەنگىزۋ ارقىلى جۇكتەي الادى.
You Might Also Like
-
...تەرەزە سىرتىندا — الابۇرتقان كوكتەم. بىردە سىبىلىقتاپ، بىردە سىرعاقتاتىپ، ەندى بىردە ساي-سۇيەگىڭدى سىزداتارداي ەگىلىپ قويا بەرەتىن ءساۋىردىڭ بۇلتى. جۇمادا جاۋسا، جۇماعا اۋماي قويماۋ الماتى ج...
-
قاس-كىرپىگىنە دەيىن قىراۋ شالسا دا باياعى ءبىر جيىرما بەسىن ۇمىتپاي، كارىلىگىن دە جۇرتقا مىندەت قىپ، جوتەلىن دە جوپشەڭكىگە قيمايتىن تاكاپپار شالداي شارت جۇگىنگەن اقبۇلاقتىڭ كوكشاعىر بيىگى قاق توردە ق...
