InfoHub Logo

ءسىز ەگەر ءومىرىڭىزدى جاقسى جاققا قاراي وزگەرتۋدى ويلاساڭىز كۇن سايىن تومەندە ايتىلاتىن كەمىندە 7 ارەكەتتى جاساۋدى دوعارىڭىز.

ومىرىڭىزگە قاناعاتتانۋ دەڭگەيىن ارتتىرۋ جانە ءوزىڭىزدىڭ ەڭبەك ونىمدىلىگىڭىزدى جوعارىلاتۋ، قارجىلىق، الەۋمەتتىك جاعدايىڭىزدى جاقسارتۋ ءۇشىن ورىنداۋدى تالاپ ەتەتىن مىندەتتەر ءتىزىمىن جاساۋ ءادىسى ءىشىنارا ءوزىنىڭ وڭ ناتيجەسىن بەرمەك.

بۇل ءادىس ازداپ قيسىنسىزداۋ كورىنگەنمەن، ونىڭ ۇتىمدى تۇستارى ارەكەت ەتۋ بارىسىندا انىق ايقىندالادى. سوندىقتان دا ءبىز ءومىر ءسۇرۋ ساپاسىن ارتىرۋ ءۇشىن كۇن سايىن مىناداي 7 ارەكەتتى جاساۋدى دوعارۋدى ۇسىنامىز.

1. وزگەنىڭ ومىرىمەن تىرشىلىك ەتۋ

دوكتور حاۋس ءسىزسىز ءومىر سۇرە الادى. ەشكىم-ەشكىمدى قاجەت ەتپەيدى. بەلگىلى ساياساتكەرلەر مەن شوۋ-بيزنەس وكىلدەرىنىڭ ءومىرى ءسىزدىڭ جەكە ومىرىڭىزبەن سالىستىرعاندا تۇككە تۇرعىسىز. شىندىعىندا ءسىزدىڭ جان جولداسىڭىز، دوستارىڭىز، بالالارىڭىز، ءاپا-سىڭىلىڭىز بەن باۋىرلارىڭىز، تۋىس-تۋعاندارىڭىز، ىسكەر ارىپتەستەرىڭىز، قىزمەتكەرلەرىڭىز جانە كليەنتتەرىڭىزدىڭ ءومىرى ماڭىزدى. سوندىقتان دا ولارعا جەتكىلىكتى دەڭگەيدە كوڭىل اۋدارىڭىز. ويتكەنى ولار سوعان لايىقتى.

تانىس ەمەس ادامدارمەن بارىنشا سىپايى بولىڭىز. ءبىراق بارىمەن بىردەي دوس بولۋعا تىرىسپاڭىز. ءوزىڭىز ءۇشىن ماڭىزدى ادامدارمەن قارىم-قاتىناستاردى رەتكە كەلتىرىپ، سوعان بارىنشا نازار اۋدارىپ، ءوز ءومىرىڭىزدى جارقىن دا شىنايى ەتە ءبىلىڭىز.

2. وسى شاقپەن ءومىر ءسۇرۋدىڭ ورنىنا بولاشاق تۋرالى ويلاۋ

وسى ساتتە بولىپ جاتقان جاعداي قايتادان قايتالانبايدى. ءوز ۋاقىتىڭىزدى ۇنەمدەڭىز، ويتكەنى ول ءسىزدىڭ ءومىرىڭىز. ءبىر ىسپەن اينالىسىڭىز، الايدا ساياحات جاساۋدان ءلاززات الۋدى ەستەن شىعارماڭىز. ءسىزدىڭ ءاربىر قادامىڭىز ماڭىزدى. جالعان ونىمدىلىككە بوي الدىرىپ، ءدال قازىرگى ساتتەگى جاعدايلاردان الىستاپ كەتپەڭىز.

وسى شاقتا بولىپ جاتقان اسا ماڭىزدى ساتتەردى ول ءسىزدىڭ جادىڭىزدىڭ ءبىر بولىگىنە اينالعانعا دەيىن باعالاۋ قيىن. ءسىز ارماندايتىن جاعدايلاردىڭ ۇرىمتال تۇستارىن وتكىزىپ العاننان كەيىن تۇسىنەسىز. سوندىقتان دا، ءقازىر قولىڭىزدا، قاسىڭىزدا، وزىڭىزدە بار زاتتاردى، ادامداردى باعالاڭىز. قولدا باردا التىننىڭ قادىرىنە جەتە ءبىلىڭىز.

3. شەشىم قابىلداۋدى كەيىنگە قالدىرۋ

جالپى ءومىر كۇردەلى شەشىمدەردى شەشۋدى قاجەت ەتەدى. ومىردە سان تاراۋ جولدار بار. تەك سىزگە ءوزىڭىز قالايتىن دۇرىس جولدى تاڭداۋ كەرەك، ياعني ەرىك پەن ەركىندىگىڭىز بار.

ءسىز قابىلداعان شەشىمدەر وتە اۋىر بولۋى مۇمكىن. ءوزىڭىز ءۇشىن دۇرىس جول تاڭداۋدا سەنىمدىلىكتىڭ بولماۋى قيىن. ەڭ جامانى شەشىم قابىلداماۋ. ەگەر ءوز جولىڭىزدى ءوزىڭىز تاڭداي المايتىن بولساڭىز، وندا ءسىز ەشقاشاندا ءومىر ءسىزدى قاي سوقپاققا اپاراتىنىن تۇسىنە الماي دال بولاسىز. سوندىقتان دا ەكى بىردەي جولدان بىرەۋىن تاڭداعان كەزدە ءۇشىنشى نۇسقانى باسشىلىققا الماڭىز.

4. «جوق» دەپ ايتاتىن كەزدە «ءيا» دەپ ايتۋ

ورىنداي المايتىن مىندەتتەردى ءوز موينىڭىزعا الماڭىز. «ءيا» دەپ ايتۋ ءسىزدىڭ جولىڭىزدى اشادى، ءبىراق «جوق» دەپ ايتا ءبىلۋ دە اسا ماڭىزدى. ءسىزدىڭ عۇمىرىڭىز ساناۋلى. بارىنە بىردەي ۇلگەرمەيسىز، ول اكسيوما. جاڭا جوباعا قاتىسۋعا، بىرەۋلەردىڭ اياق استىنان جاساعان وتىنىشتەرىن ورىنداۋعا ۋاقىتىڭىز بولماسا «جوق» دەپ ايتا ءبىلىڭىز. دوسىڭىزدىڭ، تۋىستارىڭىزدىڭ، كليەنتىڭىزدىڭ ءوتىنىشىن جەرگە تاستاۋ، ارينە قيىن. ونىڭ ەڭ قيىنى ورىندالمايتىن ءىستى ءوزىڭ الۋ جانە وزىڭە ۋاقىت قالدىرماۋ.

ماسەلەنىڭ ءمانىسى مىنادا: وسى ومىردە بارىنشا تابىستى بولۋعا تىرىسپاۋ جانە جەتىستىككە جەتۋ جولدارىن وزدىگىمەن شەكتەۋ. ءسىزدىڭ بىلىكتىلىگىڭىز پەن قابىلەتىڭىز جوعارى دەڭگەيدە بولسا دا، كۇندەردىڭ كۇنىندە شارىقتاۋ شەگىنە جەتەسىز. شارىقتاۋ شەگى قۇلدىراۋ. سوندىقتان دا «جوق» دەپ ايتا ءبىلىڭىز.

5. قاجەت ەمەس زاتتى ساتىپ الۋ

ءوزىڭىزدىڭ قارجىلىق جاعدايىڭىزدى ساۋاتتى باسقارۋ ومىردەگى ماڭىزدى داعدىلاردىڭ ءبىرى. ءسىز وسى داعدىنىڭ ارقاسىندا جايلى جانە باي-قۋاتتى ءومىر كەشە الاسىز. الايدا ءبىز وسى داعدىنى ورىنسىز قولدانىپ جاتامىز. ءبىز ءومىر ءسۇرىپ جاتقان تۇتىنۋ قوعامى جاڭا زاتتاردى تۇراقتى ساتىپ السام سودان «باقىتتى بولامىن» دەگەن تۇسىنىكتەردى ەرىكسىز سانامىزعا قوندىرادى. ول باقىتتى ساتىپ نەمەسە زاتتاردىڭ اراسىنان ىزدەپ تاۋىپ الا المايتىندىعىمىز تۋرالى سانالى پىكىرمەن ۇشتاسپايدى.

قانداي دا ءبىر جاڭا زات ساتىپ الاردا «ول ماعان قانشالىقتى كەرەك»، «مەندە ءقازىر قانداي زات بار؟»، «ونى ساتىپ السام نەنى الماستىرامىن؟» دەگەن سياقتى سۇراقتاردى وزىڭىزگە قويىڭىز.

نەگىزى ومىردەگى ەڭ جاقسىسى تەگىن زات. دوستىق، كۇلكى، ءۇي جانۋارلارىمەن  ويناۋ، بالانىڭ كۇلكىسى، رومانتيكا، رۋحتى كوتەرەتىن ساتتەر — بارلىعى تەگىن جانە ولار ءبىزدىڭ جانىمىزدى شىنىمەن باقىتتى ەتەتىن جاعدايلار. ولار سىزدەن اقى سۇرامايدى. ارينە، اقشا ءبىزدىڭ ءومىرىمىزدى جايلى ەتەدى، ال جايلىلىقتى جاقسى كورمەۋ دۇرىس ەمەس. ەڭ باستىسى، اقشانى ءسىز ءۇشىن قۇندى زاتتارعا جۇمساي ءبىلۋ. ايتپەسە قاراجاتتى وڭدى-سولدى شاشۋدىڭ ارتى جاقسىلىققا اپارماسى شىندىق.

6. وسەك ايتۋ

وسەك ايتۋ — بالە. ەگەر ءسىز بىرەۋ تۋرالى ءبىر نارسە بىلگىڭىز كەلسە، سۇراڭىز. ءبىراق بولجام جاساۋدىڭ قاجەتى جوق → ودان وسەك پايدا بولادى.
ءسىزدىڭ ويىڭىزدى مازالايتىن اداممەن سىرتىنان عايبات ايتىپ جۇرگەنشە، ونىمەن تىكەلەي تىلدەسكەن ابزال.
جانىڭىزداعى ادامداردى كىناراتتاماڭىز. ءوزىڭىزدىڭ ءار سوزىڭىزگە اباي بولىڭىز. تەك شىندىقتى ايتىڭىز جانە وزگەلەردى وسەكتەۋدەن اۋلاق بولىڭىز.

7. بوس ۋاقىتتىڭ بارلىعىندا جۇمىس جاساۋ

دەمالىس كەرەك. جۇمىسقا قابىلەتى وتە جوعارى ادامزاتتىڭ ءوزى بەلگىلى ءبىر ۋاقىتتا دەمالىستى قاجەت ەتەدى. ادام اعزاسى قىسقا يمپۋلسپەن جۇمىس جاساۋعا داعدىلانعان. سوندىقتان دا فيزيكالىق جانە مورالدى تۇرعىدان قالىپقا كەلىپ وتىرۋ ءۇشىن تۇراقتى دەمالۋ كەرەك. ءمىنسىز ءونىمدى كۇن بىلاي سيپاتتالادى: بەلسەندىلىك، قىسقا دەمالىس، بەلسەندىلىك، قىسقا دەمالىس جانە وسىلاي جالعاسادى.

كۇن سايىن دەمالۋعا، ويلانۋعا جانە قالىپقا كەلۋگە ۋاقىت تابىڭىز. ءوزىڭىزدى الداماڭىز، قانداي جاعداي بولسىن بىرنەشە مينۋتقا تىنىم تابىڭىز. بىرنەشە مينۋت تەرەڭ تىنىستاپ، قازىرگى ساتتەن ءلاززات الىڭىز.

---