9 مامىر جەڭىس كۇنىنە ارنالعان قۇتتىقتاۋ، تىلەكتەر
سىزدەردى 9-مامىر – ۇلى جەڭىس كۇنىمەن شىن جۇرەكتەن قۇتتىقتايمىن!
بۇل مەرەكە – جانقيار ەرلىكتىڭ، ەڭسەلى ەلدىكتىڭ رۋحى ورلەپ، جەڭىس جالاۋى جەلبىرەگەن كۇن. بۇگىنگى تاۋەلسىزدىك تۇعىرىنىڭ بەرىك، ەڭسەمىزدىڭ بيىك بولۋى دا، ەلىمىزدىڭ وركەندەۋى مەن ەلوردامىزدىڭ گۇلدەنۋى دە – وسىناۋ مەرەكەنىڭ جەمىسى.
بۇگىنگى ۇرپاق اعا بۋىن-ارداگەرلەر تانىتقان قاھارماندىق پەن قايسارلىقتان ۇلگى الىپ، بوي تۇزەيدى. وسىناۋ ەرلىككە تولى كۇن تاريحىمىزدىڭ ماڭگىلىك ۇمىتىلماس پاراعى بولىپ قالا بەرمەك.
بارشاڭىزدىڭ دەندەرىڭىزگە ساۋلىق، شاڭىراقتارىڭىزعا شاتتىق، ب ا ق پەن بەرەكە تىلەيمىن!
*** *** *** ***
9 مامىر – جەڭىس كۇنى – ەڭ قىمباتتى، قۋانىشتى دا قايعىلى، مارتەبەلى مەيرام، حالقىمىزدىڭ ەرلىگى مەن داڭقىنىڭ جارقىن كورىنىسى بولىپ تابىلادى.
1945 جىلدىڭ 9 مامىرى... جىلدان-جىلعا الىستاپ بارا جاتقان مەرزىم. دەي تۇرعانمەن، ۇلى جەڭىستىڭ انىق باعاسى مەن ماڭىزى ءبىزدىڭ جادىمىزدا ماڭگى ورىن العان دەۋگە بولادى. ۇلى جەڭىس تويى – بۇرىنعى كەڭەستىك حالىقتاردىڭ ورتاق، باستى مەرەكەلەرىنىڭ ءبىرى.
جىل سايىن ماڭگىلىك الاۋى جانىنا وتان قورعاۋشىلارىن، باتىرلاردى ەسكە الىپ، گۇل شوقتارىمەن راحمەتىن ايتا كەلگەندەر جينالادى. بىزدەر دە ءقادىرلى ارداگەرلەرگە بەيبىت ءومىرىمىز بەن باقىتتى بولاشاعىمىز ءۇشىن العىسىمىزدى بىلدىرەمىز!
*** *** *** ***
ءقادىرلى سوعىس ارداگەرلەرى، تىل ەڭبەككەرلەرى!
قاسيەتتى دە ۇلى مەرەكە قارساڭىندا سىزدەردى جەڭىس كۇنىمەن شىن جۇرەكتەن قۇتتىقتايمىن!
1945 جىلدىڭ 9 مامىرى جۇرتشىلىق جادىندا ءبىزدىڭ حالقىمىزدىڭ ەرلىك ۇلگىسى، مۇقالماس قاجىرلىعى مەن مىزعىماستىعىنىڭ سيمۆولى بولىپ كەلەدى.
وتان قورعاۋشىلار جاساعان ەرلىكتەر ماڭگىلىك جانە ۋاقىت اعىسىمەن جوعالىپ كەتپەيدى. سول ءبىر قاھارلى سوعىس جىلدارى الىستاعان سايىن ونىڭ ماڭىزىن ءبىز ەرەكشە ۇعىنا تۇسۋدەمىز. سوندىقتان دا حالىق ۇزاق كۇتكەن ۇلى جەڭىستى جاقىنداتۋدا مايداندا دا، تىلدا دا جانقيارلىقپەن كۇرەسكە تۇسكەندەردىڭ بارلىعى ايرىقشا قۇرمەتكە يە، قازا تاپقانداردىڭ رۋحىنا تاعزىم ەتەمىز.
اعا ۇرپاق الىپ بەرگەن جەڭىس بۇگىنگى كۇنى دە ءبىزدى جەتىستىكتەرگە جىگەرلەندىرەدى، جانىمىزعا قۋات بەرەدى، قيىندىقتاردى جەڭىپ، العا ۇمتىلۋىمىزعا كومەكتەسەدى.
قىمباتتى ارداگەرلەر!
سىزدەرگە شىن كوڭىلدەن دەنساۋلىق، تىرشىلىكتىڭ ۇزاق تا جارقىن، الاڭسىز كۇندەرىن، جان شۋاعىن، جاقىن ادامدارىڭىزدىڭ قامقورلىعى مەن ىقىلاسىن تىلەيمىن.
سىزدەرگە جانە وتباسىلارىڭىزعا ىزگىلىكتەر مەن يگىلىكتەر تىلەيمىن! تابىستار مەن ساتتىلىكتەر مول بولسىن!
*** *** *** ***
You Might Also Like
-
بيىل پيلوتتىق نەگىزدە ۇلتتىق ءبىرىڭعاي تەستىلەۋ اۋديتوريالارىنان ونلاين-ترانسلياسيا جۇرگىزىلەتىن بولادى. بۇل تۋرالى «ANTIKOR» ورتالىعى الاڭىندا وتكەن ونلاين-ديالوگ بارىسىندا ق ر ءبىلىم جانە...
-
ادام بالاسى ساياحاتتاعاندا، رۋحاني بايىپ، ۇمىتىلاس، ءسوزسىز اسەرلەر الادى. بالكىم، جان دۇنيەڭە اۋاداي قاجەت جولساپاردىڭ، جاقىن ادامداردىڭ سەنىڭ ومىرىڭدە وزگەرتۋگە ءوز ىقپالىن تيگىزەرى، سەنى جاڭاشىلدىق...
