7 مامىر وتان قورعاۋشىلار كۇنىنە ارنالعان قۇتتىقتاۋ، تىلەكتەر
قۇرمەتتى، جىگىتتەر، ارىپتەستەر! 7 مامىر — قازاقستان قارۋلى كۇشتەرى كۇنى. جىگىتتەرىمىزگە اماندىق، دەنساۋلىق تىلەيمىز. ەڭسەلەرىڭىز بيىك، مەرەيلەرىڭىز ۇستەم بولسىن. وتانعا ادال، ەلگە قايىرىمدى، وتباسىنا مەيىرىمدى بولىڭىزدار. جۇرەكتەرىڭىز وتتاي لاۋلاپ، جاندارىڭىز ءاردايىم جاس بولسىن. قايراتتى، ماقساتتى بولىڭىزدار. ەڭبەكتە تابىس، تىلەيمىز. تاۋسىلمايتىن داۋلەت، ارىلمايتىن باقىت تىلەيمىز. شاڭىراقتارىڭىز بيىك، كەرەگەلەرىڭىز بەرىك بولسىن. ءاردايىم نازىك جاندارعا تىرەك بولىپ، الاقانداعى گۇلدەرىڭىزدى ايالاپ جۇرىڭىزدەر. بيىك شىڭداردان كورىنىڭىزدەر! ومىرلىك سەرىكتەرىڭىزدىڭ سەزىمى وزدەرىڭىزگە بۇلاقتاي تازا، سۇتتەي اق، پەرىشتەدەي پاك بولسىن. بايان باتىرداي باتىل، قوزى كورپەشتەي كورىكتى، تولەگەندەي سۇيىكتى بولىڭىزدار. رايىمبەكتىڭ باتىرلىعىن، قابانبايدىڭ باتىلدىعىن، قاراسايدىڭ وتكىرلىگىن تىلەيمىن.
*** *** *** ***
ەل حالقىنا شات-شادىمان كۇلكى مەن تىنىش ءومىر سىيلاۋدا اسكەرىمىزدىڭ اتقارىپ جاتقان قىزمەتتەرى ۇشان-تەڭىز. ارميامىزدىڭ ايبىنىن اسقاقتاتاتىن ساردارلار مەن ساربازدارىمىزعا قانداي قۇرمەت كورسەتسەك تە جاراسادى. سىزدەردى بۇگىنگى مەرەكەلەرىڭىزبەن قۇتتىقتاي وتىرىپ، زور دەنساۋلىق، قاجىماس قايرات، جانۇيالارىڭىزعا باقىت پەن شاتتىق تىلەيمىز!
*** *** *** ***
سىزدەردى 7 مامىر — وتان قورعاۋشىلار كۇنى مەرەكەسىمەن شىن جۇرەكتەن قۇتتىقتايمىز!
اعا ۇرپاق پەن جاس بۋىننىڭ وتانىمىزدى قورعاپ، قىزمەتتە ايتۋلى ۇلەس قوسقانىن ءبىز ءارقاشاندا ماقتان تۇتامىز.
ەلىمىزدىڭ وركەندەۋى جولىندا اتقارىپ جاتقان يگى قىزمەتتەرىڭىزگە تابىس، وتباسىلارىڭىزعا اماندىق، دەندەرىڭىزگە ساۋلىق، مول باقىت جانە بەيبىت عۇمىر تىلەيمىز.
*** *** *** ***
ءبىزدىڭ تاۋەلسىزدىگىمىز بەن تۇتاستىعىمىزدى، تىنىشتىعىمىز بەن بەيبىت تىرلىگىمىزدى قاس قاقپاي كۇزەتىپ تۇرعان، حالقىمىزعا قورعان بولعان ۇلتتىق اسكەرىمىزدىڭ ايبىنى ارتا بەرسىن!
*** *** *** ***
حالقىمىزدا «ەر — ەلىنىڭ قورعانى» دەگەن اتالى ءسوز بار. ءبىز وسىنداي جانداردىڭ ەرجۇرەك ىستەرىنە ساي سىي-قۇرمەت كورسەتە وتىرىپ، ولاردان ونەگە الىپ وسەتىن جاس ۇرپاق وتانىنا ادال قىزمەت ەتەدى دەپ سەنەمىز. مەرەيلى مەرەكەمەن قۇتتىقتاي وتىرىپ، بارشاڭىزعا مىقتى دەنساۋلىق، زور تابىستار تىلەيمىز.
*** *** *** ***
ءار سۇيەم جەر ءۇشىن، اتا-بابا قونىسىن جاۋدان كوزدىڭ قاراشىعىنداي قورعاپ جۇرگەن ەڭسەگەي بويلى ەرلەردى، جاۋجۇرەك، قايسار مىنەزدى ساردارلارىمىز بەن ساربازدارىمىزدى بۇگىنگى مەرەكەلەرىمەن قۇتتىقتاپ، زور دەنساۋلىق، قاجىماس قايرات، جانۇيالارىڭىزعا باياندى باقىت تىلەيمىز!
*** *** *** ***
بار ءومىرىن اسكەري ىسكە ارناپ، كۇن-تۇن قاتىپ، ەلىن، جەرىن قورعاپ، ءوز قىزمەتىن ءمىنسىز اتقارىپ كەلە جاتقان جاۋىنگەرلەرىمىزگە العىسىمىزدى بىلدىرەمىز. ەڭبەكتەرىڭىز جەمىستى بولسىن! ءارقاشاندا اسپانىمىز اشىق بولىپ، ەلىمىزدىڭ تىنىشتىعى بۇزىلماسىن.
*** *** *** ***
ەرتەدە جاۋگەرشىلىك ءجيى بولاتىن كەزدە، قازاقتىڭ ەكى جاۋىنگەرى ءتوس قاعىسىپ دوس بولادى. ەكى دوستىڭ بىرەۋى تۇتقيىلدان تيگەن جاۋ قولىنا تۇسەدى. دوسىنىڭ قولعا ءتۇسىپ قالعانىڭ ەستىگەن ەكىنشى باتىر كۇزدىڭ قارا سۋىعىن ەلەمەستەن، وزەندى مالتىپ ءوتىپ، جاۋ جاتقان جاعاعا كەلەدى.
— مەن قولدارىڭا تۇسكەن ءبىر جاۋىنگەرگە قۇن تولەپ، ساتىپ الۋعا كەلدىم. مەنىڭ وعان ايىرباسقا بەرەر مالىم، مۇلكىم جوق. ءبىر-اق نارسە بەرەمىن. ول — ءوزىمنىڭ ءومىرىم. دوسىمدى بوساتىڭدار، — دەيدى.
قولباسى ويلانىپ وتىرىپ، ونى سىناماق بولادى:
— جارايدى، مەن سەنى قىرشىنىڭنان قيماي-اق قويايىن. ماعان سول ءومىرىڭنىڭ ءبىر بولشەگىن بەرسەڭ بولدى — ماعان ەكى كوزدەرىڭ كەرەك، — دەيدى قولباسى، — ەكى كوزىڭدى ويىپ الامىن!
— ول دا بولسىن، كوزىمدى تەزىرەك ال دا، دوسىمدى بوسات، — دەيدى جىگىت.
ءسويتىپ، الگى جاۋىنگەر تۇتقىننان بوساعان دوسىنىڭ يىعىنا قولىن ارتىپ، زاعيپ كۇيى قۋانىپ، كۇلىمدەپ كەلە جاتادى. مۇنى كورگەن جاۋدىڭ قولباسشىسى:
— مىناداي ەرلەرى بار حالىقتى تۇتقيىلدان كەلىپ باس سالماسا، بەتپە-بەت ۇرىستا جەڭۋ قيىنعا سوعادى ەكەن، — دەپ ءتۇيىپتى.
مەن دە سىزگە وسىنداي جانىن ايامايتىن، جولداسىن جاۋعا تاستامايتىن قازاقتىڭ جاۋىنگەرلەرىنىڭ دوستىعىن تىلەيمىن.
*** *** *** ***
قارۋلى كۇشتەر جاۋىنگەرلەرى مەن ارداگەرلەرى!
سىزدەردى وتان قورعاۋشىلار كۇنى — جالپىحالىقتىق مەرەكەمەن، جىگەرلى ادامدار جانە ەرىك كۇشى يەلەرى كۇنىمەن قۇتتىقتايمىن!
بۇل كۇنى ءبىز قارۋلى كۇشتەر قاتارىندا قىزمەت ەتكەندەر مەن ساپتا جۇرگەندەرگە قۇرمەت كورسەتەمىز. مەملەكەتتىڭ، قوعامنىڭ جانە ءاربىر قازاقستاندىقتىڭ قاۋىپسىزدىگىن قورعاۋشىلار مەن ءوز ەلىنە شەكسىز بەرىلگەندەر دە سونداي ءىلتيپاتقا يە.
بۇل — ەرەكشە مەرەكە، ءبىز بۇل كۇنى ۇلى وتان سوعىسى ارداگەرلەرى، ەرلىك پەن باتىلدىقتىڭ ولشەۋسىز ۇلگىسىن كورسەتكەن بارلىق جەرلەستەرىمىز، اۋعانستاننىڭ وتتى جولدارىمەن وتكەن ەرجۇرەك جاۋىنگەرلەر الدىندا تاعزىم ەتەمىز.
ۋاقىت الماسادى، ۇرپاقتار وزگەرەدى، ءبىراق وتانعا سۇيىسپەنشىلىك، قاجىرلىلىق، ەرلىك، جاۋىنگەرلىك رۋحىمىز وزگەرىسسىز قالادى. اقتوبەلىكتەر بۇگىنگى كۇنى دە ءوز وتانىمىزدىڭ قورعانىستىق قابىلەتىن نىعايتۋعا، قازاقستان حالقىنىڭ يگىلىگى مەن بەيبىتشىلىكتى قورعاۋعا لايىقتى ۇلەسىن قوسۋدا.
وتان قورعاۋشىلار كۇنى ءوزىنىڭ باستاپقى كاسىبي بەلگىلەنىمىنەن الدەقاشان بيىك دارەجەگە كوتەرىلىپ، وتاندى قادىرلەيتىن، ونىڭ تاريحىن قۇرمەتتەيتىن، ەرلىك پەن جاۋىنگەرلىك كۇشكە يە ناعىز ەرلەردىڭ مەرەكەسىنە اينالدى.
ناق وسى كۇن وتانعا سۇيىسپەنشىلىك ىسپەتتى ادامي قۇندىلىقتاردىڭ تۇراقتىلىعى جانە ولشەۋسىزدىگى، ونىڭ مۇددەلەرىن قورعاۋعا ازىرلىك، پاتريوتيزم مەن ەرلىكتىڭ بارلىق كورىنىستەرى تۋرالى ايعاقتايدى.
قىمباتتى جەرلەستەر!
بۇگىنگى ەرەكشە كۇنى سىزدەرگە شىن جۇرەكتەن باقىت پەن تاتۋلىق، ءاربىر وتباسىنا ىزگىلىكتەر مەن يگىلىكتەر تىلەيمىن. ارداگەرلەرىمىزدىڭ دەنى ساۋ بولىپ، سولداتتار مەن وفيسەرلەرىمىز تابىستى قىزمەت ەتە بەرسىن. ەرجۇرەك جانە جىگەرلى ادامداردىڭ بۇل مەرەكەسى ءاردايىم قۋانىش پەن بەيبىت كۇن اكەلە بەرسىن!
*** *** *** ***
You Might Also Like
-
قازاقستان مەنىڭ ەلىم، وتانىم دەيتىن ءاربىر ۇلت وكىلى حالىقتار دوستىعىنىڭ كەپىلىنە اينالدى. ۇلتارالىق كەلىسىمدى ساقتاپ، تىنىشتىق پەن تاتۋلىقتا، ءبىر ماقسات-مۇددە، ەلدىكتى ورنىقتىرۋ جولىندا ءومىر س...
-
القاراكوك اسپاننىڭ اياسىنا قونىس تەپكەن قاراكوز اۋىلىنىڭ قيىر بەتىندەگى قالىڭ اعاشتى باقتىڭ ىشىنە بەس-التى بالا الگىندە عانا جينالعان ەدى. ءتۇس قايتا تابىن الدىنان شىعاتىن ادەتىمەن ولار بۇل جەرگە باس...
